စိတ်ဓာတ်ကျခြင်းဆိုတာ မိမိတို့ ဘဝမှာကြုံတွေ့ရတဲ့ အခက်အခဲတွေကို သဘာဝအလျောက်တုန့်ပြန်ခြင်းတစ်မျိုးပါ။ ဥပမာ-ဆွေမျိုးရင်းချာတစ်ယောက်ဆုံးလို့ ပူဆွေးခြင်း ၊ ငွေရေးကြေးရေး အခက်အခဲတွေကြောင့် သောကရောက်ခြင်း စတာတွေပဲဖြစ်ပါတယ်။
ဒီလိုအခြေအနေတွေကြောင့် စိတ်ဓာတ်ကျတဲ့အခါ တိကျပြောပလောက်တဲ့ အကြောင်းအရင်းတစ်ခမဟုတ် တစ်ခု ရှိတတ်ပြီး စိတ်ဓာတ်ကျတဲ့အချိန်ဟာလည်း အများအားဖြင့် တိုတောင်းတတ်ပါတယ် စိတ်ပိုင်းဆိုင်ရာကြောင့်ဖြစ်တဲ့ စိတ်ဓာတ်ကျခြင်းတွင်မူ အကြောင်းအရင်းမရှိဘဲ ဖြစ်တတ်ကာ
အချိန်လည်း ပိုကြာနိုင်ပါတယ် ။
နေ့စဉ်နဲ့အမျှ လူမှုပတ်ဝန်းကျင်ထဲမှာ ရုန်းကန်နေရတဲ့ ဇီဝကတို့ လူသားတွေအဖို့ တစ်ချိန်မဟုတ် တစ်ချိန် စိတ်ဓာတ်ကျခြင်း ဝေဒနာခံစားဖူးကြမှာပါ။ အဲ့လို စိတ်ဓာတ်ကျလာရင် အစားအသောက်နဲ့ ပတ်သက်လို့ ဘာတွေဆောင်သင့်၊ ရှောင်သင့်တယ်ဆိုတာ ဒီဆောင်းပါးမှာ ပြောချင်ပါတယ် ။
စိတ်ဓာတ်ကျနေချိန်မှာ ခံတွင်းမလိုက် စားချင်စိတ်မရှိသလို ဖြစ်တတ်ပါတယ်။ ဒါကြောင့် အာဟာရပြည့်ဝစေဖို့ ဂရုစိုက်ပြီးစားသုံးဖို့ လိုပါတယ်။ ဗီတာမင်အေ ပါတဲ့ အစားအသောက်တွေ စားပေးပါ။ တိရိစ္ဆာန် အသည်းများ၊ မုန်လာဥနီ၊ ကန်စွန်းဥ၊ ရွှေဖရုံသီး၊ တရုတ်နံနံ၊ သရက်သီး၊ ဟင်းနုနွယ်၊ငရုတ်သီး၊ နို့နဲ့ နို့ထွက်ပစ္စည်းများ စတာတွေပဲ ဖြစ်ပါတယ် ။
ဒါ့အပြင် ဗီတာမင် စီပါဝင်သော ရှောက်သံပရာ မျိုးနွယ်ဝင်အသီးများ ၊ အစိမ်းရောင်ရှိသော အသီးအရွက်များ ၊ ပန်းငရုတ် ၊ဂေါ်ဖီစိမ်း ၊ တရုတ်နံနံ ၊မာလကာသီး စတာတွေကို လည်း စားသုံးပါ ။ဗီတာမင် အီးပါသော နေကြာစေ့၊ နေကြာဆီ၊ မြေပဲဆီ ၊ သံလွင်ဆီ ၊ ဗာဒံစေ့ စတာတွေ စားသုံးခြင်းဟာလည်း စိတ်ဓာတ်ကျရောဂါကို သက်သာစေပါတယ် ။
ဗီတာမင် ဒီပါသော ငါးကြီးဆီ၊ အဆီများတဲ့ ငါးတွေဖြစ်တဲ့ ဆော်လမွန်ငါး၊ ငါးသေတ္တာငါး များ ၊ဥအမျိုးမျိုး၊ နို့နဲ့ နို့ထွက်ပစ္စည်းများ တွေကိုလည်းများများ စားပါ ။
စိတ်ဓာတ်ကျသူအချို့ဟာ အချိုဓာတ်များတဲ့ အစားအစာတွေ ဥပမာ-ချောကလက် ၊အာလူးကြော် စတာတွေ တစွတ်စွတ် စားတတ်ပါတယ်။ ဒါဟာ ဘာဖြစ်လို့လဲ ဆိုရင် ဆီရိုတိုနင်လို့ ခေါ်တဲ့ Serotonin ပမာဏ နည်းသွားလို့ပါ ။ ဒါကြောင့် Serotonin ဓာတ်ပြန်များအောင် အာလူး၊ ပန်းဂေါ်ဖီ၊
ငှက်ပျောသီး၊ စွန်ပလွန်သီး နဲ့ သစ်ကြားသီး စတာတွေ စားသုံးပေးပါ။ ဒါ့အပြင် Serotonin ထုတ်ဖို့
လိုအပ်တဲ့ ဗီတာမင် ဘီ စစ် B6 ပါတဲ့ အသား၊ ကလီစာ၊ အစေ့နဲ့ အခွံမာအသီး၊ ဟင်းသီးဟင်းရွက်များကိုလည်း စားသုံးပေးဖို့လိုပါတယ် ။
ပရိုတင်းဓာတ်များများ စားပါ။ အသားနဲ့ ကလီစာများ စားပါ။ ဆီလီနီယမ်ပါ Selenium ပါသော ပင်လယ်စာ၊ ကလီစာများ၊ ဥအမျိုးမျိုး၊ အနှံများ၊ အခွံမာသီးများ စားသုံးဖို့လည်း လိုပါတယ် ။
စိတ်ဓာတ်ကျနေသူများအနေနဲ့ အရက်သေစာများကို မသောက်သုံးသင့်ပါ။ အသည်းကို ထိခိုက်စေတဲ့အပြင် အာရုံကြောအဖွဲ့အစည်းကိုလည်း ထိခိုက်စေပါတယ်။ ကဖင်းဓာတ်ဟာလည်း စိတ်ဓာတ်ကျဝေဒနာတွေကို ပိုဆိုးစေပါတယ်။ ဒါကြောင့် ကဖင်းပါတဲ့ ကော်ဖီ ၊လက်ဖက်ရည် ၊ကိုလာတွေကို မသောက်သုံးသင့်ပါ ။
အစားကို ပုံမှန် အချိန်မှန်စားပါ။ သွေးတွင်း အချိုဓာတ်နည်းခြင်းဟာလည်း စိတ်ဓာတ်ကျဆင်းမှုကို ပိုဖြစ်စေဖို့ တွန်းအားပေးပါတယ်။ ကစီဓာတ်များတဲ့ အဆီအဆိမ့်စာတွေကိုတော့ ရှောင်သင့်ပါတယ် ။
Author: ခေတ်သစ် ဇီဝက