အဆင်မပြေမှု့တွေ ကြုံလာတဲ့အခါမှာ စိတ်ညစ်တာတွေ ဝမ်းနည်းတာတွေကို ခံစားရလေ့ရှိပါတယ်။ ပြိုင်ဆိုင်မှု့တွေကြောင့် စိတ်တွေဖိစီးလာတဲ့အခါ စိတ်ထွက်ပေါက်တွေကို မရှာနိုင်တဲ့အခါ လူမသိအောင် ကြိတ်ငိုကြွေးခဲ့ဖူးကြပါလိမ့်မယ်။ စိတ်ညစ်တိုင်း ဝမ်းနည်းတိုင်း စိတ်ကျရောဂါ ဖြစ်နေတာလား။ စိတ်ကျရောဂါဆိုတာ ဘာလဲဆိုတာ သိနိုင်အောင် ဒီဆောင်းပါးလေးမှာ စိတ်ကျရောဂါ အကြောင်းကို အနည်းအကျဉ်း ဆွေးနွေးချင်ပါတယ်။
စိတ်ကျရောဂါဆိုတာဟာ ဝမ်းနည်းမှု့တွေကို ခံစားနေရတာ၊ မျှော်လင့်ချက်တွေ ကင်းမဲ့နေတာ၊ ကိုယ်စိတ်ဝင်စားတဲ့ အရာတွေပေါ်မှာတောင် စိတ်ဝင်စားမှု့တွေ ပျောက်ဆုံးနေတာ ( အရင်က ကိုရီးယားကား ကြည့်ရင် ပျော်နေတဲ့သူက TV ကြည့်ဖို့တောင် စိတ်မဝင်စားတော့တာမျိုးပေါ့) တွေကို ၂ ပတ်ထက် အထက် ခံစားနေရတယ်ဆိုရင် စိတ်ကျရောဂါ ခံစားနေရပြီလို့ ဆိုနိုင်ပါတယ်။
စိတ်ကျရောဂါ လို့ဆိုတာမှာ အပျော့စား စိတ်ကျရောဂါ (mind depression) ၊ အတန်အသင့် ပြင်းထန်သော စိတ်ကျရောဂါ နှင့် အပြင်းစား စိတ်ကျရောဂါ ဆိုပြီး ရှိပါတယ်။
အပျော့စား စိတ်ကျရောဂါ
ဒီစိတ်ကျရောဂါ အမျိုးအစားကို လူတော်တော်များများ ခံစားနေရတတ်ပါတယ်။ ရောဂါ လက္ခဏာတွေကတော့
• စိတ်တိုစိတ်ဆတ် လွယ်နေတာ ၊ ဒေါသဖြစ်လွယ်နေတာတွေ
• မျှော်လင့်ချက်မဲ့နေတာတွေ
• အပြစ်ရှိသလို ခံစားနေရတာတွေ
• ကိုယ့်ကိုကိုယ် စက်ဆုပ် ရွံရှာနေတာတွေ
• စိတ်ဝင်စားမှု့တွေ ပျောက်ဆုံးနေတာတွေ
• အလုပ်မှာ အာရုံမစိုက်နိုင်တာတွေ
• တက်ကြွ လန်းဆန်းမှု့ မရှိတာတွေ
• ရုတ်တရက် တစ်ယောက်တည်း နေချင်လာတာတွေ
• ဘာကြောင့်မှန်းမသိဘဲနဲ့ နာကျင်ကိုက်ခဲနေတာတွေ
• နေ့ခင်းဘက်တွေ အိပ်ငိုက်နေတာ၊ ပင်ပန်းနွမ်းနယ်နေတာ
• အိပ်မပျော်တာ
• အစာစားချင်စိတ်တွေ ပြောင်းသွားတာ ( အရင်က သိပ်မစားတဲ့သူက အရမ်းစားနေတာမျိုး ၊ အရင်က စားနေတဲ့သူက အစာစားချင်စိတ် မရှိတော့တာမျိုး)
• ကိုယ်အလေးချိန်တွေ ပြောင်းသွားတာ( တချို့မှာ ဝလာတာ၊ တချို့မှာ ပိန်သွားတာ)
• အရာရာကို အလေးမထားသလို စိတ်ထားတွေ အပြုအမူတွေ ရှိနေတတ်တယ်။
ကိုယ့်မှာ ဒီလို လက္ခဏာတွေ ကို ၂ ပတ်ကျော် ခံစားနေရရင်တော့ ပြုမူနေထိုင်မှု့ပုံတွေကို ပြောင်းလဲဖို့ လိုနေပါပြီ။ လေ့ကျင့်ခန်း တစ်ခုခုကို အချိန်ပေးပြီး ပုံမှန်လုပ်ပေးတာမျိုး ၊ ဘယ်အချိန်မှာ အိပ်မယ်ဆိုပြီး အိပ်ရေးဝအောင် ကြိုးစားအိပ်ပေးတာမျိုး၊ တရားထိုင်တာမျိုးတွေ ပြုလုပ်သင့်ပါတယ်။
အရက်သေစာတွေ မူးယစ်ဆေးတွေ အဆီအစိမ့်များတဲ့ ကျန်းမာရေးနဲ့ မညီညွတ်တဲ့ အစားအစာတွေကို ရှောင်ကြဉ်ပြီး အသီးအနှံတွေ ဟင်းသီးဟင်းရွက်တွေ များများ စားပေးသင့်ပါတယ်။ စိတ်ဖိစီးမှု့တွေက ရောဂါ လက္ခဏာတွေကို ပိုဆိုးစေတဲ့အတွက် စိတ်ဖိစီးမှု့တွေ လျော့နည်းအောင် မြူးကြွတဲ့ သီချင်းတွေ နားထောင်တာမျိုး ၊ ခရီးထွက်တာမျိုးတွေ လုပ်သင့်ပါတယ်။
အတန်အသင့် ပြင်းထန်သော စိတ်ကျရောဂါ
ဒီစိတ်ကျရောဂါမှာတော့ အပျော့စား စိတ်ကျရောဂါ လက္ခဏာတွေအပြင် အလုပ်မှာ စွမ်းဆောင်ရည်တွေ ကျဆင်းလာတာ၊ ကိုယ့်ကိုကိုယ် အရမ်းအဆိုးမြင်နေတာ၊ စိတ်ထိခိုက်ခံစားလွယ်တာ တွေ ခံစားရတတ်တယ်။ ဒါ့အပြင် အကြောင်းအရာ တစ်ခုခုအပေါ် အလွန်အမင်း စိတ်ပူနေတာမျိုးလည်း ရှိတတ်တယ်။
ဒီအဆင့်မှာဆိုရင်တော့ မိမိအလုပ်မှာရော ၊ နေထိုင်မှု့ ဘဝထဲမှာပါ စိတ်ကျရောဂါကြောင့် အခက်တွေ့တာမျိုးတွေ ရှိလာနိုင်တယ်။ ရောဂါ အခြေအနေပေါ် မူတည်ပြီး ဆေးသောက်ရနိုင်တယ်။ တတ်ကျွမ်းနားလည်တဲ့ စိတ်ရောဂါကု ဆရာဝန်တွေနဲ့ စကားပြောပြီး စိတ်ကျရောဂါကို သက်သာအောင် လုပ်တဲ့ talking therapy လည်း လုပ်လို့ရတယ်။
ပြင်းထန်စိတ်ကျရောဂါ
ပြင်းထန်စိတ်ကျရောဂါဟာ များသောအားဖြင့် ရောဂါ လက္ခဏာတွေကို ၆ လနှင့် အထက် ခံစားရတတ်တယ်။ အပေါ်က လက္ခဏာတွေအပြင် ထင်ယောင်ထင်မှားဖြစ်နေတာတွေ၊ သွေးလေ ချောက်ခြားနေတာတွေ ရှိတတ်တယ်။ ခံစားမှု့တွေ လျော့နည်းနေတာ ၊ အာရုံခံစွမ်းတွေ နည်းနေတာမျိုးတွေ ရှိတတ်တယ်။
ဘယ်သူနဲ့မှ မတွေ့ချင် ဘယ်မှ မသွားချင်ဘဲ အိမ်မှာ တစ်ယောက်တည်းနေချင်နေတတ်တယ်။ သေခြင်းတရား အကြောင်းကို မကြာခဏ တွေးတာ၊ သေချင်နေတာမျိုးတွေ ရှိတတ်တယ်။ ကိုယ့်ကိုကိုယ် သေကြောင်းကြံပြီး သတ်သေလောက်တဲ့အထိ ဆိုးဝါးပြင်းထန်တတ်တယ်။
စိတ်ကျရောဂါ ခံစားနေရသူတွေဟာ ပုံမှန်ထက်စာရင် စကားပြောတဲ့နေရာ ၊ လှုပ်ရှားမှု့တွေ ပြုလုပ်တဲ့နေရာတွေမှာ နှေးကွေးလေးလံနေတတ်တယ်။ ဝမ်းလည်း ချုပ်တတ်တယ်။ လိင်မှု့ကိစ္စတွေမှာ စိတ်ဝင်စားမှု့တွေ ကင်းမဲ့နေတာ၊ စိတ်မပါတာမျိုးတွေ ဖြစ်တယ်။ တချို့ မိန်းကလေးတွေမှာဆိုရင် ရာသီမလာတော့တာတွေ လာတဲ့ပုံစံ ပြောင်းသွားတာတွေတောင် ရှိတယ်။
စိတ်ကျရောဂါဆိုတာ ဆိုးဝါးပြင်းထန်လာတဲ့အခါမှာ မိမိအသက်ကိုတောင် ပြန်ပြီး ရန်ရှာနိုင်လောက်တဲ့ အထိ အန္တရာယ်ရှိတာမို့ စိတ်ကျရောဂါ ဖြစ်ရင် ကုသဖို့ လိုတယ်။ လူနာအနေနဲ့လည်း စိတ်ရော ကိုယ်ရော ပြောင်းလဲလိုက်ဖို့ လိုသလို လူနာရှင်တွေ အနေနဲ့လည်း ဖေးဖေးမမ စကားပြောပေးတာမျိုး ၊ အားပေးတာမျိုးတွေ လုပ်ဖို့လိုတယ်။
တချို့လူတွေကျလည်း စိတ်ညစ်နေတယ်၊ ဝမ်းနည်းနေတယ် ငါတော့ စိတ်ဓာတ်ကျနေပါပြီဆိုပြီး တွေးပူနေတာမျိုးတွေ ရှိတယ်။ စိတ်ညစ်နေတိုင်းလည်း စိတ်ကျရောဂါ မဟုတ်ပါဘူး။ တစ်ခုခုကို အဆင်မပြေတဲ့အခါ ၊ ဆုံးရှုံးမှု့တွေ ကြုံလာရတဲ့အခါ စိတ်ညစ်စရာဆိုတာ ကြုံရတတ်ပါတယ်။ စိတ်ညစ်တိုင်း၊ ဝမ်းနည်းတိုင်း စိတ်ကျရောဂါ မဟုတ်ကြောင်း ပြောကြားရင်း ဒီဆောင်းပါးလေးကို နိဂုံးချုပ်အပ်ပါတယ်။
Author : ရွက်သစ်