သန်ကောင် တုတ်ကောင်တွေဆိုတာ လူတိုင်းနီးပါးမှာ ရှိနေတတ်ပါတယ်။ ဒါပေမယ့် ပုံမှန်သန်ချသူဆိုတာ လက်ချိုးရေလို့တောင် ရပါလိမ့်မယ်။ သန်ကောင်တုတ်ကောင်တွေကြောင့် ဗိုက်အောင့်ဗိုက်နာတာတွေ ၊ အူပိတ်လို့ အရေးပေါ်ခွဲစိတ်မှ ဗိုက်မှာ သန်ကောင်တွေလုံးထွေးပြီး အလုံးလိုက်ဖြစ်နေတာတွေ ဒီနိုင်ငံမှာ မကြာခဏ တွေ့ရတတ်ပါတယ်။ သည်းခြေအိတ်လမ်းကြောင်းမှာ သန်ကောင်နဲ့ ပိတ်နေလို့ အသားတွေဝါ ဗိုက်တွေနာပြီး ရောက်လာတဲ့လူနာတွေလည်း တစ်ပုံတစ်ပင်ပင်။
အစာအိမ်နဲ့ အူလမ်းကြောင်းသာမက အသားယားယံခြင်း ချောင်းဆိုးခြင်း သွေးအားနည်းခြင်းတွေအထိကိုပါ ဒုက္ခတွေ့စေတတ်ပါတယ်။ လူကြီးတွေမှာဆို ပင်ပန်းနွမ်းနယ်တာတွေ ၊ဝမ်းခဏခဏသွားတာတွေ ဖြစ်တတ်ပါတယ်။ အချို့တွေမှာ ဗိုက်ခဏခဏ ဆာတတ်ပြီး အချို့တွေမှာကျ အစားအသောက်ပျက်တာမျိုးတွေဖြစ်တတ်ပါတယ်။ ကလေးငယ်လေးတွေမှာ ဖြစ်ရင် ကြီးထွားမှုနှေးကွေးတာ ၊ ညဘက်တွေမှာ ကောင်းကောင်းမအိပ်ဘဲ ဂျီကျတာတွေ ၊ အစားသိပ်မစားတာ ၊ပျို့တာအန်တာတွေပါ ဖြစ်စေတတ်တယ်။ အာဟာရချိုတဲ့ရောဂါတွေ ခံတွင်းနံ့ဆိုးတာတွေလည်းဖြစ်နိုင်ပါတယ်။ သန်ကောင်တုတ်ကောင်တွေက ထုတ်တဲ့ အဆိပ်အတောက်ပစ္စည်းတွေကြောင့် စိတ်ဓာတ်ကျတာတွေ ၊ စိတ်သောကရောက်တာတွေ ၊ စိတ်အတက်အကျဖြစ်တာတွေလည်း ဖြစ်တတ်ပါသေးတယ်။
သန်ကောင်တုတ်ကောင်တွေက ဘယ်လိုပဲ ဒုက္ခပေးပေး သန်ချဆေးသောက်ဖို့ကိုတော့ လူတိုင်းမေ့လျော့နေတတ်တာ အမှန်ပင်။ အချို့သူများကျတော့ မေ့လျော့နေခြင်းမဟုတ် ဆေးသောက်ရန်ကြောက်ခြင်း ၊ သန်ချဆေးသောက်လျှင် သန်အကောင်လိုက်ပါလာမည်ကို ကြောက်ခြင်းများကြောင့် မသောက်ဖြစ်ကြခြင်းဖြစ်သည်။ ဒီဆောင်းပါးလေးမှာ ဒီဒုက္ခတွေက ကင်းအောင် သဘာဝနည်းလမ်းများဖြင့် သန်ချတဲ့အကြောင်းအရာလေးကို တင်ပြလိုက်ပါတယ်။
ကြက်သွန်ဖြူ
ကြက်သွန်ဖြူမှာ ဆာဖာဓာတ်ပါဝင်တဲ့ အမိုင်နိုအက်စစ်ဓာတ်ပေါင်းစုပါတဲ့အတွက် သန်ကောင်တွေကို သေစေနိုင်စွမ်းရှိပါတယ်။ အစာမရှိတဲ့အချိန်မှာ ကြက်သွန်ဖြူ ၃ မွှာစားပေးခြင်း သို့မဟုတ် နွားနို့ထဲကို ကြက်သွန်ဖြူ ၂ မွှာလောက် ထောင်းထည့်ပြီး ကြိုသောက်ခြင်းအားဖြင့် သင့်ကို ဒုက္ခပေးနိုင်တဲ့သန်ကောင်တွေက သေစေမှာပါ
သင်္ဘောစေ့
သင်္ဘောသီးစိမ်းမှာ papain လို့ခေါ်တဲ့ အင်ဇိုင်းဓာတ်တစ်မျိုးပါဝင်ပါတယ်။ သင်္ဘောသီးစေ့ကို ထောင်းပြီး ရရှိလာတဲ့အရည် စားပွဲတင်ဇွန်း တစ်ဇွန်းလောက်ကို ရေနွေးနွေး လေးနဲ့ ရောပြီး မနက်နိုးနိုးချင်းသောက်ပေးခြင်းအား ၃ ရက်လောက်ပြုလုပ်ပေးပါ။
နာနတ်သီး
နာနတ်သီးမှာ ပါတဲ့ အစာချေအင်ဇိုင်းတွေက သန်ကောင်တုတ်ကောင်တွေကြောင့်ဖြစ်တဲ့ ဝေဒနာတွေကို သက်သာစေရုံသာမက အကောင်တွေကိုလည်း သေစေနိုင်ပါတယ်။
ဖရုံစေ့
ဖရုံစေ့မှာလည်း Cucurbitacins ပါဝင်တဲ့အတွက် သန်ကောင်တုတ်ကောင်များ ကြီးထွားမှုမှ ဟန့်တားနိုင်စွမ်းရှိရုံသာမက သေတောင်သေစေနိုင်ပါတယ်။ တစ်နေ့ကို ၁၀ စေ့မှ ၁၅ စေ့ အထိအနည်းဆုံး စားပေးသင့်ပါတယ်။
မုန်လာဥနီ
မုန်လာဥနီ ၂ လုံးကို ခြစ်ပြီး မနက်ခင်းတွင် စားပေးပါ။ ၁ ပတ်ခန့်စားပေးခြင်းဖြင့် သန်များကင်းဝေးရုံသာမက အသားအရေပါ လှပစိုပြေစေမှာပါ။
အထက်မှာဖော်ပြထားတဲ့နည်းလမ်းတွေက အချိန်ကုန် ငွေကုန်လည်း သက်သာစေရုံသာမကပါဘူး ။ လိုအပ်တဲ့ပစ္စည်းတွေကိုလည်း နေရာတိုင်းနီးပါးမှာ အလွယ်တကူ ရနိုင်ပါတယ်။ ဒါကြောင့် ဒုက္ခပေးလှတဲ့ သန်ကောင် တုတ်ကောင်တွေ မိမိကိုယ်မှာ မရှိနေဖို့ ၊ မိမိ မိသားစုတွေ ၊ မိမိ ချစ်ရတဲ့ သားသားမီးမီးလေးတွေဆီမှာ ရှိမနေစေဖို့ သန်ချဆေးသောက်ဖို့ အဆင်မပြေပါက ဒီသဘာဝနည်းလမ်းလေးတွေနဲ့ သန်ချပါလို့တိုက်တွန်းရင်း ဒီဆောင်းပါးလေးကို နိဂုံးချုပ်အပ်ပါတယ်။
Author ; Dr.မေ