ဒီည တန်ဆောင်မုန်း လပြည့်ညကို ဆေးပေါင်းခတဲ့ ညလို့လည်း ဆိုကြတယ်။ ဒီညမှာ မယ်ဇလီဖူးကို သုပ်စားရင် ရောဂါမျိုး ၉၆ ပါးလုံး ကင်းစင်ပြီး ရောဂါဘယ ကင်းဝေးတယ်လို့လည်း ယုံကြည်မှု့တွေ ရှိကြတယ်။ ရှေးယခင်ကတည်းက တန်ဆောင်မုန်းလပြည့်ဆို မယ်ဇလီဖူးသုပ်တွေကို လိုက်ဝေပြီး အလှူလုပ်တာတွေ ဈေးကဝယ်ပြီး သုပ်စားတာတွေ လုပ်လေ့ရှိကြပါတယ်။ မယ်ဇလီဆိုတာကလည်း ဒီအချိန်လောက်ပဲ ပေါပေါလှိုင်လှိုင် တွေ့ရတတ်တယ်။ မယ်ဇလီရဲ့ ခါးသက်သက်အရသာကို မကြိုက်တောင် တန်ဆောင်မုန်းလပြည့်ဆို ရောဂါကင်းအောင် မဖြစ်မနေ စားကြတဲ့ သူတွေလည်း များစွာ ရှိတယ်။
မယ်ဇလီက ၉၆ ပါးရောဂါလုံးကို မကာကွယ်ပေးနိုင်ပေမယ့် တကယ်လည်း ဆေးဖက်ဝင်တဲ့ အပင်တစ်မျိုးဖြစ်ပြီး စားသင့်တဲ့ အစားအစာတစ်မျိုးဆိုလည်း မမှားပါဘူး။ မယ်ဇလီဖူးမှာ ကျန်းမာရေးအတွက် ကောင်းမွန်စေတဲ့ ဓာတ်ပေါင်းတွေ များစွာပါဝင်ပါတယ်။ သဘာဝ ဝမ်းပျော့ဆေးအနေနဲ့ လုပ်ဆောင်ပေးနိုင်စွမ်းတွေ ရှိပြီး ဝမ်းပျော့စေကာ ဝမ်းချုပ်ခြင်း ကင်းစေတယ်။ ဒါ့အပြင် ခန္ဓာကိုယ်ထဲက မကောင်းတဲ့ အဆိပ်အတောက်တွေ ၊ အူလမ်းကြောင်းထဲက မကောင်းတဲ့ အဆိပ်အတောက်တွေကိုလည်း ကင်းရှင်းစေတယ်။ တကယ်လို့ သင့်မှာ အူလမ်းကြောင်း ဓာတ်တုံပြန်ခြင်း လွန်ကဲမှု့ကြောင့် ဖြစ်တဲ့ ရောဂါ ( IBS ) လိုမျိုး ရှိတယ်ဆိုရင်လည်း မယ်ဇလီဖူးမှာ ဒီရောဂါတွေကို သက်သာပျောက်ကင်းစေတဲ့ အစွမ်းတွေ ရှိလို့ စားသုံးသင့်တယ်။ ဒါ့အပြင် လိပ်ခေါင်းရောဂါ ရှိသူတွေလည်း စားသုံးသင့်တယ်။
မယ်ဇလီမှာ သဘာဝနည်းနဲ့ သန်ကောင်တွေ ကို ချေဖျက်စေနိုင်တဲ့ အစွမ်းတွေလည်း ရှိတယ်။ ရောင်ရမ်းမှု့တွေကို လျော့နည်းစေပြီး ဝမ်းပျော့စေနိုင်တဲ့ အစွမ်းတွေ ရှိလို့ စအိုကွဲနာ ခံစားနေရတဲ့သူတွေ အနေနဲ့လည်း ဆေးအဖြစ် စားသုံးသင့်တဲ့ အစားအစာထဲမှာ ပါဝင်တယ်။ ဒါ့အပြင် ဓာတ်မတည့်မှု့တွေ ကို သက်သာစေတဲ့ အတွက် နှင်းခူနာရှိသူတွေလည်း စားသုံးသင့်တယ်။
သေချာမပြောနိုင်သေးပေမယ့် မယ်ဇလီဟာ အချိန်တိုအတွင်းမှာ ကိုယ်အလေးချိန်ကို ကျဆင်းစေနိုင်တယ်လို့လည်း တချို့က ယူဆကြတယ်။ မယ်ဇလီဖူးကို ထောင်းပြီး ရလာတဲ့ အနှစ်တွေကို နှင်းခူနာတွေ ၊ အရေပြားထူ အရေပြား လေးဖက်နာတွေ (Psoriasis ) ရောဂါသည်တွေရဲ့ ဖြစ်နေတဲ့ အနာတွေပေါ် လိမ်းပေးခြင်းဖြင့် မြန်မြန် သက်သာစေတယ်။ တချို့ဆို ရောင်ရမ်း ဝက်ခြံတွေပေါ်မှာတောင် အရောင်မြန်မြန်ကျအောင် လိမ်းလေ့ရှိတယ်။
ခံတွင်းထဲက အနာတွေ ၊ သွားဖုံးရောင် ရောဂါခံစားနေရတဲ့ သူတွေအတွက်လည်း မယ်ဇလီရွက်ကို ဝါးစားပေးခြင်းဖြင့် မြန်မြန် ပျောက်ကင်းစေတယ်။ ဒါ့အပြင် မယ်ဇလီစားခြင်းဖြင့် ရင်ပူနေတာ၊ အစာမကြေဖြစ်နေတာ ၊ ပျို့အန်ချင်တာ ၊ လေပွတာတွေအတွက်လည်း ပျောက်စေတယ်။ အာဟာရ အနေနဲ့ ကြည့်မယ်ဆိုရင်လည်း မယ်ဇလီမှာ vitamin B ဓာတ်ပေါင်းစုတွေ များစွာ ပါဝင်တယ်။
မယ်ဇလီဟာ ခန္ဓာကိုယ်အတွက်တင် သာမက ဆံပင်အတွက်လည်း အစွမ်းထက် ဆေးတစ်လက် ဖြစ်လို့နေတယ်။ မယ်ဇလီမှုန့်ကို ဒိန်ချဉ် ၊ ရေတို့နဲ့ ရောပြီး ခေါင်းကို လိမ်းကျံ ခဏထား လျှော်လိုက်ရင် သင့်ဆံပင်လေးဟာ ပျော့ပျောင်းစေရုံမက အရောင်တွေလည်း တောက်ပစေတယ်။ ဆံပင်ကိုလည်း သန်မာစေတယ်၊ ထူထဲစေတယ်။ နေရောင်ခြည်ဒဏ်ကိုလည်း ခံနိုင်ရည် ရှိစေတယ်။
ဒီလိုဆို မယ်ဇလီက ကျန်းမာရေးအတွက်သာမကဘဲ အလှအပအတွက်ပါ ဆေးတစ်လက်ဖြစ်တယ်ဆိုတာ သိသွားပြီ ထင်ပါတယ်။ ဒါပေမယ့် မယ်ဇလီကို မစားသင့်တဲ့ လူတွေလည်း အနည်းအကျဉ်းတော့ ရှိပါတယ်။ ဝမ်းပျက်ဝမ်းလျော ဖြစ်နေတဲ့သူတွေ ၊ အသည်းအရမ်း မကောင်းတဲ့ သူတွေအတွက် မယ်ဇလီကို အလွန်အကျွံ မစားသုံးသင့်ပါဘူး။ ဒါ့အပြင် ကိုယ်ဝန်သည်တွေ ( အထူးသဖြင့် ၃ လအောက်) နဲ့ နို့တိုက်မိခင်တွေလည်း ရှောင်သင့်ပါတယ်။ ကိုယ်ဝန်လနုစဉ်မှာ စားရင် ကလေးကို ထိခိုက်စေနိုင်လို့ ဖြစ်ပါတယ်။ နို့တိုက်မိခင်တွေမှာ စားရင်တော့ ကလေးမှာ လေထိုးလေအောင့်တာတွေ ဝမ်းပျက်တာတွေ ဖြစ်နိုင်လို့ပါ။ အနည်းအကျဉ်းစားတာက ရပေမယ့် များများနဲ့ ခဏခဏစားရင် ဝမ်းပျက်ဝမ်းလျောဖြစ်ပြီး ခန္ဓာကိုယ်ထဲမှာ ရေဓာတ်နဲ့ ဆားဓာတ် ဆုံးရှုံ့းမှု့တွေ ဖြစ်စေနိုင်လို့ပါ။ အားလုံး ဆေးပေါင်းခတဲ့ ညမှာ ကျန်းမာချမ်းသာကြပါစေလို့ ဆုတောင်းရင်း ………………..
Author . ရွက်သစ်