ကျွန်တော်တို့ အလုပ်သင်ဆရာဝန်ဆင်းတုန်းက ဇာတ်လမ်းအဖုံဖုံကို တွေ့ကြုံရတယ်။ လူနာတွေရဲ့ အခက်အခဲတွေ လူနာတွေရဲ့ အကြောင်းတွေကို ထဲထဲဝင်ဝင်တွေ့ရတဲ့ အချိန်ဆိုလည်း မမှားပါဘူး။
တစ်နေ့တော့ သားဖွားမီးယပ်ဆောင်မှာ တာဝန်ကျနေတုန်း သွေးဆင်းတဲ့ လူနာတစ်ယောက် ရောက်လာတယ်။ လူနာရဲ့ ရာဇဝင်ကို စမ်းသပ်မေးမြန်းတာတွေ လုပ်တော့ ရာသီမလာတာ ၅ လရှိပြီတဲ့။ ဘာတွေလုပ်လာသေးလည်းမေးတော့ ဘာမှမလုပ်လာဘူးတဲ့။ သူ့အရင်အရင်တွေကလည်း ဒီလိုပုံတွေနဲ့ ကိုယ်ဝန်ဖျက်ချဖူးတဲ့ လူနာတွေ ခဏခဏတွေ့ဖူးတော့ ဘာတွေလုပ်လာတာလည်း ပြော၊ ဘယ်သူကိုမှ တရားစွဲတာတွေ ဘာတွေမလုပ်ဘူးဆိုပြီး ချော့မော့မေးရတာပေါ့။
ဒီတော့မှ အရပ်လက်သည်ဆီမှာ ကလေးဖျက်ချလာတာပါတဲ့။ ဘယ်လိုနည်းနဲ့ ဖျက်ချလဲမေးတော့ ဗိုက်ထဲကို သစ်သားချောင်းထိုးထည့်ပြီး မွှေလိုက်တာတဲ့။ တခြားသူတွေအတွက်သာ ဒီနည်းက မျက်လုံးပြူးစရာဖြစ်မယ် ကိုယ်တွေက ကြုံနေကျတွေဆိုတော့ မထူးဆန်းတော့ပါဘူး။ ဒီလိုပဲ ကိုယ်ဝန်ဖျက်ချတဲ့ သူတွေမှာ သစ်သားချောင်းတွေ ထိုးထည့်တာ၊ တွေ့ရာ ချွန်တဲ့ထက်တဲ့ ပစ္စည်းတွေ ထိုးထည့်တာ၊ တချို့ဆို စက်ဘီးက စမုတ်တံတွေ ထည့်တာမျိုးတွေတောင် ရှိသေးတယ်။ ဒီလိုတွေ ထိုးထည့်လို့လည်း သားအိမ်တွေပေါက်ပြီး သွေးဆိပ်တွေတက် အသက်တွေဆုံးခဲ့တာတွေလည်း မျက်စိရှေ့မှာ အများကြီးပဲ။
ဒါပေမယ့် ဒီလူနာမှာ ထူးဆန်းတာတစ်ခုက ဖျက်ချစရာအကြောင်းတစ်စုံတစ်ရာ မရှိတာပဲ။ ဖျက်ချကြတယ်ဆိုတဲ့ နေရာမှာ များသောအားဖြင့် အဖေမပေါ်လို့ ၊ ဆင်းရဲချို့တဲ့လွန်းလို့ ၊ အိမ်ကသိမှာစိုးလို့ ၊ အလိုမတူဘဲ ရလို့ စတဲ့ အကြောင်းတွေကများပါတယ်။ ဒီလူနာမှာတော့ အမျိုးသားကလည်း အရမ်းဂရုစိုက်တယ် ၊ အိမ်ကလည်း အရမ်းဆင်းရဲတာမျိုး မဟုတ်ဘဲ စားနိုင်သောက်နိုင် ပြေပြေလည်လည်ပါပဲ။ ကလေးလိုချင်လို့ဆိုပြီး တားဆေးတောင် ဖြတ်ထားသေးတယ်။ ဒီလိုလူတစ်ယောက်က ဖျက်ချတယ်ဆိုတော့ အစ်မရယ် ဘာလို့ဖျက်ချတာလဲဆိုပြီး စိတ်ဝင်တစား မေးမိတော့တာပေ့ါ။
အဲဒီတော့ လူနာရှင် အမျိုးသမီးက ကျွန်မလိုချင်တဲ့ ကလေးဆိုတာ ယောက်ကျားလေး ဆရာ။ အခုက တီဘီဓာတ်မှန် (အာထရာဆောင်း) ရိုက်ကြည့်တော့ မိန်းကလေးလို့ ပြောတယ်ဆရာ။ အဲဒါကြောင့် မိန်းကလေးမို့ ဖျက်ချတာတဲ့။ ပြီးတော့ ကိုယ်ဝန် ၅ လဆိုတော့ သွေးလုံးပဲ ရှိသေးတယ်၊ အသက်မဝင်သေးဘူးလည်း တချို့တွေက ပြောကြလို့တဲ့။
မေးလည်းမေးပြီးရော ကိုယ်တွေမှာ ပါးစပ်ဟောင်းလောင်းနဲ့။ အစ်မရယ် သွေးလုံးပဲ ရှိသေးတယ် ဘယ်သူပြောလည်း အစ်မ။ မမျိုးဥနဲ့ သုက်ပိုးတို့ ပေါင်းစပ်ပြီး သန္ဓေအောင်တယ်။ သန္ဓေအောင်ပြီး ၁၈ ရက်လောက်ဆိုတာနဲ့ အစ်မကလေးလေးရဲ့ နှလုံးလေး စဖြစ်နေပြီအစ်မ။ ၅ ပတ်မြောက်လောက်ဆို အစ်မကလေးလေးရဲ့ နှလုံးလေးက စပြီး ခုန်နေပြီ။ အစ်မကသာ သတိမထားမိတာ။ အစ်မ ကလေးလေးက သွေးလုံးလေး မဟုတ်ပါဘူးအစ်မရယ်။ လူလေးပါ။ ယောက်ကျားလေးပဲဖြစ်ဖြစ် မိန်းကလေးပဲဖြစ်ဖြစ် အစ်မရဲ့ ဗိုက်ထဲမှာ ရှိနေတဲ့ လူလေးပါ။ ၅ လအရွယ်ဆို တခြားအင်္ဂါအစိတ်အပိုင်းလေးတွေလည်း ဖြစ်နေပြီ။ အရွယ်အစားက ၈ လက်မကနေ ၁၂ လက်မလောက်တောင် ရှိနေပြီ။
အစ်မ ဗိုက်တွေဘာတွေရော အပ်ရဲ့လား။ မိန်းကလေးဆိုတာကကော ဆရာဝန်ပြောပြလိုက်တာလား။ ဆရာဝန်ကိုတော့ မမေးရဲလို့ မမေးခဲ့ဘူး။ ဒါပေမယ့် အဖြေစာရွက်မှာ မိန်းမ လက္ခဏာလေး တွေ့လိုက်လို့ လုပ်လိုက်တာတဲ့။ အစ်မရယ် ကလေးအနေအထားတွေ နေပုံနေထိုင်ပုံတွေ ကြည့်ပြီး တီဘီဓာတ်မှန်မှာ သေချာ မမြင်ရတာမျိုးတွေလည်း ရှိတယ်။ ကလေးက လှည့်နေတဲ့အချိန်မျိုးတွေမှာဆို ကောင်းကောင်းမမြင်ရတတ်ဘူး။
ကိုယ်အဲလိုပြောလိုက်မှ သူ့မှာ နောင်တတွေရ ဝမ်းတွေနည်းပြီး အခု ကျွန်မကလေးလေးကို ကယ်လို့ရရင် ကယ်ပေးပါဦးဆရာရယ်တဲ့။ သွေးဆင်းတာကလည်းများတယ် သားအိမ်ခေါင်းကလည်း ပွင့်နေတော့ ကယ်လို့ရမရ မသေချာဘူး။ သားဖွားမီးယပ်ဆရာမကြီးက ဆေးတွေတော့ သွင်းပေးခိုင်းထားလို့ သွင်းပေးထားတယ်နော်။ ရမရကတော့ စောင့်ကြည့်ရမှာပေါ့လို့ပဲ နှစ်သိမ့်ရတာပေါ့။
နောက်တစ်နာရီလောက်ကြာတော့ တခြားလူနာတွေ ဆေးသွင်းပေးနေတုန်းမှာပဲ အဲ့အစ်မကြီးဟာ သွေးတွေဆင်းပြီး ကုတင်ပေါ်မှာတင် ကလေးလေးကို မွေးပါတော့တယ်။ ဝမ်းနည်းစရာ ကောင်းတာလေး တစ်ခုက ကလေးလေးက ယောက်ကျားလေးပါပဲ။ အပြင်ကို ရောက်ရောက်လာချင်း အသက်လေး တစ်ချက်ရှိုက်ပြီး ရှူလိုက်ပါသေးတယ်။ သစ်သားချောင်းနဲ့ ထိုးထည့်ထားတဲ့အတွက် လက်ကလေးတစ်ချောင်းဟာလည်း ပြတ်လို့နေပါသေးတယ်။ သိပ်မကြာခင်မှာပဲ ကလေးငယ်လေးဟာ လောကကြီးကို စွန့်ခွာသွားပါတော့တယ်။
ကလေးငယ်လေးသာ စကားတွေပြောတတ်ခဲ့ရင် မေမေ ရက်စက်တယ်ပဲ ပြောမလား။ မေမေလိုချင်တဲ့ သားသားလေးပါ မေမေရယ်လို့ပဲ ပြောမလား။ သားသား မေမေ့ကို ခွင့်လွတ်ပါတယ်လို့ပဲ ပြောမလား။ လူ့လောကကြီးက ရက်စက်လိုက်တာလို့ပဲ တွေးထင်လေမလား ………….
Author : Dr. မေ