အမျိုးသမီးထုတွေမှာ မိန်းမကိုယ်မှာ တစ်စို့စို့ ဖြစ်တယ်ဆို သားအိမ်များကျနေတာလား ဆိုပြီး ထင်တတ်ကြတယ်။
သားအိမ်ကျတယ်ဆိုတာ အသက်ငယ်ပိုင်းထက်စာရင်အသက်ကြီးပိုင်းတွေ ပိုဖြစ်နိုင်ပါတယ်။ အပျိုတွေထက်စာရင်လည်း အိမ်ထောင်သည် ကလေးအမေတွေမှာ ပိုဖြစ်နိုင်ပါတယ်။ အပျိုတွေမှာ အလေးအပင်အရမ်းမတာတွေဆိုရင်ရော သားအိမ်ကျနိုင်လားလို့မေးတတ်ကြတယ်။ သားအိမ်ကျတာထက် အူကျတာမျိုးက ပိုဖြစ်နိုင်ပါတယ်။
သားအိမ်ကျတာက အိမ်ထောင်သည် အမျိုးသမီးတွေမှာတောင်မှ ကလေးအမေတွေမှာ ပိုဖြစ်နိုင်ပါတယ်။ ကလေးမွေးတာမှာလည်း ခွဲမွေးတာထက်စာရင် ရိုးရိုးမွေးထားတဲ့ သူတွေမှာ ပိုဖြစ်နိုင်ပါတယ်။ ရိုးရိုးမွေးတဲ့ကလေး များလေ သားအိမ်ပိုကျနိုင်လေပါပဲ။
ဘာကြောင့် သားအိမ်ကျရတာလဲ။
သားအိမ်ကို အထောက်အပံ့ပေးထားတဲ့ ကြွက်သားတွေက သားအိမ်ဘေးပတ်လည်မှာရှိပါတယ်။ ကိုယ်ဝန်ဆောင်ချိန်မှာ သားအိမ်က တစ်ဖြည်းဖြည်းကြီးလာတာနဲ့အမျှ ထိန်းပေးတဲ့ ကြွက်သားတွေကပါ ပိုအလုပ်လုပ်ရပါတယ်။
ကလေးကိုရိုးရိုးမွေးတဲ့အခါဆို ပိုဆိုးပါတယ်။ ကလေးမမွေးခင် အနည်းဆုံး ခြောက်နာရီ ခုနှစ်နာရီလောက်က ဗိုက်ကနာလိုက် ညှစ်နေသလိုဖြစ်လိုက်နဲ့ တောက်လျှောက်ခံစားရပါတယ်။ ကလေးမွေးတော့လည်း အားကုန်ညှစ်ရတာပါ။ မိန်းမကိုယ်လမ်းကြောင်းမှာရှိတဲ့ ကြွက်သားတွေကလည်း ကလေးမွေးတဲ့အခါ ပျော့လာပြီး မိန်းမကိုယ်လမ်းကြောင်းကို ပိုကျယ်အောင်ချဲ့ပေးကြပါတယ်။
ဒီလိုမျိုး ကြွက်သားတွေ ဆန့်လိုက်လျော့လိုက်နဲ့ဖြစ်ရာကနေ ကြိမ်ဖန်များလာတယ်ဆို ဒီကြွက်သားတွေက လျော့တိလျော့ရဲ ဖြစ်လာပြီး သားအိမ်ကိုလည်း ကောင်းကောင်းမထိန်းနိုင်တော့ပါဘူး။ သားအိမ်ကျွံတာက အဆင့်တွေသတ်မှတ်ထားပါတယ်။ မိန်းမကိုယ်အထဲမှာတင်လား မိန်းမကိုယ်အဝထိရောက်နေလား မိန်းမကိုယ်အပြင်ဘက်ကို ကျွံထွက်လာပြီလား စသဖြင့်ပါ မိန်းမကိုယ်အပြင်ဘက်ကိုကျွံထွက်လာပြီဆို ဆီးအိမ်တွေပါလာတာလည်းရှိတတ်ပါတယ်။
သားအိမ်ကျွံကျတဲ့အခါ အစပိုင်းမှာတော့ မိန်းမကိုယ်အဝမှာပဲ တစ်စို့စို့ဖြစ်နိုင်ပါတယ်။ တစ်စို့စို့ဖြစ်တိုင်းတော့ သားအိမ်မကျပါဘူး။ အိမ်ထောင်သည်တွေမှာ လိင်ဆက်ဆံဖူးတဲ့သူတွေမှာ တစ်ခါတစ်လေလည်း တစ်စို့စို့လိုမျိုးကို ခံစားရတတ်ပါတယ်။ ဘယ်လိုပဲဖြစ်ဖြစ်တော့ အဲဒီလိုခံစားနေရရင် သက်တောင့်သက်သာနေရမှာပါ။ ပက်လက်လှဲတာ တင်ပါးအောက်မှာ စောင်ဖြစ်ဖြစ် ခုပြီးလှဲနေပါ။
အလေးအပင်မတာ ကုံးကွတာတွေကိုတော့ ရှောင်ကြဉ်ရမှာပါ။ သားအိမ်ကျခြင်းကို ပိုဆိုးစေနိုင်ပါတယ်။ သားအိမ်ကျတာကြာလာတာနဲ့အမျှ တစ်ဖြည်းဖြည်းနဲ့ မိန်းမကိုယ်အပြင်ဘက်ထိ ထွက်လာတတ်တယ်။ တစ်ချို့ အမျိုးသမီးတွေက တစ်ခါတစ်လေ တန်းမကုဖြစ်တဲ့အခါ ကျွံထွက်လာတဲ့ သားအိမ် ထိပ်ပိုင်းတွေမှာ အနာတွေဖြစ်လာတတ်တယ်။
သားအိမ်ကျွံကျတဲ့အခါမှာ အဓိက ကုသတာကတော့ ခွဲစိတ်ရတာပါပဲ။ ကြွက်သားတွေကိုတင်းတင်းရင်းရင်းဖြစ်အောင်ပြန်ချုပ်ရတယ်။ မိန်းမကိုယ်လမ်းကြောင်းကတစ်ဆင့်ခွဲပေးတာပါ။ အသက်ကြီးပိုင်းတွေ မခွဲချင်သေးတဲ့သူတွေမှာတော့ ကွင်း ခံပေးလို့ရပါတယ်။ ကွင်း ခံမယ်ဆိုရင်လည်း အပေါ်မှာပြောထားသလို အနာဖြစ်နေရင် အနာကို အရင်ကျက်အောင်စောင့်ရပါတယ်။ အနာကျက်မှ ကွင်း ခံပေးလို့ရပါတယ်။
ကွင်းခံတဲ့အခါမှာလည်း အရွယ်အစားအလိုက် ပြောင်းပြောင်းသွားနိုင်ပါတယ်။ ကွင်း က တစ်ခါခံထားရင် သုံးလလောက်နေမှ တစ်ခါပြန်လဲပေးလို့ရပါတယ်။ ကွင်း က တစ်ခါတစ်လေ ထွက်ကျတာလည်းဖြစ်တတ်တယ်။ အဲလိုအခါတွေမှာတော့ သားဖွားမီးယပ်ဆရာဝန်တွေကို ပြန်ပြီးတိုင်ပင်ဖို့လိုပါတယ်။
ဘာပဲဖြစ်ဖြစ်တော့ ကိုယ့်ကိုယ်ကို သားအိမ်ကျွံကျတယ်လို့ စိတ်ထဲခံစားနေရပြီဆိုရင် သားဖွားမီးယပ်ဆရာတွေနဲ့ သေချာတိုင်ပင်လိုက်တာက ပိုပြီးသင့်တော့ပါလိမ့်မယ်။
Author: Dr. CST