အွန်လိုင်းအမေးအဖြေမှာ ဝင်ဖြေတာ ၁နှစ်ပြည့်ပြီဆိုတော့ ရှာရှာဖွေဖွေ ထူးထူးဆန်းဆန်းမေးခွန်းတွေလည်း အများကြီးကြုံရပါတယ်။ တချို့ပရိသတ်တွေက တကယ့်ကိုမေးခွန်းမေးတာ တော်ကြပါတယ်။ထိုသူတို့ ရှာရှာဖွေဖွေမေးထားတဲ့ မေးခွန်းတွေကို အားလုံးဗဟုသုတရအောင် ဆောင်းပါးအနေနဲ့စုစည်းတင်ပြချင်ပါတယ်။
အခုအပိုင်း(၁)မှာတော့ အရေးပေါ်သန္ဓေတားဆေး(Emergency Oral Contraceptive Pills)နဲ့ပတ်သက်တဲ့မေးခွန်းတွေကိုတင်ပြချင်ပါတယ်။
အရင်ဆုံးအရေးပေါ်သန္ဓေတားဆေးအကြောင်းကိုနည်းနည်းပြောပြပါရစေ။ အရေးပေါ်သန္ဓေတားဆေး ထုတ်လုပ်တဲ့ရည်ရွယ်ချက်က တကယ့်ကိုအရေးပေါ် အခြေအနေမှသာ သောက်ဖို့ ထုတ်လုပ်ထားတာပါ။ ဘယ်လိုအခြေအနေတွေမှာ သုံးဖို့ထုတ်ထားလဲဆိုတော့ ဥပမာ အလိုမတူဘဲ အနိုင်ကျင့်ခံရရင်၊ ကွန်ဒုံး အသုံးပြုနေရင်းနဲ့ မတော်တဆ ကွန်ဒုံးပေါက်ပြဲသွားရင်၊ မလိုချင်တဲ့ ကိုယ်ဝန်ရတာမျိုး
မဖြစ်အောင် နောက်ပြီး ခရီးသွားရင်းနဲ့ အတူနေခဲ့မိတယ် ရောက်နေတဲ့နေရာမှာ ဆေးဝယ်ဖို့ကလည်းချက်ချင်းမလွယ်ဘူး။
နောက်တစ်ရက်လောက်မှ ဆေးဝယ်လို့ရမယ်။ ဒါမှမဟုတ် အတူနေတဲ့ညမှာ မိုးသက်လေပြင်းတွေကျလို့ ချက်ချင်းဆေးထွက်ဝယ်ဖို့ အဆင်မပြေဘူး။ မနက်ဖြန် သို့မဟုတ် သန်ဘက်ခါမှ ဆေးဝယ်လို့ရမယ်။ စတဲ့အခြေအနေတွေ အတွက် ထုတ်လုပ်ထားတာပါ။ အရေးပေါ်တားဆေးက လိင်ဆက်ဆံပြီးချက်ခြင်းမသောက်နိုင်လည်း ကိစ္စမရှိပါဘူး။ ၇၂နာရီ အချိန်ရပါတယ်။ ၇၂နာရီအတွင်းမှာ နှစ်လုံးပါတဲ့အရေးပေါ်တားဆေးဆိုလည်းနှစ်လုံး တစ်လုံးပါတဲ့အရေးပေါ်တားဆေးဆိုလည်း တစ်လုံးတိုက်နိုင်ရင် မလိုချင်တဲ့ ကိုယ်ဝန်မရအောင် အနည်းနဲ့အများ ကာကွယ်ပေးနိုင်ပါတယ်။
အရေးပေါ်ဆေးဖြစ်လို့ ပါဝင်တဲ့ဟော်မုန်းကိုလည်း ပိုထည့်ထားတယ်။ ဟော်မုန်းများတာနဲ့အမျှ ဘေးထွက်ဆိုးကျိုးလည်း ပိုများတယ်။ ပျို့ချင်၊ အန်ချင်၊ ရင်သားတင်း ခေါင်းမူးခေါင်းကိုက်၊ စိတ်ခံစားမှုတွေ ပြောင်းလဲနိုင်တယ်။ ရာသီသွေးလည်း ပြောင်းမယ်။ ထိန်တာ၊ များတာ၊ နည်းတာ လာမယ့်ရက်မဟုတ်ဘဲ ဆင်းတာ ထပ်ဆင်းတာ စသဖြင့်အမျိုးမျိုး ဖြစ်နိုင်တယ်။
ကဲ ဆေးအကြောင်းအနည်းငယ်ပြောပြီးပြီဆိုတော့မေးခွန်းလေးတွေကိုပြောပြပါ့မယ်။
မေးခွန်း၁။ ။ ဆရာကျွန်တော့်နာမည်က မောင်အောင်ပါ။ အရေးပေါ်တားဆေးက အတူနေပြီး ၇၂နာရီအတွင်းမှာသောက်ရင် ကိုယ်ဝန်လုံးဝမရဖို့ ၁၀၀ရာခိုင်နှုန်းအာမခံပါသလား။
အဖြေ။ ။ ကိုယ်ဝန်တားတဲ့နေရာမှာ ကွန်ဒုံးသုံးတာ၊လက်ညိုး ထိုးဆေးကဒ် နေ့စဉ်စားတာ၊ သုံးလခံဆေးထိုးတာ၊ မိန်းမကိုယ်ထဲ ပစ္စည်းထည့်တာ၊ လက်မောင်းထဲ မြုပ်တာ၊ ရက်ရှောင်တာ စသဖြင့်နည်းလမ်းတွေ အများကြီးရှိပါတယ်။ ဘယ်တားတဲ့ နည်းလမ်းမှ ၁၀၀ရာခိုင်နှုန်း အာမမခံထားပါ။ ကျွန်တော့်အနေနဲ့လည်း ကြားကနေ အာမမခံပေးပါ။ ကွန်ဒုံးသုံးရင်တောင်မှ ကိုယ်ဝန်မရဖို့ ၉၈ ရာခိုင်နှုန်းပဲ ကာကွယ်ပေးနိုင်ပါတယ်။
အရေးပေါ်သန္ဓေတားဆေး (EOC pills) တွေ အနေနဲ့ကတော့ အတူနေပြီး ၂၄နာရီအတွင်း သောက်ရင် ၉၅ ရာခိုင်နှုန်း စိတ်ချရတယ်။ ၄၈နာရီအတွင်း သောက်ရင် ၈၅ရာခိုင်နှုန်း ၊၇၂နာရီအတွင်း သောက်ရင် ၅၈ ရာခိုင်နှုန်း စိတ်ချနိုင်ပါတယ်။
မေးခွန်း(၂) အတူနေပြီးတိုင်း နှစ်လုံးပါတာဆို နှစ်လုံး တစ်လုံးပါတာဆို တစ်လုံး ထပ်တိုက်ဖို့လိုလား။သို့မဟုတ် တစ်ရက်တည်းမှာ သို့မဟုတ် နှစ်ရက်လောက် ၃ခါ ၄ခါအတူနေပြီးမှ နှစ်လုံးပါတဲ့ဆေးဆိုနှစ်လုံး တစ်လုံးပါတဲ့ဆေးဆိုတစ်လုံး တစ်ကြိမ်ပဲတိုက်ရင်ကောရလား။
အဖြေ။ ။ တစ်ရက်တည်းမှာ သို့မဟုတ် နှစ်ရက်လောက် ၃ခါ ၄ခါအတူနေပြီးမှ နှစ်လုံးပါတဲ့ဆေးဆိုနှစ်လုံး တစ်လုံးပါတဲ့ဆေးဆိုတလုံး တကြိမ်ပဲတိုက်ရင်လည်းရပါတယ်။ သို့သော် မေးခွန်း၁မှာပြောခဲ့သလို ၂ရက် (၄၈) နာရီဆိုရင် ကိုယ်ဝန်ကို ကာကွယ်နိုင်တဲ့ရာခိုင်နှုန်းက လျော့သွားနိုင်ပါတယ်။ ၃ရက်အတွင်းမှာ တိုက်ရင်ရတယ်လို့ ဆိုသော်ငြား ရက်တစ်ရက် နောက်ကျသွားတာနဲ့အမျှ ကိုယ်ဝန်တားနိုင်ခြေကျဆင်းလာပါတယ်။
မေးခွန်း (၃) ကျွန်တော်ကောင်မလေးနဲ့နေ့လည်းကအတူနေပြီး အရေးပေါ်တားဆေးတိုက်လိုက်တယ်ဆရာ။ ဒါပေမယ့်တိုက်ပြီး စိတ်မထိန်းနိုင်တော့ ညနေမှာနောက်တစ်ကြိမ်ထပ်နေမိတယ်။အဲ့ဒါနောက်တစ်ကြိမ်ထပ်တိုက်ဖို့လိုလား။ကျွန်တော်တို့ကမပြေလည်တော့ကလေးရမှာစိုးလို့ပါ။
ဒါက သေချာစဉ်းစားကြည့်ရင် မေးခွန်း၂နဲ့သဘောတရားချင်းတူပါတယ်။
အဖြေ။ ။ ထပ်တိုက်စရာမလိုပါဘူး။ဘာလို့လဲဆိုတော့ ဆေးတိုက်ပြီးရက်မခြားသေးလို့ပါ။ ဆိုလိုတာက နောက်ရက်မှာအတူနေမိတာမဟုတ်ဘဲ ဆေးတိုက်ထားတဲ့ရက်ရဲ့ ညနေမှာပဲအတူထပ်နေမိတာမျိုးမို့ပါ။ နောက်တစ်ရက်မှာထပ်နေမယ်ဆိုရင်တော့ ထပ်တိုက်ရမှာပါ။
မေးခွန်း(၄) ဒီမေးခွန်းကတော့ အွန်လိုင်းအမေးအဖြေမှာမေးတာတော်တော်နည်းပါတယ်။ကျွန်တော်နဲ့သိတဲ့ စီးပွားရေးလုပ်ငန်းရှင်သူဌေးတချို့ အမေးများတဲ့မေးခွန်းပါ။ဘာမေးတာလဲဆိုတော့ အရေးပေါ်တားဆေးကိုအတူမနေခင်ကြိုတိုက်ထားလို့ကောရလားတဲ့။အရမ်းချမ်းသာပြီး သားသမီးရှိ မယားရှိတဲ့သူဌေးတချို့က sponsor ပေးပြီး small အမှန်အကန်တယောက်လောက်ထားတာမျိူးရှိပါတယ်။အဲ့အခါမှာပြသာနာကဘာလဲဆိုတော့ နေတာကြာလာတာနဲ့အမျှ သံယောဇဉ်တွယ်ပြီး ကောင်မလေးကတကယ်ချစ်မိတဲ့အခါကျ ဆက်ဆံပြီးဆေးမသောက်ဘဲ ကိုယ်ဝန်ယူလိုက်တာဖြစ်ဖြစ်(ဒါကတော့ရှားပါတယ်) သို့မဟုတ် ကြွယ်ဝမှုတွေကိုလောဘတက်ပြီး သူ့ကိုယ်ဝန်ကိုယူချင်တာပဲဖြစ်ဖြစ် ဖြစ်လာနိုင်ပါတယ်။ဒါကြောင့်အတူနေပြီးမှတိုက်ရင်မသောက်တာမျိုးတွေဖြစ်နိုင်တဲ့အတွက် အတူမနေခင်ကြိုတိုက်ချင်ကြတာပါ။
ဒီမေးခွန်းက မေးခွန်းနံပါတ်(၃)နဲ့ခပ်ဆင်ဆင်ပါပဲ။ကြိုတင်တိုက်လို့ရပါတယ်။
သို့သော်မေးခွန်းနံပါတ်(၃)လိုပဲရက်ခြားသွားရင်တော့ ထပ်တိုက်ဖို့လိုပါတယ်။ဆိုလိုတာက တစ်ခါကြိုတိုက်ပြီး ဒီနေ့အတူနေလိုက်တယ်။ နောက်၇၂နာရီပြည့်တဲ့အထိထပ်မတိုက်ဘဲအတူထပ်နေလို့တော့မရပါဘူး။မေးခွန်း(၁)အဖြေမှာပြောခဲ့သလိုပဲ ၇၂နာရီပြည့်ခါနီးတာနဲ့အမျှ ကာကွယ်နိုင်စွမ်းလျှော့ကျလာလို့ပါ။
အဆုံးသတ်အနေနဲ့ပြောပြချင်တာကတော့ အရေးပေါ်တားဆေးဟာ အပေါ်မှာတစ်ခါပြောခဲ့တဲ့အတိုင်း ဘေးထွက်ဆိုးကျိုးတွေအနေနဲ့ ပျို့ချင်၊အန်ချင်၊ရင်သားတင်း ခေါင်းမူးခေါင်းကိုက်၊စိတ်ခံစားမှုတွေပြောင်းလဲတာ၊ရာသီထိန်တာ၊များတာ၊နည်းတာလာမယ့်ရက်မဟုတ်ဘဲ ဆင်းတာ ထပ်ဆင်းတာတွေအပြင် မကြာခဏသုံးစွဲလာတာနဲ့အမျှ ကိုယ်ဝန်တားနိုင်စွမ်းလျှော့ကျလာပြီး ဆေးသောက်သော်လည်းကိုယ်ဝန်ရတာ၊ရတဲ့ကိုယ်ဝန်ကလည်း သားအိမ်ပြင်ပမှာဖြစ်တာ၊ကိုယ်ဝန်မခိုင်တာ၊ခြေထောက်ထဲက သွေးပြန်ကြောတွေ ပိတ်ပြီးရောင်ခြင်း၊ အဆုပ်သွေးကြောပိတ်၊ နှလုံးသွေးကြောပိတ်၊ ဦးနှောက်သွေးကြောပိတ်၊ အသည်းထိခိုက်၊ အသဲကင်ဆာ၊ သည်းခြေအိတ်ရောဂါ နဲ့ သွေးတိုးရောဂါတွေဖြစ်တာစတဲ့ရေရှည်ခဏခဏသုံးရင်ရနိုင်မယ့်ဘေးထွက်ဆိုးကျိုးတွေကတအားများပါတယ်။ဒါကြောင့်တကယ်အရေးပေါ်မှသာသုံးသင့်ပါတယ်။လူငယ်စုံတွဲများအနေနဲ့ ကွန်ဒုံးကိုပဲအဓိကထားသုံးစွဲစေချင်ပါတယ်။ကွန်ဒုံးကဘေးထွက်ဆိုးကျိုးမရှိသလောက်နည်းတဲ့အပြင် လိင်ကတဆင့်ကူးစက်တဲ့ရောဂါတွေကိုလည်းကာကွယ်ပေးနိုင်ပါတယ်။
Author : Dr. 528