မှိုခူးဆွတ်သူများသည် အဆိပ်ရှိသောမှိုကို အဆိပ်မရှိမှိုဟု ထင်မှတ်၍ မှားယွင်းစွာ ခူးဆွတ်စားသောက်မိရာမှ မှိုဆိပ်သင့်ခြင်း အဓိကဖြစ်ပွားပါသည်။
အဆိပ်ရှိသည်ဟု ယူဆရမည့်မှိုများမှာ –
<ul>
<li>ဆွတ်ဆွတ်ဖြူသောမှိုများ</li>
<li>အညိုရောင် မှိုသေးသေးမွှားမွှားများ</li>
<li>အညိုရောင် မှိုပွင့်ကြီးများ</li>
<li>အနီရောင်၊ ပန်းရောင်အဆင်းရှိသော မှိုများ</li>
<li>မှိုပွင့်ကို လက်နှင့်ခြေပွတ်သည့်အခါ အနီရောင်အရည်ထွက်ခြင်း</li>
<li>မှိုရိုးတံကို ဓါးနှင့်ဖြတ်ပါက ဖြတ်နေစဉ် ညိုပြာသွားခြင်း</li>
<li>မှိုပေါ်သို့ ဆားဖြူးကြည့်ပါက ညိုမဲလာခြင်း</li>
<li>မှိုကို ဆားရည်နှင့် စိမ်ကြည့်ပါက အရောင်ညို ၊ ပြာနက်လာခြင်း</li>
<li>မှိုရိုးတံကို လက်နှင့်ခြေသည့်အခါ ကြေမွသွားခြင်း</li>
<li>မှိုပွင့်ထိပ်၌ အကြေးခွံကဲ့သို့ အဖတ်များရှိနေခြင်း</li>
<li>မှိုရိုးတံ အထက်ပိုင်း၌ အရစ်ပါရှိခြင်း</li>
<li>မှိုရိုးတံ၏ အောက်ပိုင်း၌ ခြေကျင်းဝတ်ကဲ့သို့ အရစ်ပါရှိခြင်း တို့ဖြစ်ပါသည်။</li>
<li>မှိုအဆိပ်သည် ချက်ပြုတ် အေးခဲထားခြင်းဖြင့်လည်း ပျက်ဆီးပျောက်ကွယ် မသွားနိုင်ပါ။</li>
</ul>
အဆိပ်ရှိသောမှိုစားသုံးမိပါက ခံစားရသော ရောဂါလက္ခဏာများမှာ မူးဝေခြင်း၊ အော့အန်ခြင်း၊ သွေးပေါင်ချိန်ကျခြင်း၊ ဗိုက်အောင့်ခြင်း၊ ဝမ်းလျှောခြင်း၊ အသက်ရှုရခက်ခဲခြင်း၊ သတိလစ်မေ့မျောခြင်း နှင့် တက်ခြင်းများ ဖြစ်ပွားနိုင်ပါသည်။ မှိုဆိပ်သင့်ခြင်းကြောင့် သာမန်ရောဂါလက္ခဏာများမှ အသက်သေဆုံးသည်အထိ ဖြစ်ပွားနိုင်ပါသည်။
စားသုံးမိသော မှိုအဆိပ်အမျိုးအစားကို မူတည်၍ တချို့မှာ အစာအိမ်အူလမ်းကြောင်းဆိုင်ရာ လက္ခဏာများကို အဓိက ခံစားရပြီး တချို့မှာ အာရုံကြောထိခိုက်ခြင်း၊ အသည်း ကျောက်ကပ် ပျက်စီးခြင်း စသော လက္ခဏာများကို အဓိက ခံစားရပါသည်။
မှိုအဆိပ်အမျိုးအစားကို မူတည်၍ အဆိပ်သင့် လက္ခဏာ ပြသသောအချိန်ကာလ ကွဲပြားသည်။ အစာအိမ်အူလမ်းကြောင်း ဆိုင်ရာအဆိပ်သည် မှိုစားမိပြီး မိနစ်ပိုင်းအတွင်း လက္ခဏာ ပြသသော်လည်း အသည်းနှင့် ကျောက်ကပ် ကိုအဓိကပျက်စီးစေသော အဆိပ်သည် မှိုစားမိပြီး ၆ – ၂၄ နာရီ ကျော် ကြာမှသာ လျှင် အဆိပ်လက္ခဏာ ပြသတတ်ပါသည်။
အဆိပ်သင့်မှု လက္ခဏာ နှင့် ဆိုးဝါးမှုအတိုင်းအတာကတော့ ကိုယ့်ရပ်ရွာဒေသမှာ ပေါက်ရောက်သော မှိုအမျိုးအစား မျိုးစိတ်၊ ပါဝင်သောအဆိပ်ပမာဏ၊ စားသုံးမိသောအဆိပ်ပမာဏ၊ စားသုံးမိသောသူ၏ အသက်အရွယ် ကိုယ့်ခံစွမ်းအား မူတည်ပါသည်။ သက်ကြီးရွယ်အို ကလေးသူငယ်များ နှင့် ရောဂါအခံရှိသူများတွင် ပိုမိုပြင်းထန်စွာ ခံစားရပါသည်။
မှိုဆိပ်သင့်သည်ဟု သံသယရှိပါက နီးစပ်ရာဆေးရုံသို့ အမြန်ဆုံးသွားရောက်၍ ကုသမှုခံယူရပါမည်။ စောစီးစွာ ကုသမှုခံယူမှသာ အသက်သေဆုံးခြင်း၊ အသည်း ကျောက်ကပ် ပျက်စီးခြင်းတို့မှ လွတ်မြောက်နိုင်ပါမည်။ မိမိတို့ဘာသာ ဆေးမြီးတိုများ နှင့် ကုသမှုများ မလုပ်သင့်ပါ။
Author; Dr. မိုးဆွေ