ခေါင်းမူးဝေဒနာကို လူတော်တော်များများ ခံစားဖူးကြမှာပါ။ သို့သော် ဖြစ်ရတဲ့ အကြောင်းရင်းကိုသေချာသိဖို့ကတော့ စမ်းသပ်စစ်ဆေးမှုတွေ မလုပ်ဘဲနဲ့ အတိအကျ သိဖို့မလွယ်ပါဘူး။
ခေါင်းမူးရင် အကြမ်းအားဖြင့် နှစ်မျိူးခွဲပြီး စဉ်းစားရပါတယ်။ ရိပ်ရိပ် ရိပ်ရိပ်နဲ့မူးတာလား သို့မဟုတ် ပတ်ချာလည်အောင် မူးတာလား ဆိုပြီးတော့ပါ။
ပတ်ချာလည်အောင် မူးတာဆိုရင်တော့ ၈၅ရာခိုင်နှုန်းခန့်ဟာ နားမှာဖြစ်တဲ့ရောဂါတွေကြောင့် မူးတာဖြစ်နိုင်ပါတယ်။ ကျန်တဲ့၁၅ရာခိုင်နှုန်းကတော့ တခြားအကြောင်းတွေကြောင့် ဖြစ်နိုင်ပါတယ်။ နားမှာဖြစ်တဲ့ ဘယ်လိုရောဂါတွေက ချာချာလည်အောင် မူးစေလဲဆိုတော့ အတွင်းနား တစ်ဖက်စီမှာရှိတဲ့ ပြွန်သုံးခုမှာ အနည်ထတာ၊ နားထဲမှာရှိတဲ့ အာရုံကြောဆဲလ်တွေ ရောင်ရမ်းနေတာ၊ နားထဲရှိတဲ့ရေအိတ်တွေ ရေချိန်မမှန်တာ၊ ရေချိန်ထိန်းတဲ့ ပြွန်လေးတွေမှာ အကြောင်းအမျိူးမျိုးကြောင့် ရေချိန်မမှန်တာ စတာတွေပါ။
ကုသနည်းကတော့ နား နှာခေါင်း လည်ချောင်းဆေးရုံ သို့မဟုတ် နှားနှာခေါင်း လည်ချောင်းဆရာဝန် ရှိတဲ့ ဆေးခန်းတွေမှာ ပြသစစ်ဆေး သင့်ပါတယ်။
ခေါင်းမူးခြင်းကို ဖြစ်စေနိုင်တဲ့ တခြားအကြောင်းတွေကို ဆက်ပြောပြပါ့မယ်။
၁။ ခန္ဓာကိုယ်တွင်း ရေဓာတ်ခမ်းခြောက်သောကြောင့် မူးခြင်း
ကားအကြာကြီးစီးရတာမျိူး၊ ရာသီဥတုပူချိန်မှာ ကိုယ်လက်လှုပ်ရှား လေ့ကျင့်ခန်းများ အပြင်းအထန် လုပ်မိတာမျိူး၊ နေပူထဲတွင် တစ်နေကုန်နီးပါး အလုပ်လုပ်ရတာမျိူး၊ အလုပ်တွေ ရှုပ်လွန်းသဖြင့် စားဖို့၊ သောက်ဖို့ပင် အချိန် မပေးနိုင်တာမျိုးတွေဆိုရင် လူ့ခန္ဓာကိုယ်မှာ ရေဓာတ်ခမ်းခြောက် သွားတတ်ပါတယ်။ ထိုသို့ ဖြစ်နေစဉ်တွင် ရုတ်တရက် ထလိုက်ပါက မူးခနဲ၊ မိုက်ခနဲ ဖြစ်သွားနိုင်ပါတယ်။
ထိုအခါ သင်သည် ရေဓာတ်ပြန်ဖြည့်ပေးဖို့လိုပါတယ်။ ဓာတ်ဆားရည်သို့မဟုတ် ဖျော်ရည် တစ်ခုခုသောက်နိုင်ပါက ပိုသင့်တော်ပါသည်။ နည်းနည်းခြင်း အရင်သောက်ပါ။ သောက်ပြီး ၁၅မိနစ်လောက်စောင့်ကြည့်ပါ။ မသက်သာဘူး၊ ပိုမူးလာတယ်ဆိုရင်တော့ လုပ်ဖော်ကိုင်ဖက် သို့မဟုတ် အနီးနားကလူတစ်ယောက်ယောက်ကို အကူအညီတောင်းပြီး ဆေးခန်းသွားပါ။
၂။ သွေးပေါင်ကျခြင်း သို့မဟုတ် တက်ခြင်းကြောင့်မူးခြင်း
ပုံမှန်ရှိသင့်တဲ့ သွေးပေါင်ချိန်သည် အပေါ်သွေး၁၂၀ အောက်သွေး၈၀ ဖြစ်သည်။
အပေါ်သွေး (၁၀၀) အောက်၊ အောက်သွေး (၆၀) အောက်ကျသွားလျှင်ကား သွေးပေါင်ကျနေပြီဟု သတ်မှတ်နိုင်ပြီး အပေါ်သွေး ၁၄၀နဲ့အထက်၊ အောက်သွေး ၉၀နဲ့အထက်ဆိုပါက သွေးပေါင်တက်နေပြီဟု အကြမ်းအားဖြင့် သတ်မှတ်နိုင်ပါသည်။ ထိုအခါ ရုတ်တရက် ထလိုက်လျှင် မူးခနဲ မိုက်ခနဲ ဖြစ်ခြင်းမျိုးနဲ့ ကြုံရနိုင်သည်။
ဆေးခန်းသွားပြီး သွေးပေါင်ချိန် ချိန်ကြည့်ပါ။ ကျနေပါက ဓာတ်ဆားရည် သောက်ပါ။ သွေးတိုးရှိရင်တော့ ဆရာဝန်က စွဲစားရမယ့် သွေးတိုးကျဆေး ပေးပါလိမ့်မယ်။
၃။ သွေးတွင်း သကြားဓာတ် နည်းပါး နေခြင်းကြောင့် မူးခြင်း
သွေးတွင်း သကြားဓာတ်နည်းနေသည့်အခါ လူသည် ချွေးထွက်လွန်၊ ဂဏာမငြိမ် ဖြစ်လာ တတ်သည်။ စိတ်လည်း ဂယောက်ဂယက် ဖြစ်လာတတ်သည်။ သွေးပေါင်လည်း ကျသွားကာ နောက်ဆုံးတွင် လုံးဝ မူးလဲသွားသည့်အဆင့်ထိ ရောက်သွားရသည်။ ဆီးချိုရောဂါရှိသူများတွင် ပိုအဖြစ်များနိုင်ပါတယ်။ ဆီးချိုရောဂါ မရှိသူများတွင်လည်း ဖြစ်နိုင်ပါတယ်။
အလုပ် အလွန်အကျွံ လုပ်ခြင်း၊ အလွန်အမင်း စိတ်အားလူအားစိုက်ခြင်း၊ တစ်နေ့လုံး နီးပါးရေနှင့် အစားအသောက် မဆိုသလောက် သာ စားသောက်ပြီး အလုပ်ချည်း ဖိလုပ်နေခြင်းများကြောင့် သွေးတွင်း သကြားဓာတ် ကျဆင်းသွားရတတ်သည်။
ထိုအခါမျိူးတွင် အချိုဓာတ်ပါတာတွေ စားပေးပါ။ အချိုရည် တစ်မျိုးမျိုး သောက်ပါ။ မသက်သာပါက ဆေးခန်းပြပါ။
၎။ သွေးတွင်း သံဓာတ်လျော့နည်းနေခြင်းကြောင့် မူးခြင်း။
ဒါကတော့ သတ်သတ်လွတ်စားတဲ့သူတွေမှာ ပိုအဖြစ်များနိုင်ပါတယ်။ သွေးထဲမှာ သံဓာတ်လျော့နည်းနေပါက လူသည်နည်းနည်းလေး လှုပ်ရှားတာနဲ့မောပန်းတာ၊ နုံးနေတာ၊ ဖြူဖျော့နေတာတွေ ဖြစ်တတ်ပါတယ်။ ပြီးလျှင် မူးခနဲ၊ မိုက်ခနဲလည်းပိုပြီး ဖြစ်တတ်သည်။
ထိုအခြေအနေမျိုးတွင် သွေးဖောက်စစ်ကာ သွေးတွင်းသံဓာတ် နည်းလား၊ များလား စစ်ဆေးရမည်။ ရလဒ်ကိုသိလာသည့်အခါ ဆရာဝန်အနေဖြင့် သွေးတွင်း သံဓာတ်အားကောင်း လာအောင်ဆေးဝါးများ ညွှန်ကြားပေးနိုင်သည်။ သွေးတွင်းသံဓာတ် အားကောင်းလာသည့်အခါ မူးခနဲ မိုက်ခနဲ ဖြစ်ခြင်းလည်း အလိုလို သက်သာလာနိုင်ပါတယ်။
ဒါတွေကတော့ အဖြစ်များတဲ့အကြောင်းရင်းတွေပါ။ ဒါတွေအပြင် အာရုံကြော အားနည်းလို့ မူးတာ၊ ဦးနှောက်မှာ အကျိတ်ဖြစ်လို့ မူးတာတွေလည်း ရှိနိုင်ပါတယ်။
အဆုံးသတ်အနေနဲ့ အကြံပေးလိုတာကတော့ မြင့်သောနေရာတွင် ရပ်နေချိန် မူးခနဲမိုက်ခနဲ ဖြစ်သွားပါက ပြုတ်ကျခြင်းကြောင့် ထိခိုက်ဒဏ်ရာရခြင်းမှသည် အသက် အန္တရာယ်ထိပါ စိုးရိမ်ရပါတယ်။ မူးခနဲ၊ မိုက်ခနဲ ဖြစ်သွားလျှင် အရင်ဆုံးထိုင်ချလိုက်ပါ်။ သို့မှသာ လဲကျ သွားခြင်းကို ကာကွယ်နိုင်မည်။ မူးခနဲ၊ မိုက်ခနဲ ဖြစ်သွားပြီး မကြာခင်မှာပင် ကားမောင်းခြင်းကို လုံးဝရှောင်ပါ။
ဆေးခန်း ဆေးရုံသွားမည်ဆိုပါက အဖော်တစ်ယောက်ယောက်နဲ့ သွားပါ။ တစ်ယောက်တည်း မသွားပါနဲ့။
Author : Dr.528