လေယာဉ်စီးတဲ့အခါ လေယာဉ် မတော်တဆပျက်ကျမှာကို စိုးရိမ်ဖူးပါသလား။ တကယ်ဆို လေယာဉ် ပျက်ကျဖို့ထက် သင့်အနေနဲ့ ထီပေါက်ဖို့ကတောင် ဖြစ်နိုင်ခြေပိုများမှာပါ။ အဲ့ဒီအစား အမှန်တကယ် သတိပြုသင့်တာကတော့ လေယာဉ်စီးခြင်းကြောင့် ကြုံတွေ့ရနိုင်တဲ့ ကျန်းမာရေးပြဿနာတွေပါပဲ။
အလုံပိတ်ထားတဲ့လေယာဉ်ထဲမှာ လူတစ်ရာလောက် အချိန်အကြာကြီး အတူနေရတဲ့အတွက် ဗိုင်းရပ်စ်ပိုး ကူးစက်နိုင်ခြေ များပြားတာကိုတော့ လူတိုင်းသဘောပေါက်ပြီးဖြစ်မှာပါ။ ဒါပေမယ့် အများစု သတိမပြုမိသေးတဲ့ ကျန်းမာရေးဆိုင်ရာ ပြဿနာတွေ ရှိနေပါသေးတယ်။
(1) ရေဓာတ်ခန်းခြောက်ခြင်း
လေယာဉ်ထဲမှာ ရှိတဲ့လေထုဟာ အလွန်ပဲ ခြောက်သွေ့ပါတယ်။ ဒါ့ကြောင့် အချိန်အကြာကြီး လေယာဉ်စီးရမည်ဆိုရင် သင့်အနေနဲ့ သုံးနာရီခြားတစ်ခါလောက် ရေသောက်ပေးသင့်ပါတယ်။
သတိထားရမယ့် အချက်တစ်ချက်က မြေပြင်မှာရှိနေစဉ် ကျွန်ုပ်တို့ဟာ လတ်ဆတ်တဲ့ အသီးအနှံ၊ ဟင်းသီးဟင်းရွက်တွေကို စားလေ့ရှိကြပါတယ်။ ဒီလိုစားသုံးခြင်းက ကျွန်ုပ်တို့ နေ့စဉ်လိုအပ်တဲ့ ရေဓာတ်ကို ကူညီဖြည့်တင်းပေးနိုင်ပါတယ်။ ဒါပေမယ့် လေယာဉ်ပေါ်မှာကျွေးတဲ့ အစာနဲ့ ဖျော်ရည် အနည်းငယ်ကတော့ ကျွန်ုပ်တို့ရဲ့ ရေလိုအပ်ချက်ကို ပြည့်ဝအောင် ဖြည့်ဆည်းနိုင်ဖို့ ခဲယဉ်းပါတယ်။ နောက်ပြီး လေယာဉ်ပေါ်မှာရတဲ့ လက်ဖက်ရည်၊ ကော်ဖီနဲ့ ယမကာတွေဟာ ရေဓာတ် ခန်းခြောက်ခြင်းကို ပိုလို့ ဆိုးရွားစေနိုင်ပါတယ်။ ဒီလိုရေဓာတ်ခန်းခြောက်ခြင်းကြောင့် အလွန်အမင်း ခေါင်းကိုက်ခြင်း၊ အရေပြားနဲ့ နှုတ်ခမ်းတွေ ခြောက်သွေ့ခြင်း၊ မောပန်းနွမ်းနယ်ခြင်း စတာတွေ ခံစားရနိုင်ပါတယ်။
ဒီပြဿနာကို ဖြေရှင်းနိုင်ဖို့ အကောင်းဆုံး နည်းလမ်းကတော့ ရေများများသောက်ပေးဖို့ပါပဲ။
(၂) ညစ်ညမ်းသောလေကို ရှူရခြင်းကြောင့် အဆုတ်ထိခိုက်နိုင်ခြင်း
လေယာဉ်ထဲမှာရှိတဲ့ လေတွေဟာ အင်ဂျင်ကနေတဆင့် အတွင်းဘက်ထဲကို အဆင့်ဆင့် ဖြန့်ဖြူး ပေးထားတာဖြစ်ပါတယ်။ တခါတရံ လေယာဉ်ထွက်ချိန် နှောင့်နှေးတာအခါမျိုးမှာ ခရီးသည်တွေဟာ လေဝင်လေထွက်မှုနည်းပါးတဲ့ လေယာဉ်ခန်းထဲမှာ အချိန်ကြာမြင့်စွာ စောင့်ဆိုင်းရတတ်ပါတယ်။ ဒီလိုအခါမျိုးမှာ လေယာဉ်တွင်းမှာရှိတဲ့ လေထုဟာ အနံ့ဆိုးရွာလာတတ်ပါတယ်။ ဒါ့အပြင် လေထုတွင်း ပေါက်ဖွားတဲ့ ရောဂါပိုးများအန္တရာယ်လည်း ရှိနိုင်ပါသေးတယ်။ လေကြောင်းလိုင်းများ ကတော့ ဒီပြဿနာကိုကာကွယ်ဖို့ လေသန့်စင်မှုပြုလုပ်နိုင်တဲ့ စစ်ထုတ်ကိရိယာ (filter) တွေ တပ်ဆင်ထားကြပါတယ်။ ဒါပေမယ့်လည်း အဲဒီ စစ်ထုတ်ကိရိယာ (filter) တွေရဲ့ ထိရောက်မှု အတိုင်းအတာကို သက်သေပြနိုင်မှု နည်းပါးနေပါသေးတယ်။
(၃) သန်းနှင့်ကြမ်းပိုးများ
လေယာဉ်တစ်စီးဟာ အရွယ်အစားနဲ့ ခရီးစဉ်အကွာအဝေးအပေါ် မူတည်ပြီး တစ်ရက်ကို ခရီးစဉ် နှစ်ကြိမ် ကနေ ရှစ်ကြိမ်အထိ ပျံသန်းလေ့ရှိကြပါတယ်။ အချို့သောလေကြောင်းလိုင်းများဟာ ခရီးစဉ်တစ်ခုနဲ့ တစ်ခုကြားမှာ လေယာဉ်ထိုင်ခုံခေါင်းစွပ်တွေနဲ့ စောင်တွေကို သန့်ရှင်းရေး ပြုလုပ်လေ့မရှိကြပါဘူး။ ဒါ့ကြောင့် ကူးစက်ပျံ့နှံ့လွယ်တဲ့ သန်းနဲ့ ကြမ်းပိုးများဟာလည်း လေယာဉ်စီးရင်း မမျှော်လင့်ပဲကြုံတွေ့ရနိုင်တဲ့ ကျန်းမာရေးဆိုင်ရာ ပြဿနာတစ်ခု ဖြစ်ပါတယ်။
(၄) ကင်ဆာဖြစ်နိုင်ခြေ မြင့်မားခြင်း
လေယာဉ်စီးခြင်းဟာ ကင်ဆာဖြစ်ပွားနိုင်ခြေကို မြင့်မားစေတယ် ဆိုတာက မယုံနိုင်စရာ ကောင်းပါတယ်။ ဒါပေမယ့် လေ့လာမှုတွေအရ ဒါဟာ ဖြစ်နိုင်ခြေရှိကြောင်း တွေ့ရှိလာရပါတယ်။
ဒီလိုဖြစ်စေတဲ့ အဓိကအကြောင်းရင်းနှစ်ချက်ရှိပါတယ်။ ပထမတစ်ချက်က လေယာဉ်ခရီးရှည် ပျံသန်းမှုဟာ ခန္ဓာကိုယ်တွင်းနာရီ (body clock) ကို အနှောင့်အယှက်ဖြစ်စေပြီး ဟော်မုန်း ပမာဏများကို ထိခိုက်စေပါတယ်။ ဒါကြောင့် ခန္ဓာကိုယ်တွင်း ဓာတုဆိုင်ရာ ဟန်ချက်မညီမှုများ ဖြစ်ပေါ်လာပြီး အဖုအကျိတ် ကြီးထွားဖို့ ပိုမိုလွယ်ကူလာစေပါတယ်။ ဒုတိယအချက်ကတော့ မြင့်မားတဲ့ အမြင့်ပေမှာ လေထုဟာ ပိုမိုပါးလွှာပါတယ်။ ဒါကြောင့် ဒီအခြေအနေမှာ ခရီးသည်တွေနဲ့ လေယာဉ် ဝန်ထမ်းတွေဟာ ဓာတ်ရောင်ခြည်ထိတွေ့မှုကို ပင်လယ်မြေမျက်နှာပြင်မှာထက် အဆပေါင်း ၁၀၀ ကနေ ၃၀၀ အထိ ပိုမို ခံစားကြရပါတယ်။
(၅) အတွင်းပိုင်း သွေးပြန်ကြော၌ သွေးခဲခြင်း (Deep Vein Thrombosis)
အတွင်းပိုင်းသွေးပြန်ကြော၌သွေးခဲခြင်းဟာ အဝလွန်သူတွေနဲ့ သက်ကြီးရွယ်အိုတွေမှာ ဖြစ်တတ်တာ ကိုတော့ သိထားပြီး ဖြစ်ကြပါတယ်။ ဒါဟာ ငယ်ရွယ်သူတွေမှာရော ဖြစ်နိုင်ပါသလား။ ကြေကွဲဖွယ် မှတ်တမ်းတစ်ခုအရ သြစတေးလျကနေ လန်ဒန်ကို နာရီ ၂၀ကြာ လေယာဉ်စီးခဲ့တဲ့ ၂၈နှစ်ရွယ် သတို့သမီးလောင်းလေး တစ်ဦးဟာ ဒီအခြေအနေကြောင့် သေဆုံးခဲ့ဖူးပါတယ်။
အတွင်းပိုင်းသွေးပြန်ကြော၌သွေးခဲခြင်းကို ခံစားရတဲ့လူတွေရဲ့ ၂၅% ခန့်ဟာ လေယာဉ် ခရီးရှည် စီးနင်းမှုကြောင့် ဖြစ်ကြပါတယ်။ လေယာဉ်စီးခရီးသည်တွေအနေနဲ့ ဒီရောဂါကို ခံစားရတဲ့ အကြောင်းရင်းကတော့ ရှင်းပါတယ်။ အတန်ငယ် ကျပ်တည်းတဲ့ထိုင်ခုံတွေမှာ ခရီးစဉ်တလျှောက် ကြာရှည်စွာထိုင်ရတဲ့ ကိုယ်နေဟန်ထားဟာ ခြေထောက်ကနေ နှလုံးနဲ့အဆုတ်တွေစီ ပုံမှန် သွေးလည်ပတ်မှုကို အဟန့်အတားဖြစ်စေတာကြောင့် ဖြစ်ပါတယ်။
ဒီပြဿနာရဲ့ အကောင်းဆုံးဖြေရှင်းနည်းကတော့ လေယာဉ်ခရီးစဉ်တလျှောက် (အထူးသဖြင့် ခရီးရှည်တွေမှာ) မကြာခဏ လမ်းထလျှောက်ပေးဖို့ပဲဖြစ်ပါတယ်။
ကိန်းဂဏန်းအချက်အလက်တွေအရ အဓိက အမေရိကန် လေကြောင်းလိုင်း ၉ ခုမှာ တစ်နှစ်အတွင်း လေယာဉ်ပျံသန်းစဉ် အရေးပေါ်ဆေးကုသရမှု ၁၄၀၀၀ ဝန်းကျင်ရှိပြီး လေယာဉ်ပျံသန်းစဉ် သေဆုံးမှု ၃၅၀ ဝန်းကျင်ရှိပါတယ်။ ဒါဟာ လေယာဉ်မတော်တဆမှု ကြောင့် နှစ်စဉ်သေဆုံးရတဲ့ အရေအတွက် ထက်ကို ပိုများပါတယ်။
ဒါ့ကြောင့် လေယာဉ်စီးစဉ်မှာ မမျှော်လင့်ပဲ ကြုံတွေ့ရနိုင်တဲ့ ကျန်းမာရေး ပြဿနာတွေကို သတိမူနိုင်ရန် ရေးသားဖော်ပြလိုက်ရပါတယ်။
Author – AKS (OnDoctor)