အသည်းကင်ဆာရောဂါသည် ကမ္ဘာပေါ်တွင် ဖြစ်ပွားမှုများသော ကင်ဆာရောဂါများ အနက် ငါးခုမြောက် ဖြစ်ပွားမှု များသော ကင်ဆာရောဂါတစ်မျိုးပင် ဖြစ်ပါသည်။ သေဆုံးမှုနှုန်းအနေနဲ့ ကတော့ တတိယ သေဆုံးမှု အများဆုံးရောဂါ တစ်ခု လို့ဆိုနိုင်ပါတယ်။ အာရှတိုက်တွင် အသည်းကင်ဆာ ဖြစ်ပွားမှုနှုန်းမှာ ကမ္ဘာပေါ်တွင် ဖြစ်ပွားသော ရောဂါသည်များ၏ ၇၅%ခန့် ပင်ရှိပါသည်။ အရှေ့တောင်အာရှနိုင်ငံများတွင် အသည်းရောင်အသားဝါ (ဘီ) ပိုးသည် အသည်းကင်ဆာ ကိုဖြစ်ပွားစေသော အဓိက အကြောင်းအ၇င်း တစ်ခု ဖြစ်ပါသည်။
အသည်းကင်ဆာ ဖြစ်ပွားစေသော တခြားသော အဓိက အကြောင်းအရင်းများမှာ အသည်းရောင်အသားဝါ (စီ) ပိုး ၊ အရက်သောက်ရာမှ အသည်းခြောက်ပြီး အသည်းကင်ဆာဖြစ်ခြင်း နှင့် Aflatoxin ခေါ် မှိုအဆိပ်တစ်မျိုးစားသုံးမိခြင်း ပင်ဖြစ်ပါသည်။ အသည်းရောင်အသားဝါ (ဘီ)ပိုး (စီ) ပိုး ရှိသူများတွင် Aflatoxin ခေါ် မှိုအဆိပ်စားသုံးမိခြင်း ဖြင့် ရောဂါဖြစ်ပွားမှုနှုန်း မြန်ဆန်အောင် အားပေးရာ ရောက်ပါသည်။
အသည်းကင်ဆာသည် ရောဂါအစဦးပိုင်းမှာတော့ လက္ခဏာအနေနဲ့ ထူးထူးခြားခြား မပြတတ်ပါဘူး။ ကိုယ်အလေးချိန်ကျတာ၊ အစားအသောက်ပျက်တာ၊ ခဏခဏဖျားတာ၊ မောပမ်းလွယ်တာ စသဖြင့် တိတိကျကျ မပြောနိုင်သော လက္ခဏာများသာ ပြလေ့ရှိပါသည်။ နောက်ပိုင်းမှာတော့ ဗိုက်ထဲမှာ တခုခုထောက်နေသလိုမျိုး၊ အစာနည်းနည်းဘဲစားပြီး ဗိုက်ပြည့်အင့်နေသလိုမျိုး၊ ဗိုက်အောင့်တာ ဗိုက်နာတာမျိုး၊ ဗိုက်ပူလာတာ၊ အသားဝါလာတာမျိုး ခံစားရနိုင်ပါတယ်။
ဒီလိုရောဂါလက္ခဏာတွေ ကို ဘယ်လိုသူတွေ အဓိကထား ဂရုပြုသင့်လဲ ဆိုတော့ အသည်းရောင်အသားဝါ (ဘီ) ပိုး (စီ) ပိုးရှိသူများ ဖြစ်ပါသည်။ ဒါကြောင့် အသည်းရောင်အသားဝါ (ဘီ)ပိုး (စီ) ပိုး ရှိသူများအနေ နဲ့ အနည်းဆုံး ၆လ တစ်ကြိမ် Ultrasound နှင့် သွေးဖောက် စစ်ဆေးနိုင်သော Biomarker ခေါ် α-fetoprotein (AFP) ကို စစ်ဆေးသင့်ပါသည်။
ဒါဆို အသည်းရောင်အသားဝါ (ဘီ) ပိုး မဖြစ်ရလေအောင် ဘယ်လိုကာကွယ်နိုင်မလဲ ဆိုတော့ ကာကွယ်ဆေး ထိုးနိုင်ပါတယ်။ မြန်မာနိုင်ငံ အပါအဝင် အရှေ့တောင်အာရှနိုင်ငံများတွင် ဖြစ်ပွားမှုနှုန်း များလို့ လူတိုင်း ကာကွယ်ဆေး ထိုးသင့်ပါတယ်။ အသည်းရောင်အသားဝါ (စီ) ပိုး ကတော့ ကာကွယ်ဆေး မရှိသေးပါဘူး။
ဒါကြောင့် မူးယစ်ဆေးဝါးထိုးသွင်းခြင်း၊ ဆေးမင်ကြောင်ထိုးခြင်း စသဖြင့် တစ်ခါသုံးအပ်မဟုတ်သော အပ်များ သုံးစွဲခြင်းမှ ရှောင်ကြဉ်သင့်ပါတယ်။
Aflatoxin ခေါ် မှိုအဆိပ်တစ်မျိုး ကို မှိုတက်နေသော အစေ့အနှံများတွင် အဓိကတွေ့ရပါတယ်။ ငရုတ်သီး၊ မြေပဲ၊ ပြောင်း စသည်တို့ကို သိမ်းဆည်းစဉ်၊ သိုလှောင်စဉ်၊ ပို့ဆောင်စဉ်တွင် Aflatoxin မှိုအဆိပ်ထုတ်လုပ်နိုင်သော မှိုတစ်မျိုး ပေါက်ပွားနိုင်ပါသည်။ ထို Aflatoxin မှိုအဆိပ်ပါသော ငရုတ်သီးမှုန့်၊ ဆနွင်းမှုန့်၊ ငရုတ်ကောင်းမှုန့်များ စားသုံးမိပါက အသည်းကင်ဆာ ဖြစ်ပွားနိုင်ပါသည်။ Aflatoxin မှိုအဆိပ်ပါသော အစားအစာများကို တာရှည်စွာ နှင့် စားသုံးမှု များသူတွင် အသည်းကင်ဆာ အဓိက ဖြစ်ပွားနိုင်ပါသည်။
Author: Dr. မိုးဆွေ