ဘုရားပွဲဈေးများလည်း မြန်မာနိုင်ငံနေရာအနှံ စတင်ကျင်းပတော့မည်။ ယခုခေတ် လူငယ်များအဖို့ပွဲဈေးတလျောက်ရှိ တက်တူးဆိုင်များတွင် ပြည့်နေကြပါလိမ့်မည်။ ယခုခေတ် တက်တူးထိုးခြင်းသည် လူငယ်များအကြား အရှိနိအဟုန်ပြင်းစွာ ရေပန်းစားလျက် ရှိသည်။ ဒီဇိုင်းအဆန်းများနှင့် မိမိလိုချင်သောဒီဇိုင်းများ စိတ်ကြိုက် ရွေးချယ်ပိုင်ခွင့် ရှိကြပါသည်။
ယခင်နှစ်ကာလများတွင် တက်တူးသည် လူဆိုး လူရမ်းကားများရဲ့ သင်္ကေတဟု လူမှုအဖွဲ့အစည်းက သတ်မှတ်ခဲ့ကြပါသည်။ ယခုခေတ်တော့ ထိုကဲသို့ မသတ်မှတ်ပဲ ကိုယ်ခန္ဓာအနုပညာသဖွယ် ယူဆလာခဲ့ကြပါတယ်။ လူငယ်မှအစ လူကြီးများသည်လည်း တက်တူးထိုးခြင်းကို အနုပညာအလုပ်သဖွယ် လုပ်ကိုင်လာကြပါတယ်။
တက်တူးထိုးခြင်းသည် ကျန်းမာရေးနှင့်ပတ်သတ်ဆက်နွယ်ပါသလား:?
တက်တူးထိုးလျှင် ကျန်းမာရေးဆိုးကျိုးဘာဖြစ်နိုင်မလဲ? ဟု Ondr မှာလူငယ်များ အမေးများပါတယ်။ တက်တူးထိုးခြင်းသည် မိမိအရေပြားပေါ်ကိုအပ်ဖြင့်ထိုးကာ မိမိအရေပြား မူရင်းအရောင်ကို လိုသလိုဆေးရောင်ခြယ် ပြောင်းလဲခြင်းဖြစ်ပါတယ်။ အဆိုပါ ဆေးရောင်များသည် အမြဲထာဝရစွဲ မြဲစေပါတယ်။
ပုံမှန်အားဖြင့် တက်တူးထိုးခြင်းသည် မိမိကိုယ်မိမိယုံကြည်မှုပိုကာ ကျန်းမာရေးအတွက် မထိခိုက်နိုင်ဟု ယူဆ၍ရသကဲ့သို့ မိမိအသားအရေအပါ် ဓာတုပစ္စည်းဆေးရောင် ထိုးသွင်းခြင်းသည်အန္တရာယ်များနိုင်မလားဟု သံသယဖြစ်ဖွယ် စိုးရိမ်ရသည့်မေးခွန်း ဖြစ်ပါတယ်။ အရေပြားသည် မိမိကိုယ်ခန္ဓာရဲ့ အကြီးမားဆုံး အင်္ဂါအစိတ်အပိုင်းဖြစ်သည့်အပြင် ရောဂါပိုးဝင်ရောက်မှုအတွက် ပထမဦးဆုံး တွန်းလှန်ကာကွယ်ပေးသည့် ကိုယ်ခံအား အစိတ်အပိုင်း ဖြစ်ပါတယ်။
တက်တူးထိုးခြင်းရဲ့ ဖြစ်နိုင်သော ကျန်းမာရေးဆိုးကျိုးများမှာ
-တက်တူးထိုးရာတွင် သုံးသောအပ်များမှတဆင့် ရောဂါပိုးဝင်ရောက်နိုင်ခြင်း
( ဥပမာ HIVပိုး တစ်ခါသုံးအပ်များသုံးသည်ဟု ဆိုသော်ငြားလည်း အချို့နေရာများတွင် စိတ်ချယုံ ကြည်မှု အပြည့်အဝမရှိပါ/ မျှဝေသုံးစွဲ ခြင်း / ဆေးရည်စိမ်ပြန်သုံးခြင်းများသည် ကျန်းမာရေးအတွက် အလွန်အန္တရာယ်များပါသည်။)
-ထို့အပြင် တက်တူးဒီဇိုင်းများ၊ အရောင်အသွေးများ စုံလင်စွာ ရှိပါတယ်။ တက်တူးထိုးသော မင်ရဲ့ quality နှင့် ဓာတုဗေဒပါဝင်မှုသည် ဘယ်လောက်ထိ စိတ်ချရမည်နည်းကို သေချာလေ့လာရန် လိုအပ်ပါတယ်။ သင်တွေးထင်တာထက် ဓာတုဗေဒပစ္စည်းများစွာ ပါဝင်နေတတ်ပါတယ်။ တက်တူးထိုးသောမှင်ရဲ့စိတ်ချရမှုကို ဆေးဝါး အလှကုန်များကဲ့သို့ ထိန်းချုပ်ထားခြင်း မရှိပါ။ Bradford တက္ကသိုလ်သုတေသနအရ တက်တူးမင်သည် အန္တရာယ်ကင်းသည်ဟု သတ်မှတ်မရပါ။
မင်သည် အရေပြားရဲ့ကော်လက်ဂျင်ကို အမြဲအနေနဲ့ ပြောင်းလဲပစ်ပြီး အရေပြားရဲ့ တုံပြန်မှုကိုလဲ သက်ရောက်မှု ရှိစေပါတယ်။ သင်ထိုးသောတက်တူး ဒီဇိုင်းကြီးလေလေ အရောင်စုံလေလေ သင့်အရေပြားဆဲလ်များ မူမမှန်ကြီးထွားဖို့နှင့် ကော်လက်ဂျင်ပျက်ဆီးမှု များလေလေ ဖြစ်ပါတယ်။ တက်တူးမင်ကြောင့် ဓာတ်မတည့်မှုမှတဆင့် အရေပြားကင်ဆာထိ ဖြစ်လာနိုင်ချေ ရှိပါတယ်။
တက်တူးထိုးသင့်သလား?
အဆိုပါမေးခွန်းသည် လူတစ်ဦးတစ်ယောက်ရဲ့ အခွင့်အရေးနှင့် သက်ဆိုင်ပါတယ်။ လူ့ဘဝမှာ မမြင်နိုင်သော ကျန်းမာရေးဆိုးကျိုးများ ပြည့်နှက်နေသောကြောင့် ဆိုးကျိုးရှိသည်ကို သိလျက် ထိုးမည်လားဟူသော ဆုံးဖြတ်ချက်သည် မှန်ကန်ဖို့ လိုအပ်ပါတယ်။ အကယ်၍ သင့်ဆန္ဒပြင်းပြစွာ ပြုလုပ်မည်ဆိုပါကတက်တူးထိုးပေးမည်သူနှင့် သေချာစွာ တိုင်ပင်ဆွေးနွေးကာ စီစဉ်တကျထိုးသင့်ပါတယ်။
Author : Dr. ပြည့်ရှင်း