ယနေ့ခေတ်သည် အပြိုင်အဆိုင်များကာ အသက်ရှင်ရပ်တည်ဖို့ကြိုးစားနေရသော ခေတ်ဖြစ်သည့်အတွက် လူအတော်များများဟာ သူများနဲ့အပြိုင် နေ့မအားညမနား လုပ်ကိုင်ကြိုးစားရင်းနဲ့ စိုးရိမ်ပူပန်မှု၊ စိတ်ဖိစီးမှုများမှု စတဲ့ဒါဏ်တွေကို ခံစားလာကြရကာ စိတ်နဲ့ပတ်သက်တဲ့ရောဂါတွေ ဖြစ်ပွားလာကြပါတယ်။ အရင်ခေတ်ကတော့ စိတ်ဆရာဝန်နဲ့ပြတယ်ဆိုရင် ရူးလို့ စိတ်မမှန်လို့ဆိုပြီးတထစ်ချ ယူဆတဲ့သူတွေအများကြီးပါ။ ဒီအယူအဆဟာ မှားပါတယ်။
စိတ်ဖိစီးမှုများပြီးအိပ်မပျော်တာမျိုး၊ စိုးရိမ်ပူပန်မှုများပြီး အစားသောက်ပျက်တာမျိုး၊ တစ်ခုခုကိုအလွန်အကျွံစွဲလန်းတာ၊ ကြောက်ရွံ့တာမျိုး၊ ကိုယ့်ကိုယ်ကိုယ် ယုံကြည်မှု မရှိတော့တာတွေဆိုရင်လည်းစိတ်နဲ့ဆိုင်တာမို့လို့ စိတ်ဆရာဝန်နဲ့ပြဖို့လိုပါတယ်။ ဒီလိုမဟုတ်ဘဲ လူလုပ်ထားတယ် သို့မဟုတ် ပယောဂနဲ့လုပ်ထားတယ်ဆိုပြီး လျှောက်ပြနေပါက ခံစားရတဲ့ ဝေဒနာ သက်သာမည် မဟုတ်ပါ။
အခန့်မသင့်ရင် အလကားနေရင်း ကြိမ်လုံးနဲ့ အသက်ထွက်အောင် အရိုက်ခံရတာပါ ဖြစ်နိုင်ပါတယ်။ ဒီဘက်ခေတ်မှာတော့ အရင်ခေတ်နဲ့မတူဘဲ စိတ်ဆရာဝန်နဲ့ပြတိုင်း ရူးလို့၊ စိတ်မမှန်လို့ မဟုတ်ဘဲတခြားစိတ်နဲ့ဆိုင်တဲ့ ရောဂါတွေကြောင့် ဆိုတာကို လူအတော်များများ လက်ခံလာကြပါတယ်။ ခုလိုလက်ခံလာတာဟာ ကောင်းပါတယ်။
စိတ်ရောဂါဆိုတာဟာ ရှက်ဖွယ်ရာ ရောဂါမဟုတ်ပါ။ လူ ၁၀ဦးမှာ ၁ဦးဖြစ်တတ်ပါတယ်။ ဝဋ်နာ၊ ကံနာ ရောဂါ၊ လူပြုစားထားတဲ့ရောဂါလည်း မဟုတ်ပါဘူး။ စနစ်တကျ ကုသမှုခံယူပါက ပျောက်ကင်းသက်သာရာ ရနိုင်သောရောဂါ ဖြစ်ပါတယ်။ သို့သော် အချို့သော စိတ်ရောဂါများဟာ သွေးတိုး၊ ဆီးချို၊နှလုံး စသော နာတာရှည်ရောဂါတွေလို ရေရှည်ဆေးကုသမှုခံယူဖို့ ဆေးစွဲသောက်ဖို့လိုပါတယ်။
လူနာ နေ့စဉ်ထိတွေ့ဆက်ဆံနေသော မိသားစုနဲ့ပတ်ဝန်းကျင် အသိုင်းအဝိုင်းဟာလည်း လူနာရောဂါသက်သာဖို့အတွက် အတိုင်းအတာတစ်ခုထိ အရေးပါပါတယ်။ စိတ်ဓါတ်ကျတာ၊ စိတ်ဖိစီးမှုများပြီး အိပ်မပျော် အစားသောက်ပျက်တာ၊ မိမိကိုယ်ကို ယုံကြည်မှုမရှိတော့တာ၊ တစ်ခုခုကို တအားကြောက်နေတာ စတဲ့ စိတ်နဲ့ဆိုင်တဲ့ ဝေဒနာတွေ ခံစားရပါက စိတ်ကျွမ်းကျင်ဆရာဝန်နဲ့စောစီးစွာ တိုင်ပင်ပြသပါ။
ဆရာဝန်ညွန်ကြားချက်များကို ကောင်းမွန်စွာ လိုက်နာပါ။ မရှင်းလင်းလျှင် ရှင်းလင်းတဲ့ထိမေးပါ။ စိတ်ကျွမ်းကျင်ဆရာဝန်က ပြန်လာပြခိုင်းသည့်ရက်အတိုင်း မှန်မှန်သွားပြပါ။ သွားရေးလာရေးအခက်အခဲရှိပါကလည်း စိတ်ကျွမ်းကျင်ဆရာဝန်ကို ပြောပြပါ။
လူနာ မိသားစု အသိုင်းအဝိုင်းကလည်း လူနာကို ပြစ်တင်ခြင်း၊ ဆူပူခြင်း လုံးဝအရောမဝင်ခြင်းတွေ မလုပ်ပါနဲ့။ လူနာကိုဖေးမကူညီပြီး သင့်တင့်သော အလုပ်များပြုလုပ်ခိုင်းခြင်းဖြင့် ရောဂါသက်သာစေနိုင်ပါတယ်။ စိတ်ကျွမ်းကျင် ဆရာဝန်နဲ့မပြသဘဲ တခြားပယောဂဆရာများနဲ့ ပြသကာ ရိုက်နှက်ခြင်း၊ချုပ်နှောင်ထားခြင်း၊ ပိတ်လှောင်ထားခြင်းတွေ လုပ်ပါက ရောဂါကို ပိုဆိုးသွားစေနိုင်ပါတယ်။
အဆုံးသတ်အနေနဲ့ ပြောရရင် စိတ်ရောဂါဆိုတာဟာ မည်သူမဆို မည်သည့်အသက်ရွယ်မှာမဆို ဖြစ်နိုင်တဲ့ရောဂါပါ။ စိတ်ကျွမ်းကျင်ဆရာဝန်နဲ့ သေချာကုသမှုခံယူရင် ပျောက်ကင်းပါတယ်။ သို့သော် ကုသမှုခံယူပြီး ပျောက်ကင်းသွားပါက အိပ်ရေးပျက်ခြင်း၊ စိတ်ဖိစီးမှုများခြင်း၊ အရက်သေစာ သောက်စားခြင်းတွေကို မဖြစ်အောင် ရှောင်ကြဉ်ဂရုစိုက်ဖို့လိုပါတယ်။ အဲ့လိုမရှောင်ပါက စိတ်ရောဂါပြန်ဖြစ်နိုင်လို့ပါ။ ရေရှည်ရောဂါပျောက်ကင်းဖို့ရန်အတွက် လူနာရဲ့မိသားစုအသိုင်းအဝိုင်းက လူနာအပေါ်နားလည်မှုရှိရန်၊ ဖေးမကူညီရန်လည်း လိုပါတယ်။
Author : Dr. 528