မြန်မာနိုင်ငံလို ဖွံဖြိုးဆဲ နိုင်ငံတစ်နိုင်ငံမှာ ဆေးဆိုင်တွေ များစွာရှိတယ်။ တချို့ဆေးဆိုင်တွေက တရားဝင် မှတ်ပုံတင်ရှိသလို တချို့က မှတ်ပုံတင်ထားခြင်း မရှိဘူး။ ဆေးဆိုင်ကြီးတွေက ဆရာဝန် ညွှန်ကြားချက်မပါဘဲ ဆေးတွေ ရောင်းလေ့မရှိပေမယ့် ဆေးဆိုင်ငယ်လေးတွေကတော့ ဖြစ်တဲ့ ရောဂါတွေအတွက် ဆေးလေးတွေ စပ်ပြီး တစ်ထုပ် ၂၀၀ ဒါမှမဟုတ် ၃၀၀ အစရှိသဖြင့် ငွေပမာဏတစ်ခု သတ်မှတ်ကာ ဆေးတွေရောင်းပေးလေ့ ရှိတယ်။ ဒီလို စပ်ဆေးတွေထဲမှာ အများဆုံးပါတာက အမောက်ဆဲ လို့ခေါ်တဲ့ ပိုးသတ်ဆေးရယ် ၊ ကော်တီစုန်းဆေးတွေ ပါလေ့ရှိတယ်။
နှာစေးချောင်းဆိုးပဲဖြစ်ဖြစ် ၊ ဖျားတာပဲဖြစ်ဖြစ် ဘာဖြစ်ဖြစ် အမောက်ဆဲ ပါနေတတ်တယ်။ အမောက်ဆဲဆိုတာ အစွမ်းထက်တဲ့ ပိုးသတ်ဆေး တစ်ခုပါ။ ဘက်တီးရီးယား ရောဂါပိုး တော်တော်များများကို သေစေနိုင်တဲ့ အစွမ်းတွေ ရှိပါတယ်။ နှာစေး ချောင်းဆိုးဖြစ်တာ ၊ ဖျားနာ တုပ်ကွေးဖြစ်စေတဲ့ အများဆုံးပိုးက virus ပိုးကြောင့် ဖြစ်တာပါ။ virus ပိုးကြောင့်ဖြစ်တဲ့ နှာစေးချောင်းဆိုးတွေ ဖျားနာခြင်းတွေက ပိုးသတ်ဆေး သောက်ဖို့ မလိုပါဘူး။ ကိုယ်ခံအား ကောင်းအောင် ပြုမူနေထိုင်တယ် ၊ ကောင်းကောင်းအနားယူမယ်ဆို သူ့အလိုလို သက်သာပျောက်ကင်းနိုင်ပါတယ်။ ဆိုးဝါးပြင်းထန်လွန်းမှသာ ပိုးသတ်ဆေးသောက်ရတာပါ။ သောက်ရတဲ့ ပိုးသတ်ဆေးကလည်း virus ကိုသတ်တဲ့ ပိုးသတ်ဆေးပါ။
အမောက်ဆဲက မကောင်းဘူး မဟုတ်ဘူး။ ကောင်းပါတယ်။ ဘက်တီးရီးယားပိုးတွေကို များသောအားဖြင့် gram stain နည်းနဲ့ ခွဲရင် positive နဲ့ negative ဆိုပြီး ခွဲထားပါတယ်။ အမောက်ဆဲက Positive တော်တော်များများကို နိုင်တဲ့ အစွမ်းတွေ ရှိရုံသာမက တချို့ negative ပိုးတွေကိုလည်း သေစေနိုင်ပါတယ်။ ဒါပေမယ့် ဖျားနာတိုင်း နှာစေးတိုင်း ဘက်တီးရီးယားပိုးကြောင့်ဖြစ်တယ် gram positive ပိုးကြောင့်ဖြစ်တယ်ဆိုတာ ပြောဖို့ ခက်ပါတယ်။ ဒီတော့ နှာချေ ချောင်းဆိုး လည်ချောင်းနာ ဖျားနာ ကိုက်ခဲရုံနဲ့ အမောက်ဆဲ မသောက်သင့်ပါဘူး။
ဆေးတိုင်းမှာ ဘေးထွက်ဆိုးကျိုးတွေ ရှိပါတယ်။ အမောက်ဆဲ သောက်ခြင်းကြောင့် ပျို့အန်ခြင်း ၊ ဝမ်းပျက်ခြင်းတွေ ဖြစ်တတ်ပါတယ်။ ရင်ခေါင်းတောင့်နေတာတွေလည်း ဖြစ်နိုင်သေးတယ်။ အမောက်ဆဲ သောက်လို့ ဖျားတာ၊ အဆစ်တွေ နာကျင်တာ ၊ နေလို့မကောင်းတာတွေ ဖြစ်နိုင်ပါသေးတယ်။ လက်ဖျားတွေ ခြေဖျားတွေ ထုံကျဉ်နေတာ ၊ နူန်းနေတာမျိုးတွေ ရှိတတ်ပါတယ်။ သွေးခြေဥလွယ်တာ ၊ သွေးထွက်လွယ်တာတွေ ဖြစ်တတ်တယ်။ တချို့လူတွေမှာ အရေပြားမှာ အနီစက်တွေ ထွက်တာမျိုး ၊ အင်ပြင်ထတာမျိုးတွေ ဖြစ်တတ်ပါတယ်။ အရမ်းဆိုးတဲ့အခါမှာ သွေးဥမွှားနည်းတာတွေ ဖြစ်နိုင်ပါသေးတယ်။
ဆီးအရောင်ပြောင်းတာ ၊ ဝမ်းအရောင်ပြောင်းတာတွေ ဖြစ်နိုင်တယ်။ အသားတွေလည်း ဖြူဖတ်ဖြူရော် ဖြစ်နေတတ်တယ်။ ရေပိုဆာတတ်တယ်။ ခေါင်းကိုက်တတ်တယ်။ ပါးစပ်မှာ အရသာ ခံနိုင်စွမ်းနည်းသွားတာ အစားအသောက်ပျက်တာမျိုး ဖြစ်တတ်တယ်။ ရင်ဘတ်ထဲမှာ ကြပ်ကြပ်ကြီး ခံစားရတာမျိုးလည်း ဖြစ်တတ်သေးတယ်။ ပြီးတော့ ပိုးသတ်ဆေးဆိုတာ ရေရှည်စွဲသောက်ရင် ကိုယ်ခံအားနည်းတာတွေ ဖြစ်နိုင်လို့ နှာစေးချောင်းဆိုး ပိုဖြစ်နိုင်ခြင်း ၊ ပါးစပ်မှာ မက်ခရုပေါက်ခြင်းတွေ၊ မိန်းမကိုယ်မှာ မှိုပိုးဝင်တာတွေ ဖြစ်နိုင်ပါတယ်။
ပြီးတော့ ဆေးကို ကိုယ့်သဘောနဲ့ကို သောက်ပြီး ရက်ပြည့်အောင် ဆေး dose ပြည့်အောင် မသောက်ရင် ရောဂါပိုးတွေ အနေနဲ့ ဆေးယဉ်ပါးသွားတာတွေ ဖြစ်နိုင်ပါတယ်။ အဲဒီအခါမှာ ဆေးသောက်လည်း မပျောက်တော့တာ ၊ မသက်သာတော့တာတွေ ဖြစ်လာနိုင်ပါတယ်။ နောက် ပိုးသတ်ဆေး တကယ်သောက်ဖို့လိုလာတဲ့ အခါမှာ အမောက်ဆဲကို သောက်လည်း မသက်သာတော့လို့ နောက်ထပ် မြှင့်တဲ့ ပိုးသတ်ဆေးတွေ ပြောင်းသောက်ရတာမျိုးတွေ ဖြစ်လာနိုင်ပါတယ်။
ဒီလို ဘေးထွက်ဆိုးကျိုးတွေကို အမောက်ဆဲမှ မဟုတ်ဘူး။ ပိုးသတ်ဆေး တော်တော်များများမှာ ကြုံတွေ့နေရပါတယ်။ ဒါကြောင့် မလိုအပ်ပဲ ပိုးသတ်ဆေး သောက်တွေ မသောက်ဖို့ ၊ စပ်ဆေးတွေ မသောက်ဖို့ ၊ ဆရာဝန် သို့မဟုတ် တတ်ကျွမ်းနားလည်တဲ့ သူတွေနဲ့ မေးမြန်းဆွေးနွေးဖို့ တိုက်တွန်း အကြံပေးလိုက်ရပါကြောင်း ………
Author : Dr. မေ