အခုတစ်လောစုစုတို့ရက်ကွက်ထဲတွင် ရှိနေသောကလေးများလိုလိုဝက်သက်ရောဂါဖြစ်နေကြ၏။
ဟိုအိမ်တစ်ယောက် ဒီအိမ်တစ်ယောက်နှင့် ကြားနေရသည်။ စုစုတစ်ယောက် အိမ်မှာရှိနေသောကလေးနှစ်ယောက်အတွက် စိုးရိမ်နေရသည်။ သမီးကြီးကမူကြိုတက်နေသူ။ သားကအခုမှ အခါလည်ပဲရှိသေးသည်။ တစ်ချို့ကလေးများဆေးရုံတက်စရာမလိုပေမဲ့ ကလေးတစ်ယောက် ဆေးရုံတက်ရသည်ဟုလည်းသတင်းတွေကြားနေရသည်။
သမီးကြီးကိုစိတ်ပူသည်။ ကျောင်းကနေ ၀က်သက်ရောဂါကူးလာမည်ကိုလည်း စိုးရိမ်သည်။ သားငယ်ကတော့ အိမ်မှာနေသည့်ကလေးဖြစ်သည့် အတွက် သားငယ်အတွက် သိပ်မစိုးရိမ်။ စုစုစိုးရိမ်နေသည်များ က ဖြစ်လာပေသည်။ သားငယ်လေးအပြင်းဖျားသည်။ ရိုးရိုးဖျားသည်ဟုပဲထင်သည်။ နောက်မှ အနီကွက်တွေ ထွက်လာပြီး ၀က်သက်မှန်း စုစုတစ်ယောက်သိတော့သည်။ သမီးကြီးကိုကူးမည်ကြောက်နေရသည်။ ကလေးငယ်နားမကပ်ခိုင်းထား။ ကံကောင်းချင်တောသမီးကြီးက ၀က်သက်ရောဂ်ါမဖြစ်။ သားငယ်ကိုသာချီ၍ ရပ်ကွက်ဆေးခန်းသို့ပြေးရသည်။ ဆရာဝန်မှ ကလေးအား ကြည့်ပြီး
“ကလေးအသက် ဘယ်လောက်လဲ”လို့မေးသည်။
“တစ်နှစ်ပါ ဆရာ”စုစုတစ်ယောက် ပြန်ဖြေလိုက်သည်။
“ကလေးကိုးလတုန်းက ၀က်သက်ရောဂါကာကွယ်ဆေး မထိုးထားဖူးလား”
“မထိုးဖြစ်ဖူးလို့ထင်တာပဲဆရာ”ကြောက်ကြောက်နှင့်ပဲစုစုတစ်ယောက် အမှန်အတိုင်းဖွင့်ပြောလိုက်သည်။ ကလေးကိုကာကွယ်ဆေးတွေ မထိုးခဲ့မိပေ။ လင်မယားနှစ်ယောက် မိသားစု စားဝတ်နေရေးအတွက် ရုံးကန်နေရသည့်အတွက် သားငယ်လေးကိုကာကွယ်ဆေးများမှန်မှန်မထိုးဖြစ်ခဲ့။
“ဘာလို့မထိုးတာလဲ” ဆရာဝန်မှ ဂရုဏာဒေါသောနှင့် ထပ်မေးသည်။
“ကျွန်မတို့ က နယ်ကနေတက်လာတာပါဆရာ။ ရန်ကုန်မြို့မှာနေစရာရဖို့တောင် ခက်ခဲပါတယ်။ လင်မယားနှစ်ယောက်လုံးကလေးတွေ ထိန်းနေရင်းနဲ့ အလုပ်လုပ်နေရတာပါ။ ကလေးတွေကိုကာကွယ်ဆေးသွားတိုက်ဖို့လည်းမေ့နေတတ်တယ်။ အိမ်တွေကလည်းခဏခဏပြောင်းနေရတော့ မထိုးဖြစ်လိုက်တာပါ။”
စုစုသေသေချာချာရှင်းပြလိုက်သည်။ ဆရာဝန်လေးက သဘောကောင်းပုံရသည်။ သက်ပြင်တစ်ချက်လိုက်သည်။
“ရက်ကွက်ထဲမှာ ၀က်သက်ရောဂါကာကွယ်ဆေးတွေ လာထိုးရင်ရောသွားမထိုးဖူးလား”နောက် တစ်ခေါက် ထပ်မေးသည်။
“ကြားတော့ ကြားပါတယ် ဆရာရယ် အိမ်မှာလည်းမအားတာနဲ့ သွားမထိုးဖြစ်ဖူး။ ”ဒီတစ်ခါ ဆရာဝန်လေး တော်တော် စိတ်ပျက်သွားပုံရသည်။
“ကလေးနှစ်ယောက် စလုံးကာကွယ်ဆေးတွေ မထိုးရသေးဖူးပေါ့ ဟုတ်လား”
“အကြီးမလေးကတော့ နယ်မှာနေတုန်းကထိုးခဲ့ပါတယ်။
အငယ်လေးကသာရန်ကုန်မှာမွေးပြီးမထိုးဖူးတာပါ”သမီးကြီးကကံကောင်းသည်ဟုပြောရမည်။ နယ်မှတုန်းကမိဘများလည်းရှိသဖြင့် သမီးကြီးကို ဂ၇ုစိုက်မည့်သူများများပြားသည်။ ကာကွယ်ဆေးတွေ အားလုံးကိုလည်းထိုးခဲ့သည်။ သားငယ်လေးသာရန်ကုန်မြို့ကြီးမှာမွေးဖွားခဲ့ပြီးဘာကာကွယ်ဆေးမှ မထိုးပေးခဲ့ရပေ။
“မြို့နယ်တွေမှာရှိတဲ့ ဒေသန္တရဆိုတဲ့နေရာတွေမှာကာကွယ်ဆေးတွေအလကားထိုးပေးနေတယ်။ သွားထိုးလိုက်ပါ။ ကာကွယ်ဆေးတွေ မထိုးထားတဲ့ကလေးကရောဂါဖြစ်ပွားရင် ပြင်းပြင်းထန်ထန် ဖြစ်ပွားတတ်တယ်။ အခု ဖြစ်နေတဲ့ ၀က်သက်ရောဂါကိုပဲ ကြည့်ပါ။ အခန့်မသင့်ရင် အသက်သေဆုံးနိုင်တယ်။ ကလေးငယ်တွေမှာအဖြစ်များတယ်။ ဒါကြောင့်လည်းနိုင်ငံတော် အစိုးရကကာကွယ်ဆေးတွေကိုခဏခဏထိုးပေးနေတာပါ။
ထိုးပေးတဲ့အချိန်မှာမိဘတွေကမပျက်မကွက် သွားထိုးပေးဖို့လည်း လိုပါတယ်။ ” ဆရာဝန်လေးမှ စုစုအားစိတ်ရှည်ရှည်နှင့် ရှင်းပြပေးနေသည်။ စုစုတစ်ယောက် သားငယ်လေးအပေါ် မိဘတို့ ၀တ္တရားပျက်ကွက်နေသည်ကိုလည်းးစိတ်မကောင်းဖြစ်မိသည်။ သားလေးနေပြန်ကောင်းလာလျှင်သားငယ်လေးကိုခေါ်၍ မြို့နယ် ကျန်းမာရေးဌာနကိုသွား၍ သားငယ်လေးကိုလိုအပ်သောကာကွယ်ဆေးများထိုးပေးရမည်။
ဘာကာကွယ်ဆေးတွေထိုးသင့်သည်ကိုလည်း ဆရာဝန်နှင့် တိုင်ပင်ရမည်။ သမီးကတော့ ခေါ်သွားစရာမလိုဟု ဆရာဝန်မှ မှာကြားလိုက်သည်။ သားနေကောင်းလာလျှင်တော့ သားကိုခေါ်၍ လိုအပ်သောကာကွယ်ဆေးများသွားထိုးမည်ဟုဆုံးဖြတ်လိုက်သည်။ အခုတော့ သားလေး မြန်မြန်နေကောင်းပါစေ။
Author – ဒေါက်တာအေးချမ်းမိုး