ကာလသားရောဂါ

ကာလသားရောဂါလက္ခဏာပြောပြပါ ဆရာမလို Ondr မှာ လူငယ်အချို့ မေးလေ့ရှိပါတယ်။ ဆစ်ဖလစ်လို့ခေါ်တဲ့ ကာလသားရောဂါသည် Treponima pallidum လို့ ခေါ်တဲ့ ဘက်တီးရီယားပိုးကြောင့် ဖြစ်ပွားသော ရောဂါ ဖြစ်ပါတယ်။

ပထမဦးဆုံးပေါ်တဲ့ လက္ခဏာတစ်ခုကတော့ လိင်အင်္ဂါ၊ စအို၊ ပါးစပ်အတွင်း မနာကျင်တဲ့ သေးငယ်သော အနာတစ်ခု ဖြစ်ခြင်းပဲ ဖြစ်ပါတယ်။ ထိုအနာကို ရှန်ကာလို့ ခေါ်ပါတယ်။ ကာလသားရောဂါကူးစက်ခံရသော်လည်း နှစ်ပေါင်းများစွာ မည်သည့်လက္ခဏာမှ မပေါ်ဘဲ ရှိနေတတ်ပါတယ်။ သို့သော်ရောဂါကို စောစောတွေ့ပြီး စောစောကုသမှု ခံယူခြင်းသည် အကောင်းဆုံးပဲ ဖြစ်ပါတယ်။

ကာလသားရောဂါ မကုပဲ ထားလျှင်အရေးကြီးသော ကိုယ်တွင်းအင်္ဂါများ ထိခိုက်တတ်ပါတယ်။ ဥပမာဦးနှောက်၊နှလုံး။ ကာလသားရောဂါသည် အဆိုပါအနာ ရှန်ကာကို တိုက်ရိုက်ထိတွေ့မှသာ ရောဂါကူးစက်နိုင်ပါတယ်။ ရောဂါရှိသူနှင့် အဝတ်အစားအတူတူဝတ်ရုံနှင့် အတူတူစားရုံဖြင့် မကူးစက်နိုင်ပါ။

ကာလသားရောဂါ အဆင့်၎ဆင့် ရှိပါတယ်။
-ပထမအဆင့်
-ဒုတိယအဆင့်
-နောက်ကျအဆင့်
-တတိယအဆင့်

ပထမအဆင့်နှင့် ဒုတိယအဆင့်တွင် ကာလသားရောဂါသည် အကူးစက်နိုင်ဆုံး အဆင့်ဖြစ်ပါတယ်။နောက်ကျအဆင့်တွင် ရောဂါပိုးရှိသော်လည်း မကူးစက်တတ်ပါ။ တတိယအဆင့်ကတော့ လူကျန်းမာရေး အထိခိုက်ဆုံး အဆင့် ဖြစ်ပါတယ်။

(1)ပထမအဆင့်
၎င်းအဆင့်သည် ကူးစက်ခံရပြီး ၃ပတ်နှင့်၎ပတ်ခန့်တွင် ဖြစ်လာပါတယ်။ လုံးဝန်းသေးငယ်သောအနာ(ရှန်ကာ) စတင်ပေါက်လာပါတယ်။ ရှန်ကာသည် မနာသော်လည်း ကူးစက်လွယ်ပါတယ်။ ပိုးဝင်ရောက်သော မည်သည်နေရာတွင်မဆို ဖြစ်ပွားလေ့ရှိပါတယ်။ ပိုးကူးစက်ပြီး ၃ပတ်ခန့်တွင် ပေါက်နိုင်သော်လည်း ၁၀ရက်မှ ရက်၉၀ ကြာတတ်ပြီး ၂ပတ်မှ ၆ပတ်ထိ ကျန်ရှိတတ်ပါတယ်။ လိင်ဆက်ဆံနေစဉ် အနာနှင့် ထိတွေ့လျှင် ရောဂါပိုးကူးစက်နိုင်ပါတယိ။

(2)ဒုတိယအဆင့်
ဒုတိယအဆင့်တွင် အရေပြားအကွက်များနှင့် လည်ချောင်းနာခြင်း လက္ခာများ ခံစားရတတ်ပါတယ်။အရေပြားအကွက်များသည် ယားယံခြင်းမရှိဘဲ ခြေဖဝါး၊ လက်ဖဝါးတွင် ပေါက်တတ်ပြီး တခြားကိုယ်အနှံ့အပြားတွင်လည်း ပေါက်နိုင်ပါတယ်။ အချို့လူများသည် အရေပြားအကွက် ပျောက်သည့်တိုင် သတိမထားတတ်ကြပါ။ အခြားသော လက္ခဏာများကတော့
-ခေါင်းကိုက်ခြင်း
-ပြန်ရည်ကြော အကျိတ်များရောင်ခြင်း
-ဖျားခြင်း
-ဝိတ်ကျခြင်း
-ဆံပင်ကျွတ်ခြင်း
-အဆစ်နာခြင်း
ထိုလက္ခဏာများသည် အခြားသောရောဂါများနှင့် ရောထွေးနိုင်ပါတယ်။

(3)နောက်ကျအဆင့်
ထိုအဆင့်တွင် ရောဂါပိုးသည် ပုန်းလျှိုနေသော အဆင့်ပင်ဖြစ်ပါတယ်။ ပထမအဆင့်နှင့် ဒုတိယအဆင့်သည် ကုသလျှင် ပျောက်သော်လည်း နောက်ကျအဆင့်တွင် မည်သည့်လက္ခဏာမှ သတိမထားဘဲ ရှိတတ်ပါတယ်။ ထို့ကြောင့် ကာလသားရောဂါပိုး ရှိနေသောကြောင့် တတိယအဆင့် မရောက်မှီ အချိနိကြာသည်အထိ ရှိနေနိုင်ပါတယ်။

(4)တတိယအဆင့်
အဆိုပါအဆင့်သည် နောက်ဆုံးအဆင့် ဖြစ်ပါတယ်။ ကာလသားရောဂါ ပိုးကူးစက်မှုကို မကုသခဲ့လျှင် ၁၅ မှ ၃၀ ရာခိုင်နူန်းသည် နောက်ဆုံးအဆင့်သို့ ရောက်ရှိနိုင်ပါတယ်။ ကာလသားရောဂါ တတိယအဆင့်သည် အသက်အန္တရာယ် ထိခိုက်စေနိုင်သောအဆင့် ဖြစ်ပါတယ်။ မျက်စိကွယ်ခြင်း၊ နားမကြားခြင်း၊ စိတ်ရောဂါရခြင်း၊ မှတ်ဉာဏ်ချို့တဲ့ခြင်း၊ အရိုးထိခိုက်ခြင်း၊ လေဖြတ်ခြင်း၊ အမြှေးပါးရောင်ခြင်း၊နှလုံးရောဂါရခြင်းနှင့် ဦးနှောက်နှင့် ကျောရိုးပိုးကူးစက်ခြင်းတို့ ဖြစ်ပါတယ်။

ကာလသားရောဂါပိုးကို သွေးစစ်ခြင်း၊ ဆီးစစ်ခြင်းဖြင့် သိရှိနိုင်ပါတယ်။ ကိုယ်ဝန်ဆောင်စဉ် ကာလသားရောဂါပိုးကို မဖြစ်မနေ စစ်ဆေးသင့်ပါတယ်။ ထိုမှသာ ကလေးတွင် ရောဂါပိုးကူးစက်မှု မဖြစ်ပွားအောင် ကြိုတင်ကုသသင့်ပါတယ်။

ကုသနည်းများ
-ပထမအဆင့်နှင့် ဒုတိယအဆင့် ကာလသာရောဂါပိုးကို ပင်နီဆလင်ထိုးခြင်းဖြင့် အလွယ်တကူ ကုသနိုင်ပါတယ်။ ပင်နီဆလင်နှင့် မတည့်လျှင် အခြားသော ပိုးသတ်ဆေးဖြင့် ကုသရပါတယ်။ ကာလသားပိုး ဦးနှောက်ထိရောက်ခဲ့လျှင် ဆေးရုံတွင် ကုသမှု ခံယူရပါမယ်။ ကုသနေစဉ် ရှန်ကာများ မပျောက်ခင် လိင်ဆက်ဆံမှုကို မပြုတာ အကောင်းဆုံးဖြစ်ပါတယ်။

ကာကွယ်နည်း
-လိင်ဆက်ဆံလျှင် ကွန်ဒုံးသုံးရန်
-အပျော်အပါးလိုက်စားမှု ရှောင်ကျဉ်ရန်
ကာလသားရောဂါသည် တစ်ခါသုံး ဆေးထိုးအပ်မသုံးလျှင်လည်း ရောဂါကူးစက်နိုင်ပါတယ်။

နောက်ဆက်တွဲဆိုးကျိုးများ
-ကိုယ်ဝန်ဆောင်စဉ် ရောဂါရှိလျှင် ကိုယ်ဝန်ပျက်ကျခြင်း၊ ကလေးအသေမွေးခြင်း၊ စောမွေးခြင်းတို့ဖြစ်နိုင်ပါတယ်။ ကလေးတွင်လည်း မွေးရာပါ ကာလသားရောဂါ ပါလာတတ်ပါတယ်။ ကလေးတွင် အရိုး၊သွား၊ မျက်စိ၊ နား၊ ဦးနှောက် စသည့်တို့တွင် ချို့ယွင်းချက် ပါလာတတ်ပါတယ်။ ထို့ကြောင့် စောစောရောဂါပိုးကို ရှာဖွေကုသသင့်ပါတယ်။

Author : Dr. ပြည့်ရှင်း