တီဘီရောဂါဆိုတာလူတိုင်း ကြားဖူးကြပါတယ်။ တီဘီရောဂါက ခန္ဓာကိုယ်ရဲ့နေရာတိုင်းမှာဖြစ်နိုင် တယ်။ တီဘီကြောင့် ဦးနှောက်အမြှေးပါးရောင်နိုင်တယ်။ အဆုတ်တီဘီ၊ အရိုးတီဘီ၊ အူတီဘီ၊ ဆီးလမ်းကြောင်း မှာလဲတီဘီဖြစ်နိုင်တယ်။ အရေပြားမှာလဲဖြစ်နိုင်တယ်။ အများဆုံးဖြစ်တာကတော့ အဆုတ်တီဘီပါ။
တီဘီရောဂါက Mycobacterium tuberculosis အကောင်ကြောင့်ဖြစ်တာပါ။ အသက်ရှုလမ်းကြောင်း ကနေတစ်ဆင့်ကူးပါတယ်။ ရောဂါပိုးရှိသူနှင့်နီးကပ်စွာ စကားပြောတဲ့အခါ၊ ရောဂါပိုးရှိသူကချောင်းဆိုး နှာချေ လိုက်တဲ့အခါရှုထုတ်လိုက်တဲ့ လေနဲ့အတူတီဘီပိုးကလေထဲ ပျံ့နေပါတယ်။ ဒါကိုရှုမိရင်ကူးပါတယ်။ ရောဂါပိုးရှိ သူထွေးထုတ်လိုက်တဲ့တံတွေးကို လက်နဲ့ကိုင်မိတဲ့အခါ၊ ရောဂါပိုးရှိတဲ့သလိပ်နဲ့ ညစ်ပေနေတဲ့ပစ္စည်းကို ကိုင်မိ တဲ့အခါ အဲဒီလက်ကိုမဆေးဘဲ နှာခေါင်းပြန်ကိုင်တာစသည်ဖြင့်လည်း ကူးနိုင်ပါတယ်။
တီဘီရောဂါဟာ ဖွံ့ဖြိုးဆဲနိုင်ငံတွေမှာပိုအဖြစ်များပါတယ်။ တီဘီရောဂါပိုးတွေပျံ့နှံ့လွယ်တာကြောင့်ရော အာဟာရပိုင်းချို့တဲ့လွယ်တာကြောင့်ရောဆိုင်ပါတယ်။ ကလေးငယ်တွေမှာ တီဘီရောဂါပိုဖြစ်လွယ်ပါတယ်။ အ တူနေမိသားစုဝင်တစ်ဦးဦးမှာ တီဘီရောဂါဖြစ်နေရင်ပိုဖြစ်လွယ်ပါတယ်။
အဆုတ်တီဘီရောဂါမှာ ဘာတွေဖြစ်မလဲပေါ့။ ညနေပိုင်းတွေငွေ့ငွေ့လေးကိုယ်ပူနေတတ်မယ်။ ရက်ရှည် ချောင်းဆိုးမယ်၊ သလိပ်ထွက်မယ်။ ညဘက်တွေခေါင်းချွေးတွေ တအားထွက်မယ်။ အစားအသောက်ပျက်မယ်။ ပိန်လာမယ်။ တချို့ဆို သလိပ်ထဲသွေးတောင်ပါနိုင်တယ်။
ဒီလိုတွေခံစားနေရရင် ဓာတ်မှန်လဲရိုက်သင့်တယ်။ သလိပ်စစ်တာနဲ့ လိုအပ်တဲ့သွေးစစ်တာတွေလုပ် သင့်တယ်။ ဓာတ်မှန်က အဆုတ်တီဘီလို့ပြရင် သလိပ်စစ်ရပါမယ်။ သလိပ်စစ်တာကအရေးကြီးပါတယ်။ တံ တွေးဖြစ်လို့မရဘူး။ မနက်အစောကြီးထွက်တဲ့ သလိပ်ဖြစ်ရပါမယ်။ လိုအပ်ရင်သလိပ်ပိုးမွေးရပါမယ်။ သလိပ်ထဲ မှာပိုးတွေ့မတွေ့က ကုသမှုအပိုင်းအတွက် သလိပ်ပိုးမတွေ့တဲ့သူတွေထက်ပိုအရေးကြီးပါတယ်။
တီဘီဆေးတွေသောက်ရတဲ့အခါမှာလည်း ဒါပထမဦးဆုံးအကြိမ်လား၊ သလိပ်ပိုးတွေ့လားပေါ်မူတည် ပြီး သောက်ဆေးပဲလား၊ ထိုးဆေးပါဦးမလား၊ ဘယ်လောက်ကြာကြာသောက်ဖို့လိုလဲ စတာတွေကွဲပြားပါတယ်။ တီဘီဆေးသောက်နေရင်းမှာလဲ သတ်မှတ်ထားတဲ့ကာလတွေမှာ သလိပ်ပိုးစစ်နေရပါမယ်။ ဆေးသောက်တဲ့အ ခါနေ့တိုင်းမမေ့မလျော့သောက်ဖို့လိုပါတယ်။ ဆေးပြတ်လိုက်သောက်လိုက်ဆိုရင် ဆေးယဉ်ပါးတဲ့ပြဿနာတွေ ဖြစ်လာနိုင်ပါတယ်။
အခုနောက်ပိုင်းတွေမှာ ဆေးယဉ်ပါးတီဘီတွေအဖြစ်များလာတာကြောင့် တီဘီရယ်လို့စတွေ့တာနဲ့ Genexpert ဆိုတာကိုစစစ်ခိုင်းတတ်ပါတယ်။ တီဘီဌာနတွေမှာ အခမဲ့စစ်လို့ရပါတယ်။ ဆေးယဉ်ပါးနေတာမျိုးရှိ မရှိစစ်တာပါ။ အဖြေပေါ်မူတည်ပြီး ကုသပုံကွာပါတယ်။ တီဘီဆေးတွေကပြင်းတယ်။ စသောက်လိုက်တာနဲ့ ပျော့သွားတာပဲ။ အစာလည်းမစားချင်တော့ဘူး ဆိုတာတွေလဲကြားရတတ်ပါတယ်။ ဖြစ်နိုင်ပါတယ်။ ဒါထက်ပို ပြီးလည်းဖြစ်နိုင်ပါတယ်။ တီဘီဆေးတွေက မျက်စိထိခိုက်နိုင်ပါတယ်။ အာရုံကြောတွေအားနည်းနိုင်တယ်။ ထုံ ကျင်တာတွေနားလေးတာတွေဖြစ်နိုင်တယ်။ ဆီးနီမယ်။ ကျောက်ကပ်လည်းထိခိုက်နိုင်တယ်။ အသည်းရောင် ခြင်းတွေ၊ အသားဝါခြင်းတွေ၊ အဆစ်တွေနာတာတွေဖြစ်နိုင်တယ်။
ဒါကြောင့်တီဘီဆေးသောက်ရမယ့်လူနာတွေဟာ တီဘီဆေးမသောက်ခင်မှာ မျက်စိစစ်တာ၊ အသည်း စစ်တာ၊ ကျောက်ကပ်စစ်တာတွေလုပ်သင့်ပါတယ်။ ဆေးသောက်နေတုန်းတစ်ခုခုခံစားလာရရင်လည်း လိုအပ် သလိုစစ်ရပါတယ်။ တီဘီကသေချာကုရင် ရောဂါပျောက်ပါတယ်။ ဒါပေမယ့် အဆုတ်မှာအမာရွတ်ကျန်ခဲ့တတ် ပါတယ်။
တီဘီရဲ့ရောဂါလက္ခဏာတော့မပြသေးပေမယ့် တီဘီရောဂါရှိသူနှင့် ထိတွေ့မှုတွေရှိထားတယ်ဆိုရင် တီဘီဟုတ်မဟုတ်အသားထဲဆေးထိုးပြီး စမ်းတာလဲရှိပါတယ်။ အဖြေမှာတော့ ကွဲပြားတဲ့သတ်မှတ်ချက်တွေရှိ ပါတယ်။ တချို့တွေမှာတော့ တီဘီဆေးတစ်မျိုး (သို့) နှစ်မျိုးကိုသတ်မှတ်တဲ့အချိန်ကာလ တစ်ခုအထိသောက်ရ ပါတယ်။
တီဘီကနေရာတိုင်းဖြစ်ပါတယ်။ အကျိတ်လဲဖြစ်နိုင်ပါတယ်။ ဘယ်နေရာမှာတီဘီဖြစ်ဖြစ် အဆုတ်မှာ တီဘီဖြစ်ဖြစ် စစ်ဆေးဖို့လိုတယ်။ တီဘီဆေးကတော့ တီဘီရောဂါမှန်သမျှမှာ အခြေခံကုသနည်းပါပဲ။ ဖြစ်တဲ့နေ ရာပေါ်မူတည်ပြီးအခြားကုသနည်းတွေ ထပ်လုပ်ရပါတယ်။ တီဘီရောဂါပထမအကြိမ်ဖြစ်တာနဲ့ နောက်ထပ်တစ် ကြိမ်ထပ်ဖြစ်တာတောင် ကုသပုံမတူလို့သတိပြုကြစေချင်ပါတယ်။
Author: Dr. CST