အသက်ရှူလမ်းကြောင်းသည် နား၊ နှာခေါင်း၊ လည်ချောင်းမှစပြီး အဆုတ်ထိဖြစ်ပါသည်။ ကလေးအသက်ရှူလမ်းကြောင်းရောဂါသည် အသက် ၅ နှစ်အောက် ကလေးများတွင် အဖြစ်များပါသည်။ အသက်ငယ်သော ကလေးများတွင်ဖြစ်ပါက အသက်အန္တရာယ်စိုးရိမ်ရပါသည်။
ရောဂါဖြစ်စေသောအကြောင်းရင်း
ဘက်တီးရီးယားနှင့် ဗိုင်းရပ်စ် ရောဂါပိုးမွှားများကြောင့် ကလေးအသက်ရှူလမ်းကြောင်းရောဂါဖြစ်စေပါသည်။ ထိုဘက်တီးရီးယားပိုးမွှားများသည် ကလေး၏အသက်ရှူလမ်းကြောင်းမှ ခနဓာကိုယ်ထဲသို့ ဝင်ရောက်ခြင်းကြောင့် ဖြစ်ပါသည်။ ဆေးလိပ်ငွေ့များ၊ ကာဗွန်ပါသော အခိုးအငွေ့များ၊ မီးခိုးများနှင့် ထမင်းဟင်းချက်ပြုတ်ရာ မီးဖိုမှ ထွက်ရှိလာသော မီးခိုးငွေ့များသည် ကလေး၏ အသက်ရှူလမ်းကြောင်းကို ပျက်စီးစေပြီး ရောဂါပိုးများဝင်လွယ်စေပါသည်။
ရောဂါဖြစ်တတ်သောကာလ
မိုးရာသီဥတုတွင် အဖြစ်များသော်လည်း ပူပြင်းသောရာသီတွင် ပူရာမှ အေးလာပြီး ဖြစ်တတ်ပါသည်။ မိုးရာသီတွင် အကာအကွယ် ထီး၊ မိုးကာ မပါရှိပဲ အိမ်အပြင်သို့ ထွက်ခြင်းကြောင့် ဖြစ်ပါသည်။
ရောဂါလက္ခဏာများ
ရောဂါလက္ခဏာများမှာ နှာစေးခြင်း၊ နှာခေါင်းပိတ်ခြင်း၊ လည်ချောင်းယားပြီး ချောင်းဆိုးရာမှ အသက်ရှူကျပ်ခြင်းနှင့် အသက်ရှူနှုန်းမြန်လာခြင်း (ကလေးငယ် ၅နှစ်အောက်ဆိုပါက ၁မိနစ်ကို အကြိမ်၅၀ထက်မြန်ပြီး ၅နှစ် အထက်ဆိုပါက ၁မိနစ်ကို အကြိမ်၄၀ထက် မြန်ခြင်းတို့ဖြစ်တတ်ပါသည်။
ကလေးငယ်အား အိမ်တွင်ပြုစုခြင်း
ကလေးငယ်များသည် အဖျားမရှိဘဲ ရိုးရိုးနှာစေးချောင်းဆိုးဖြစ်ပါက ကလေးကို နွေးနွေးထွေးထွေးထားခြင်း၊ ကွမ်းရွက်ပြုတ်ရည်လေးတိုက်ခြင်းနှင့် ကလေးငယ်၏အသားကို မလောင်စေနိုင်သော ရင်လူးဆေးတစ်ခုခုလူးပေးခြင်းများ ပြုလုပ်နိုင်ပါသည်။
သို့ရာတွင် ကလေးသည် ကိုယ်ပူပြီးဖျားခြင်း၊ အန်ခြင်း၊ ဆော့ကစားနိုင်မှုမရှိခြင်း၊ ထိုင်းမှိုင်းနေခြင်းနှင့် နို့သိပ်မစို့ခြင်းများဖြစ်ပါက နားလည်တတ်ကျွမ်းသော ကျန်းမာရေးဝန်ထမ်းများနှင့် ဆေးကုသမှုခံယူရပါမည်။ လိုအပ်ပါက ဆေးရုံသို့တင်ပြီး ကုသရပါမည်။
ရောဂါ၏နောက်ဆက်တွဲဆိုးကျိုး
အသက်ငယ်သော ကလေးများတွင် ပိုပြီးသတိထားရပါမည်။ လသားအရွယ်တွင် ရောဂါကြောင့် သေဆုံးမှုအလွန်များနိုင်ပါသည်။ ရောဂါကို စောစောသိပြီး စောစောမကုသနိုင်ပါက အသက်အန္တရာယ်စိုးရိမ်ရပါသည်။
ရောဂါကူးစက်ခြင်း
ရောဂါရှိသောကလေးမှ နှာချေခြင်း၊ ချောင်းဆိုးခြင်းနှင့် အသက်ရှူထုတ်ခြင်းကြောင့် ကူးနိုင်ပါသည်။ ရောဂါပိုးပါဝင်သော လေကိုရှူမိပါကလည်း ကူးနိုင်ပါသည်။ လူကြီးများတွင် အသက်ရှူလမ်းကြောင်းရောဂါရှိပြီး ကလေးကို ချစ်၍ နမ်းမိခြင်းကြောင့်လည်း ကလေးကို ပိုးများလက်ဆင့်ကမ်းပေးသကဲ့သို့ ဖြစ်ပြီး ကူးစက်နိုင်ပါသည်။
ရောဂါကို ကုသခြင်းနှင့် အစာကျွေးခြင်း
၅နှစ်အောက်ကလေးများတွင် တစ်နှစ်တွင် ၂ ခါ ၃ ခါ အထိဖြစ်တတ်သောရောဂါဖြစ်ပါသည်။ ဘက်တီးရီးယား၊ ဗိုင်းရပ်ပိုးမွှားများကြောင့် ဖြစ်တတ်၍ ရောဂါပိုးဝင်ပါက နောက်တစ်ကြိမ်ပြန်ဖြစ်နိုင်ပါသည်။ ပိုးမွှားများကို ထိရောက်စွာ တိုက်ထုတ်ရန် ပဋိဇီဝဆေးများနှင့် အခြားဆေးများ သောက်ရပါမည်။
ကလေးငယ်အား အာဟာရပြည့်ဝပြီး သန့်ရှင်းလတ်ဆတ်သော အစားအစာ၊ ကြေညက်လွယ်သော အစားအစာများကို ကျွေးရပါမည်။ အဖျားရှိပါကလည်း ခုခံအားကောင်းစေရန် ပုံမှန်ကျွေးပေးရပါမည်။
ကာကွယ်ခြင်း
ကလေးကို လေကောင်းလေသန့်များများရရှိသော နေရာနှင့် ဆေးလိပ်သောက်သုံးမှုများကင်းစင်သော နေရာတွင် ထားရပါမည်။ အသီးအရွက်၊ အသားငါးမျှတအောင် ကျွေးရပါမည်။ ရာသီပေါ်သီးနှံများကို ကျွေးရပါမည်။ ကိုယ်ခံအားကောင်းမွန်စေရန် အာဟာရပြည့်ဝသည့် အစားအသောက်များကို ရွေးချယ်ကျွေးမွေးရပါမည်။ ကာကွယ်ဆေးများ (ဆုံဆို့၊ ကြက်ညှာ၊ တီဘီ၊ ဝက်သက်) များ ထိုးထားရပါမည်။ မိခင်နို့တိုက်ကျွေးရပါမည်။
အကြံပြုချက်
ကလေးအသက်ရှူလမ်းကြောင်းရောဂါသည် ပေါ့ဆ၍ မရပါ။ ကာကွယ်နည်းများကို အပြည့်အဝလိုက်နာသင့်ပါသည်။ ရောဂါဖြစ်ပါကလည်း တတ်ကျွမ်းနားလည်သော ဆရာဝန်များနှင့် ပြသသင့်ပါကြောင်း အကြံပြုအပ်ပါသည်။
Author – ဒေါက်တာကောင်းစံ