လင်ရယ် မယားရယ်နှင့် မိသားစုဘဝလေးကို ထူထောင်ကြတဲ့အခါ သားသမီး ရတနာဆိုတာ လိုချင်ကြသည်သာ။ တချို့တွေမှာ မလိုချင်လို့ တားဆေးတွေ သောက်နေကြပေမယ့်လည်း အချိန်တစ်ခု ရောက်တဲ့အခါကျ သားသမီး လိုချင်လာကြမြဲ ဖြစ်သည်။ သို့သော် ကလေးဟူသည်ကား အံ့ဖွယ်ကောင်းလှသည်။ တစ်ခါတစ်ရံ မလိုချင်သောသူထံတွင်သာ ရွေး၍ ရသလို ထင်မှတ်လောက်အောင်ပင် ကံတရားက ကျီစယ်လွန်းလှသည်။
သားသမီးလိုချင်တိုင်း မရကြသည့် ပြဿနာသည် မိသားစု တော်တော်များများတွင် ကြုံတွေ့ရလေ့ရှိသော ပြဿနာတစ်ခု ဖြစ်သည်။ US လို နည်းပညာ ထွန်းကားသော နေရာတွင်ပင် ကလေးရရန် ခက်ခဲသည့် စုံတွဲ ရာခိုင်နှုန်းသည် ၁၀ မှ ၁၅ % အတွင်း ရှိသည်။ ကလေးရရန် ခက်ခဲခြင်းလို့ မည်သည့်အခါတွင် ပြောနိုင်သနည်း။ တစ်နှစ်အတွင်း မကြာခဏ အကာအကွယ်မဲ့ လိင်ဆက်ဆံခြင်း ပြုလုပ်၍မျှ ကလေးမရလျှင် ကလေးရရန် ခက်ခဲသည်လို့ ပြောလေ့ရှိသည်။ ဤပြဿနာ ဖြစ်ရသည့် အကြောင်းရင်း ရင်းမြစ်မှာ အမျိုးသားကြောင့် ဖြစ်ခြင်း ၊ အမျိုးသမီးကြောင့် ဖြစ်ခြင်းနှင့် ၂ ဦးလုံးတွင် အပြစ်တစ်စုံတစ်ရာ မရှိပါဘဲ မည်သည့်အကြောင်းရင်း ရှာမတွေ့ဘဲ ဖြစ်ခြင်းဟူ၍ ၃ မျိုး ခွဲခြားနိုင်သည်။
အမျိုးသားကြောင့်ဖြစ်ခြင်း
-သုက်ပိုးထုတ်လုပ်မှု့ မှုမမှန်ခြင်း သို့မဟုတ် သုက်ပိုးသည် ကောင်းမွန်စွာ အလုပ်မလုပ်ခြင်း
အမျိုးသားများသည် မိခင်ဝမ်းထဲတွင် ကြီးထွားဖွံဖြိုးနေစဉ်အတွင်း ဝှေးစေ့သည် ဝမ်းဗိုက်ထဲတွင် ရှိသည်။ အချိန်တစ်ခုရောက်မှ ကပ်ပယ်အိတ်ထဲသို့ ဆင်းသက်သွားခြင်းဖြစ်သည်။ တချို့ အမျိုးသားများတွင် အသက်ကြီးသော်လည်း ဝှေးစေ့သည် ကပ်ပယ်အိတ်ထဲသို့ ဆင်းသက်ခြင်းမရှိဘဲ ဝမ်းဗိုက်ထဲတွင်သာ ရှိသူများရှိသည်။ ထိုသူများတွင် သုက်ပိုးထုတ်လုပ်မှု့ ကျဆင်းခြင်းများ ဖြစ်လေ့ရှိသည်။
ထို့ပြင် ဆီးချိုရောဂါ ရှိသူများ၊ လိင်မှတဆင့် ကူးစက်ခံရသော ရောဂါရှိသူများတွင်လည်း သုက်ပိုး၏ စွမ်းဆောင်ရည်လျော့ကျခြင်း ၊ သုက်ပိုးကောင်ရေ နည်းပါးခြင်းတွေ ဖြစ်လေ့ရှိသည်။ ကပ်ပယ်အိတ်အတွင်း သွေးကြောများထုံးသည့် varicocele ရောဂါတွင်လည်း သုက်ပိုး၏ စွမ်းဆောင်ရည်ကို လျော့ဆင်းစေသည့်အတွက် ကလေးရရန် ခက်ခဲခြင်းများ ဖြစ်လေ့ရှိသည်။
-သုက်ကောင်ရည် ကောင်းစွာ ထွက်သော်လည်း သွားသည့်လမ်းတလျှောက် ပိတ်ခြင်း
သုက်လွှတ်စောခြင်းအပါအဝင် အမျိုးသား မျိုးပွားအင်္ဂါကို ထိခိုက်ဒဏ်ရာ ရထားသည့်သူများတွင် ဖြစ်လေ့ရှိသည်။
-တခြားအကြောင်းအရင်းများ
ဆေးလိပ်သောက်သုံးခြင်း ၊ ဓာတ်ရောင်ခြည်သင့်ခြင်း နှင့် တချို့ဆေးဝါးများကြောင့်လည်း ဖြစ်တတ်ပါသည်။ ဆေးဝါးများတွင် ပိုးသတ်ဆေးများ၊ သွေးပေါင်ကျဆေးများ၊ စတီးရိုက်ဆေးများနှင့် ကင်ဆာဆေးများကို သောက်သုံးနေသူများအဖို့လည်း ကလေးရရန် ခက်ခဲတတ်ကြပါသည်။
အမျိုးသမီးများကြောင့်ဖြစ်ခြင်း
-သားဥအိမ် ပြဿနာများကြောင့်ဖြစ်ခြင်း
-ယခင်က တင်ပဆုံခွဲစိတ်မှု့ ပြုလုပ်ခြင်းများ၊ သားဥပြွန်နှင့် ပတ်သက်၍ ခွဲစိတ်မှု့ ပြုဖူးသူများ
-သားအိမ်အတွင်း အသားလုံးရှိသူများ
-သားအိမ်နံရံထူသူများ
-မွေးလမ်းကြောင်း ပိုးဝင်ထားသူများတွင် ဖြစ်လေ့ရှိပါသည်။
-တခြားရောဂါ အခြေအနေများအနေနှင့် လည်ပင်းဓာတ် နည်းလွန်းများလွန်းသူများ၊ ဆီးချိုရောဂါ ရှိသူများ၊ အရေပြားလေးဖက်နာ ရောဂါကဲ့သို့ ကိုယ်ခံအားချို့ယွင်းခြင်းကြောင့်ဖြစ်သော ရောဂါများတွင်လည်း ကလေးရရှိနိုင်ရန် ခက်ခဲတတ်ကြသည်။
အမျိုးသမီးများသည် အသက်ကြီးလာသည်နှင့် အမျှ သားဥကြွေနှုန်းရော၊ သားဥ၏ ကျန်းမာရေးရော ကျဆင်းလာရာ အသက် ၃၇ နှစ်နှင့် အထက် အမျိုးသမီးတစ်ဦးသည် ငယ်ရွယ်သူထက်စာလျှင် ကလေးရရှိရန် ခက်ခဲတတ်ကြသည်။ ဆေးလိပ်သောက်သုံးတတ်သော အမျိုးသမီးများအနေနှင့်လည်း ကလေးရရှိရန် ခက်ခဲရုံသာမက ရရှိလျှင်လည်း ကလေးပျက်ကျလွယ်ခြင်း၊ ကလေးတွင် မွေးရာပါ ချို့ယွင်းမှု့များ ရှိခြင်းတွေ ဖြစ်နိုင်ပါတယ်။
ထို့အပြင် ကိုယ်အလေးချိန်နည်းလွန်းခြင်း သို့မဟုတ် များလွန်းခြင်းသည် ကလေးရရှိရန် ခက်ခဲစေတတ်သည်။ အရက်သေစာ သောက်စားခြင်းဖြင့် အမျိုးသမီးများတွင် ကလေးကို အန္တရာယ်ဖြစ်စေနိုင်သကဲ့သို့ အမျိုးသားများတွင်လည်း သုက်ကောင်ရည်နည်းပါးခြင်းနှင့် သုက်ကောင်ရည်၏ လှုပ်ရှားမှု့ကို နည်းပါးစေပါသည်။
တစ်ခါတစ်ရံတွင် အမျိုးသမီးမှာရော အမျိုးသားမှာရော ပြဿနာတစ်စုံတစ်ရာ မရှိဘဲ ကလေးရနိုင်သည့် မျိုးဥကြွေသောရက်များတွင် အတူမနေမိခြင်းကြောင့်လည်း ဖြစ်နိုင်ပါသည်။ မျိုးဥကြွေသောရက်များကို တွက်ရန်အတွက် အမျိုးသမီးသည် ရာသီရက်မှန်ရန် လိုသည်။ ရာသီရက်မှန်မှသာ မျိုးဥကြွေသောရက်များကို ခန့်မှန်းနိုင်မည်ဖြစ်သည်။ အခုအခါတွင် ကိုယ်ဝန်ရရှိရန် ခက်ခဲသည့် စုံတွဲများအတွက် နောက်ဆုံးပေါ် နည်းပညာများ၏ အကူအညီများဖြင့် ကလေးရရှိနိုင်ရန် လုပ်ဆောင်နိုင်ပြီဖြစ်ပါတယ်။
Author : Dr. မျိုးဆက်