“ဆရာ ၊သမီးချစ်သူနဲ့ အကာအကွယ်မဲ့ အတူနေမိတာ ကိုယ်ဝန်ရှိ ၊မရှိ ဘယ်လို
စစ်ရမလဲ”
“ဆရာ ၊ကျွန်မ ရာသီသွေးမပေါ်တော့ဘူး ။တားဆေးလည်း မသုံးထားဘူး ။ကိုယ်
ဝန်များ ရှိနေမလား မသိဘူး ။ဘယ်လို စစ်ဆေးရမလဲ ။အကြံပေးပါဦး ။”
“ကိုယ်ဝန် ရှိ ၊မရှိ ဆီးဘယ်လိုစစ်ရမလဲ ။”
ထိုထိုသော အမေးများကို ဒီဆောင်းပါးလေးမှာ ရှင်းပြပါ့မယ် ။
ကိုယ်ဝန် ရှိ ၊မရှိဆိုတာ ဘာကိုစစ်တာလဲ ။
ကိုယ်ဝန်ရှိပြီ ၊သန္ဓေအောင်ပြီဆိုတာနဲ့ အချင်းကထွက်တဲ့ ဟိုမုန်းလ်
ဖြစ်တဲ့ hCG (Human Chorionic Gonadotropin) ကို စစ်ဆေးတာပါ ။
မ မျိုးဥနဲ့ ကျားရဲ့ သုက်ပိုးတို့ ပေါင်းစပ်ပြီး ဖြစ်တည်လာတဲ့ သန္ဓေ
သားသည် ၅ရက်ကျော် ၆ရက်လောက်မှာ သားအိမ်နံရံမှာ ရှင်သန်ကြီးထွားဖို့
အတွက် လာကပ်ပါတယ် ။(သားအိမ်ပြင်ပ သန္ဓေတည်ရင်လည်း တည်နိုင်တယ် ။)
ထို့နောက် အချင်းက hCG ဆိုတဲ့ ဟိုမုန်းလ် ထုတ်ပါတယ် ။သန္ဓေ ကပ်ပြီးနောက်
၁၀ရက်ကျော် ၁၂ရက်လောက်ကတည်းက hCG ကို စစ်ဆေးလို့ ရပါတယ် ။
ကိုယ်ဝန် ရှိ ၊မရှိ ဘာတွေ စစ်လို့ ရလဲ ။
ကိုယ်ဝန် ရှိ ၊မရှိကို သွေးထဲ ၊ဆီးထဲမှာ ပါတဲ့ hCG ကို စစ်နိုင်တယ် ။
Qualitative (ရှိ – မရှိ) စစ်ဆေးတဲ့နည်းနဲ့ Quantitative (အနည်း – အများ)ပမာဏ
စစ်ဆေးတဲ့နည်းတွေလည်း ရှိပါတယ် ။
ကိုယ်ဝန်တော့ ရှိပေမယ့် ဟိုမုန်းလ် အထွက်နည်းသေးချိန်မှာ
ဆီးစစ်ရင် မပေါ်နိုင်သေးပါ ။ဆီးထဲမှာသည် hCG ပမာဏ 10 mIU/ml အထက်မှ
စစ်ဆေးလို့ ရတာပါ ။သွေးထဲမှာ စစ်ဆေးတဲ့ Quantitative နည်းနဲ့ စစ်ရင်တော့
hCG ပမာဏ 1 mIU/ml ကတည်းက စတင် သိနိုင်တယ် ။
ကိုယ်ဝန် ရှိ ၊မရှိ ဘယ်အချိန် စစ်ကြမလဲ ။
အကောင်းဆုံးက ရာသီထိန်ပြီး တစ်ပတ်ကြာက ဆီးစစ် ၊သွေးစစ်
ပါ ။
ကိုယ်ဝန် ရှိ ၊မရှိ ဘယ်လို စစ်ကြမလဲ ။
ဆီးစစ်တံတွေကို အလွယ်တကူ ဆေးဆိုင်တွေမှာ ဝယ်နိုင်တယ် ။
မျဉ်းကြောင်း ၂ကြောင်းပေါ်တာ ၊အပေါင်း အနုတ်ပြတာ စသဖြင့် အမျိုးအစား အမျိုး
မျိုး ရှိပါတယ် ။ဆီးစစ်တဲ့နည်းသည် ၉၇ ရာခိုင်နှုန်းကျော် တိကျမှု ရှိပါတယ် ။
ဆီးစစ်ရင် မနက်စောစော သွားတဲ့ဆီးကို စစ်ပါ ။၂ မိနစ် ၃မိနစ်
လောက်စောင့်တာနဲ့ အဖြေဖတ်လို့ ရပါပြီ ။မျဉ်းကြောင်း တစ်ကြောင်းက ခပ်မှိန်မှိန်
ဖြစ်နေက ရှိတယ်လို့ပဲ မှတ်ပါ ။ဆီးစစ်တဲ့ ရက်ကစောနေလို့ ၊ဆီးကကျဲနေလို့ ဖြစ်
နိုင်တယ် ။သေချာအောင် တစ်ပတ်ကြာရင် ပြန်စစ်ပါ ။
ကိုယ်ဝန် မရှိဘဲနဲ့ရော ရှိတယ် ပြနိုင်လား ။
-ကိုယ်ဝန်လိုချင်ဇော စိတ်စွဲနေသူတွေ
-တချို့သောဆေးဝါးများ(အတက်ကျဆေး ၊စိတ်ငြိမ်ဆေး ၊ဆီးဆေး စတဲ့)
-ကလေးရစေအောင် ထိုးတဲ့ဆေးဝါးများ
-hCG ဟိုမုန်းလ် ထုတ်တဲ့ အကျိတ်ရောဂါများ Trophoblastic tumours
-ဆီးစစ်တံကို ဆပ်ပြာထိထားရင်
ဒါပေမယ့် ဒါတွေဟာ အဖြစ်နည်းပါတယ် ။
Author : ခေတ်သစ်ဇီဝက