ကိုယ်ဝန်ဆောင် မိခင်လောင်းများ အမေးများတာက ကိုယ်ဝန်ဆောင်နေစဉ် ခရီးသွားလို့ရသလား ၊ကိုယ်ဝန်ဘယ်နှပတ်အထိ ခရီးသွားလို့ရလဲ ၊ဘာတွေ ဆောင်ရ ၊ရှောင်ရမလဲ ဆိုတာ တွေပါပဲ။
ယေဘူယျအားဖြင့် ကိုယ်ဝန်နဲ့ပတ်သက်လို့ ဘာပြဿနာမှ မရှိတဲ့မိခင်လောင်းတွေဆိုရင်တော့ ကန့်သက်ချက် တစ်စုံတစ်ရာ မရှိပါ။ မိမိတို့ ခရီးသွားလို့က သွားနိုင်ပါတယ်။ ဒါပေမယ့် မွေးရက်နားနီးတဲ့အချိန်တော့ ရှောင်သင့်ပါတယ်။
ခရီးမသွားခင် မိမိတို့ ဗိုက်အပ်ထားသော ဆရာများနဲ့လည်း အရင် ပြသ တိုင်ပင်သင့်တယ်။ သတိပြုရန်မှာ မိမိတို့ ခရီး နီးနီးဝေးဝေး သွားသွား ကိုယ်ဝန်ဆောင်စောင့်ရှောက်မှု စာအုပ် စာတမ်း မှတ်တမ်းများ ယူသွားစေချင်ပါတယ်။ အရေးပေါ် အခြေအနေဖြစ်ရင် အရေးပေါ်ကျန်းမာရေး စောင့်ရှောက်မှုပေးမယ့်သူများ မိမိကိုယ်ဝန်အခြေအနေ သိထားရအောင်ပါ။
ဘာတွေ ဆောင်ရ၊ ရှောင်ရမလဲကားဖြင့် ခရီးသွားရင်
-Safety belt ခါးပတ်ပတ်ပါ။ ပတ်တဲ့အခါ အပေါ်ကြိုးကို ရင်သားနှစ်ခုကြားကနေ ဗိုက်ရဲ့ အပေါ်ဘက် ၊အောက်ကြိုးကို ဗိုက်ရဲ့အောက်ကနေ လျှိုပြီး ပတ်ပါ။ ကိုယ်ဝန်ဆောင် ဗိုက်အပေါ် ဖိအား မသက်ရောက်စေချင်ပါ။
-ကားရှေ့ခန်းက စီးရင် လေအိတ်ထွက်လာမယ့်နေရာနဲ့ အနည်းဆုံး ၁၀လက်မခွာပြီး စီးပါ။ ဒါမှ အက်ဆီးဒင့်ဖြစ်ရင် လေအိတ်က ကာကွယ်ပေးမှာပါ။
-ခရီးရှည် သွားမယ်ဆိုရင် ၂နာရီခြား တစ်ခါ ခရီးတစ်ထောက်နား ၊အပေါ့အပါးသွားတာ ၊လမ်းလျှောက်တာမျိုး လုပ်ပါ။ ဒါမှ ခြေထောက်မှာ သွေးဖိအားလျော့ကာ ခြေထောက်သွေးခဲခြင်း ဖြစ်တာနည်းမှာပါ။
လေကြောင်းခရီးသွားရင်
-လေကြောင်းခရီးကို ကိုယ်ဝန် ၁၈ပတ်နဲ့ ၂၄ပတ်အတွင်းသာ သွားသင့်ပါတယ်။ ၂၄ပတ်ကျော်ရင် မသွားတော့တာ အကောင်းဆုံးပါ။ မဖြစ်မနေ သွားရမယ်ဆိုရင်မိမိတို့ ဗိုက်အပ်ထားတဲ့ ဆရာဝန်နဲ့ တိုင်ပင်ပါ။
-လေကြောင်းခရီးသွားမည်ဆိုက လေကြောင်းလိုင်းထံ ကိုယ်ဝန်ဆောင်များ စီးနင်းလို့ အဆင်ပြေ ၊မပြေ စုံစမ်းပါ။ နိုင်ငံခြား လေကြောင်းလိုင်းများတွင် သူ့လေကြောင်းလိုင်း အလိုက် သတ်မှတ်ထားချက်များရှိပါတယ်။
-ဖြစ်နိုင်ရင် လျှောက်လမ်းနဲ့ အနီးဆုံးနေရာကို ရွေးပါ။
– Safety belt ခါးပတ်ပတ်ပါ။ ပတ်တဲ့အခါ အပေါ်ကြိုးကို ရင်သားနှစ်ခုကြားကနေ ဗိုက်ရဲ့ အပေါ်ဘက် ၊အောက်ကြိုးကို ဗိုက်ရဲ့အောက်ကနေ လျှိုပြီး ပတ်ပါ။ ကိုယ်ဝန်ဆောင် ဗိုက်အပေါ် ဖိအား မသက်ရောက်စေချင်ပါ။
-ခရီးရှည် သွားမယ်ဆိုရင် ၂နာရီခြားတစ်ခါ အပေါ့အပါးသွားတာ ၊လမ်းလျှောက်တာမျိုး ၊ခြေထောက်ကို နှိပ်နယ်ပေးတာ ၊လှုပ်ရှားပေးတာမျိုး လုပ်ပေးပါ။ ဒါမှ ခြေထောက်မှာ သွေးဖိအားလျော့ကာ ခြေထောက်သွေးခဲခြင်း ဖြစ်တာနည်းမှာပါ။
-ကဖင်းဓာတ်ပါသော အချိုရည်များ ၊ကော်ဖီ လက်ဖက်ရည်များ သောက်တာလျော့ပါ။
Author : ခေတ်သစ် ဇီဝက