ကျွန်တော်တို့ရဲ့ ခန္ဓာကိုယ်စနစ်က အင်မတန်မှ အံ့သြစရာ ကောင်းပါတယ်။ လူက နားသွားပေမယ့် အချိန်တိုင်း လည်ပတ်ပြီး အလုပ်လုပ်နေတဲ့ အဖွဲ့အစည်းတွေ ရှိတယ်။ ခန္ဓာကိုယ်ကို အဆိပ်အတောက်တွေ ဆိုးကျိုးဖြစ်စေမယ့် အရာတွေကို စနစ်တကျနဲ့ စွန့်ထုတ်ပေးနေတဲ့ အင်္ဂါအစိတ်အပိုင်းတွေ ရှိတယ်။ ဒီလို အစိတ်အပိုင်းတွေထဲမှာ ကျောက်ကပ်ကလည်း တစ်ခုအပါအဝင် ဖြစ်ပါတယ်။ ဒီတော့ ကျောက်ကပ်မကောင်းတဲ့အခါမှာ လူကို အန္တရာယ်ဖြစ်စေတယ်ဆိုတာ အမှန်ပဲ ဖြစ်ပါတယ်။ ကျောက်ကပ် မကောင်းစေတဲ့ အချက်တွေထဲမှာ ဆီးလမ်းကြောင်းပိုးဝင်ခြင်းကလည်း တစ်ခုအပါအဝင် ဖြစ်လို့နေပါတယ်။ ဆီးလမ်းကြောင်းပိုးဝင်တဲ့အခါ ဘာတွေဖြစ်နိုင်လဲ။ ဆီးလမ်းကြောင်းပိုးဝင်တဲ့အခါမှာ ကျောက်ကပ်ကို ရောင်ရမ်းစေပါတယ်။ ကျောက်ကပ်လုပ်ဆောင်မှုတွေကို လျော့နည်းစေရုံမက ပြင်းထန်တဲ့အခါမှာ ကျောက်ကပ်လုံးဝအလုပ်မလုပ်တော့တာတွေ ထိဖြစ်တတ်ပါတယ်။ ဆီးလမ်းကြောင်းပိုးဝင်တာကလည်း အရမ်းကို အဖြစ်များတဲ့ ရောဂါတစ်ခုပါ။ အရွယ်ရောက်ပြီး အမျိုးသမီး ၅ ဦးမှာ […]