OnDr မှာ အမေးများတဲ့ မေးခွန်းတစ်ခုရှိပါတယ်။ HIV ရောဂါပိုး ကူးစက်ခံခဲ့ရလျှင် ဘာလက္ခဏာတွေ ပေါ်တတ်ပါသလဲ ဟူသောမေးခွန်းဖြစ်ပါတယ်။
-သင်သည် မမျှော်လင့်ပဲ ကာကွယ်မဲ့ လိင်ဆက်ဆံမှု ပြုခဲ့လျှင်
-သင်သည် ဆေးထိုးအပ် မျှဝေသုံးစွဲခဲ့လျှင်
-ပိုးရှိသူရဲ့သွေး မိမိကိုယ်ထဲ တစ်နည်းနည်းဖြင့် ဝင်ရောက်ခဲ့လျှင် အဆိုပါ မေးခွန်း ပေါ်လာတတ်ပါတယ်။ အလျင်အမြန် သိချင်ပါလိမ့်မယ်။ ယခုနောက်ဆုံးပေါ် နည်းစနစ်အရ HIVကူးစက်ပြီး ရက်ပိုင်းအတွင်း သွေးစစ် ကြည့်လျှင်သိနိုင်ပါတယ်။
HIV ပိုးက ဘာလဲ?
HIV ပိုးသည် လူရဲ့ကိုယ်ခံအားကို ဆိုးရွားစွာ ထိခိုက်ကျဆင်းစေပါတယ်။ ရောဂါများ ခုခံကာကွယ်ပြီးကိုယ်ခံအားကောင်းစေသော CD4 ဆဲလ်များကို ဖျက်ဆီးလိုက်သောကြောင့် ဖြစ်ပါတယ်။ HIVရောဂါပိုး ကူးစက်မှု့ရဲ့ နောက်ဆုံးအဆင့်ကတော့ AIDS ရောဂါ ပေါ်ပေါက်လာခြင်းပဲ ဖြစ်ပါတယ်။
-လက္ခဏာများ
HIV လက္ခဏာများက လူတစ်ဦးနဲ့ တစ်ဦးမတူတတ်ပါ။ အချို့လူများသည် ရောဂါပိုးရှိသည့်တိုင် မည်သည့်လက္ခဏာမှ မ ပြတတ်ပါ။ သို့သော် အချိန်မှန် မကုသခဲ့လျှင် ကိုယ်ခံအား ဆိုးရွားစွာ ပျက်ဆီးပြီး အခြေအနေ ပိုဆိုးလာတတ်ပါတယ်။ ထို့ကြောင့် အများအားဖြင့် ဖြစ်တတ်သော လက္ခဏာ မိမိမှာရှိခဲ့သော် နီးစပ်ရာဆရာဝန်နှင့် အမြန်ဆုံး သွားရောက် ဆွေးနွေးတိုင်ပင်သင့်ပါတယ်။
အများဆုံး ဖြစ်နိုင်ချေရှိသော လက္ခဏာများကတော့
(၁)လည်ချောင်းနာခြင်း
လည်ချောင်းနာခြင်းသည် အစောဆုံး ပြတတ်သော လက္ခဏာများမှ တစ်ခု ဖြစ်ပါတယ်။ ပိုးဝင်လာခဲ့လျှင် ကိုယ်ခန္ဓာမှ ပိုးကူးစက်ခြင်းကို စတင်တုံ့ ပြန်သောကြောင့် ဖြစ်ပါတယ်။ လည်ချောင်းနာခြင်းခံစားရလျှင် လျစ်လျူ၍မရပါ။ လည်ချောင်းနာရာမှတဆင့် နောက်ဆက်တွဲ ပါးစပ်အနာများ၊ အစာရေမျိုအနာများ ခံစားလာရတတ်ပါတယ်။ ခုခံမှုစွမ်းအား လျော့နည်းလာသောကြောင့် အဆိုပါလက္ခဏာများသည် ပိုဆိုးလာစေနိုင်ပါတယ်။ ထိုအခါမျိုးတွင် ဆရာဝန်နှင့် ချက်ချင်းတိုင်ပင် ဆွေးနွေးပါ။
(၂)ဖျားနာခြင်း
အကာကွယ်မဲ့ လိင်ဆက်ဆံပြီးနောက် ဖျားနာခြင်း ဝေဒနာခံစားရလျှင် ဆရာဝန်ဆီ ချက်ချင်းပြသင့်ပါတယ်။ အဖျားငွေ့ငွေ့ ဖျားတတ်ပြီး ဆေးဝါးကုသမှု ခံယူသည့်တိုင် မသက်သာတတ်ပါ။
(၃)ခေါင်းကိုက်ခြင်း
သင်သည် ခေါင်းကိုက်ဝေဒနာ ၁၀ရက် ၁၅ရက်ခန့် ဆက်တိုက်ခံစားရလျှင် မူမမှန်ခေါင်းကိုက်ခြင်းခံစားရခြင်းဟု သတ်မှတ်လို့ရပါတယ်။ လေ့လာချက်များအရ HIV ပိုးရှိသူ ၅၀%သည် မူမမှန်ခေါင်းကိုက်ခြင်း ဝေဒနာ ခံစားရတတ်ပါတယ်။
(၄)ချောင်းဆိုးခြင်း
ချောင်းခြောက်ရက်ရှည် ချောင်းဆိုးပြီး ပိုးသတ်ဆေးသောက်သော်လည်း မပျောက်ခဲ့ခြင်း ဖြစ်ခဲ့လျှင် အဆိုပါလက္ခဏာသည် HIV ပိုး ကူးစက်မှုရဲ့ အစောဆုံး လက္ခဏာတစ်ခုပါ။ ပိုးသည် ကိုယ်ခံအားကျစေပြီး ချောင်းဆိုးရက် ကြာနေတတ်ကာ နောက်ပိုင်း အဆုတ်ပွသည်အထိ ဖြစ်နိုင်ပါတယ်။
(၅)ပြန်ရေကြော အကျိတ် ရောင်ခြင်း
လည်ပင်း၊ ချိုင်းအောက်နှင့် ပေါင်ကြား ပြန်ရေကြောအကျိတ်များ မူမမှန် ကြီးထွားလာလျှင် HIV ပိုးကူးစက်မှု ဦးဆုံးလက္ခဏာများ ဖြစ်နိုင်ပါတယ်။
(၆)ကိုယ်လက် နာကျင်ကိုက်ခဲခြင်း
HIV ပိုး ကူးစက်ခံရသော လူနာအများစုသည် ကိယ်လက်နာကျင်ကိုက်ခဲမှု ဝေဒနာ ခံစားရလေ့ရှိပါတယ်။ အဆစ်အမြစ်ရောင် ၊ကြွက်သားနာကျင်ခြင်း ဝေဒနာများ ဖြစ်ပါတယ်။
(၇)ကိုယ်အလေးချိန် လျော့နည်းခြင်း
HIV ပိုး ကူးစက်ပျံ့နှံခဲ့လျှင် ဖျားခြင်း၊ ဝမ်းလျောခြင်းနှင့် အန်ခြင်းတို့ကြောင့် ကိုယ်အလေးချိန် သိသာစွာ လျော့ကျတတ်ပါတယ်။
(၈)ချွေးထွက်များခြင်း
ချွေးထွက်များခြင်းသည် HIV ပိုး ကူးစက်မှု့ရဲ့ လန့်စရာကောင်းသော လက္ခဏာတစ်ရပ်ပါ။ အိပ်နေစဉ် ချွေးအလွန်ထွက်သောကြောင့် လန့်နိုးတတ်ပါတယ်။
(၉)ပင်ပန်းနွမ်းနယ်ခြင်း
ပင်ပန်းနွမ်းနယ်ခြင်းသည် HIV ရဲ့ အစောပိုင်း လက္ခဏာတစ်ရပ် ဖြစ်ပါတယ်။ အကြောင်းပြချက် ခိုင်လုံမှုမရှိဘဲ ပင်ပန်းနွမ်းနယ်နေတတ်ပါတယ်။
(၁၀)ကန်ဒီးဒါလို့ ခေါ်တဲ့ မှိုရောဂါ ဖြစ်ခြင်း
ကိုယ်ခံစွမ်းအားကျ၍ ရောဂါပိုးများ ဝင်ရောက်လာခြင်းတွင် မှိုပိုးသည်လည်း အဓိက ရောဂါပိုး ဖြစ်ပါတယ်။
(၁၁)ရေယုန်ပေါက်ခြင်း
စအို၊ လိင်အင်္ဂါနှင့် ပါးစပ်နားတဝိုက်တွင် ရေယုန်ပေါက်ခြင်းသည် ကိုယ်ခံအားနည်း၍ ကူးစက်သောရောဂါတစ်မျိုး ဖြစ်ပါတယ်။
(၁၂)အရေပြား ယားနာအကွက်များ ဖြစ်ခြင်း
HIV ရှိသူ ၈၅% ခန့်သည် အရေပြား ယားနာအကွက်များ ခံစားရတတ်ပါတယ်။ ယားနာအကွက်များသည် အရည်ကြည်ဖုများဖြစ်ပြီး တစ်ခါတရံ အလွန်ယားတတ်ပါတယ်။
(၁၃)ရောဂါလက္ခဏာမပြခြင်း
ရောဂါလက္ခဏာမပြခြင်းသည် HIV ကူးစက်မှုတွင် ကြောက်ဖို့အကောင်းဆုံးပ င်ဖြစ်ပါတယ်။ မည်သည့်လက္ခဏာမှ သတိမထားမိ၍ ပိုမို ပြန့်ပွားလွယ် ကူးစက်လွယ်ပါတယ်။
Author: Dr. ပြည့်ရှင်း