လူတိုင်းလိုလို တစ်ခါမဟုတ် တစ်ခါ ခေါင်းကိုက်ဖူးကြမှာပါ ။ခေါင်းကိုက်ခြင်း အများစုရဲ့ အကြောင်းအရင်းကို တိတိကျကျ မသိနိုင်ပါဘူး ။ခေါင်းကိုက်ခြင်းနဲ့ အတူ နားထင်ကြောတင်းခြင်း ၊လည်ပင်းကြွက်သား တောင့်တင်းခြင်း ဝေဒနာတွေပါ ခံစားရတတ်ပါတယ် ။
ခေါင်းတစ်ခြမ်းကိုက်ခြင်းဟာဦးနှောက်ထဲရှိ သွေးကြောများ ပုံမမှန် ကျဉ်းခြင်း ကျယ်ခြင်းများ ဖြစ်လို့ ဖြစ်တာပါ ။ဘာတွေကြောင့်ဖြစ်တယ်ဆိုတာ တိတိကျကျ မပြောနိုင်ပေမယ့် စိတ်ဖိစီးတဲ့အချိန်များ ၊အိပ်ရေးပျက်တဲ့အချိန်များ ၊တချို့သော ဆေးဝါးများနဲ့ အစားအသောက်များကတော့ ခေါင်းတစ်ခြမ်းကိုက်ဝေဒနာကို လှုံ့ဆော်ပေးပါတယ် ။
ခေါင်းတစ်ခြမ်းကိုက် ဝေဒနာကို လှုံ့ဆော်ပေးတဲ့ အစားအသောက်တွေက တစ်ဦးနဲ့ တစ်ဦးအပေါ် သက်ရောက်မှု မတူပါဘူး ။ဒါကြောင့် မိမိ ခေါင်းကိုက်ဝေဒနာ ခံစားရရင် ဘာတွေ စားသောက်ခဲ့လဲ ဆိုတာ ဒိုင်ယာရီ ရေးမှတ်ထားပါ ။ဒါမှ နောင်မဖြစ်အောင် ကြိုတင် ကာကွယ်နိုင်မှာပါ ။
ခေါင်းတစ်ခြမ်းကိုက် ဝေဒနာခံစားနေရသူ တော်တော်များများကိုလှုံ့ဆော်ပေးတဲ့ အစားအသောက်တွေ အကြောင်း သတိထားနိုင်အောင် ပြောပြပါ့မယ် ။ကဖင်းပါတဲ့ အစားအသောက်များ (လက်ဖက်ရည် ၊ကော်ဖီ ၊ကိုလာ စသဖြင့်)ချောကလက် ၊ချိစ် ၊ပြုပြင်စီမံထားတဲ့ အစားအသောက်တွေ ၊အချဉ်ဖောက်ထားတဲ့အစားအသောက်တွေ ၊အရက် (ဘီယာ ၊ဝိုင်နီ ၊ဘရမ်ဒီ ၊ဝီစကီ စတာတွေ ) ၊အခွံမာငါး ၊ငှက်ပျောသီး ၊နို့နဲ့ နို့ထွက်ပစ္စည်းတွေ ၊ဂျုံနဲ့ ပြုလုပ်ထားသော အစားအသောက်များ စတာတွေကို ရှောင်ကြဉ်သင့်တယ် ။
Vasoactive amine ပါတဲ့အစားအသောက်တွေကလည်း ခေါင်းတစ်ခြမ်းကိုက်စေဖို့ လှုံ့ဆော်ပေးပါတယ် ။အေမင်းပါတဲ့ အစားအသောက်တွေကတော့ဝက်ပေါင်ခြောက် ၊ဝက်အူချောင်း ၊ကြက်အူချောင်း ၊ရှောက်နဲ့ သံပရာနွယ်ဝင် အသီးများ ၊ချောကလက် ၊ဒိန်ခဲ ၊ဝိုင်နီ တို့ပဲဖြစ်ပါတယ် ။
နိုက်ထရိတ်ပါတဲ့ အစားအသောက်များဖြစ်တဲ့ မုန်လာဥနီ ၊ဆလတ် ၊နံနံပင် ၊ဟင်းနုနွယ် စတာတွေကလည်း သွေးကြောတွေကို ကျယ်စေတဲ့အတွက်ရှောင်ရှားသင့်ပါတယ် ။
အထက်မှာ ဖော်ပြထားတဲ့ အစားအသောက်တွေအပြင် မိမိတို့ခေါင်းတစ်ခြမ်းကိုက်ဝေဒနာကို ဖြစ်စေတဲ့ အစားအသောက်များကိုလည်း သတိပြုပြီး ရှောင်ကြဉ်ခြင်းဖြင့် ခေါင်းတစ်ခြမ်းကိုက်ဝေဒနာသက်သာဖို့ အစားအသောက်ကို သတိပြုနိုင်ကြပါစေ ။
Author : ခေတ်သစ် ဇီဝက