ခွေးရူးရောဂါဟာ ခွေးကိုက်လို့ ဖြစ်တယ်လို့ပဲ တော်တော်များများ သိကြပါတယ်။ အမှန်တကယ်ကတော့ Rhabdo Virus (ရက်ဒိုဗိုင်းရပ်စ်)ပိုး ကူးစက်ခံရလို့ဖြစ်တာပါ။ ဒီဗိုင်းရပ်စ်က လူကို ခွေးကိုက်တာကနေပဲ ကူးစက်နိုင်တာ မဟုတ်ပါဘူး။
ဗိုင်းရပ်စ်ပိုးရှိတဲ့ ကြောင်၊ လင်းနို့၊ မြေခွေး၊ ခွေးအ၊ ဝံပုလွေစတဲ့ နို့တိုက်သတ္တဝါ တောရိုင်းတိရစ္ဆာန်အနွယ်ဝင်တွေရဲ့ ကုတ်ခြင်း၊ ကိုက်ခြင်းခံရရင်သော်လည်းကောင်း၊ မိမိတွင်ရှိသည့် အရေပြားအနာ သို့မဟုတ် ပွန်းပဲ့ဒဏ်ရာနဲ့ ထိုတိရစ္ဆာန်များရဲ့သွားရည်နဲ့ ထိမိရင်သော်လည်းကောင်း၊ ခွေးရူးရောဂါနဲ့သေဆုံးမှန်းမသိဘဲ ထိုသူထံမှ မျက်ကြည်လွှာ အားယူပြီး အစားထိုး ကုသမှုခံယူခဲ့ရင်သော်လည်းကောင်း ကူးစက်နိုင်ပါတယ်။
ပိုးဝင်ဝင်ချင်းတော့ ရောဂါလက္ခဏာ မပြတတ်ပါ။ ကိုက်တဲ့ဒဏ်ရာ အနည်းအများရယ်၊ ကိုက်တဲ့နေရာပေါ်ရယ် မူတည်ပြီး ရောဂါလက္ခဏာပြဖို့ ပိုးဝင်တဲ့အချိန်ကနေ ၉ရက် သို့မဟုတ် လေးပတ်ကနေ ရှစ်ပတ်အထိလည်းကြာတတ်ပါတယ်။
ခွေးရူးရောဂါတွင် အကြမ်းအားဖြင့် Furious Rabies နဲ့ Dumb Rabies ဆိုပြီး အမျိူးအစား နှစ်မျိူးရှိသည်။ မြန်မာလို ခေါ်လေ့ရှိတာကတော့ အပြင်းစားအမျိူးအစားနဲ့ အပျော့စား သို့မဟုတ် အမြုံအမျိူးအစားလို့ ယေဘုယျခေါ်ပါတယ်။ အပျော့စား သို့မဟုတ် အမြုံအမျိူးအစားလို့ ပြောပေမယ့် အဲ့အမျိူးအစားကလည်း အသက်သေဆုံးသည်အထိ ဖြစ်နိုင်ပါတယ်။
အပြင်းစား(Furious Rabies)ရဲ့ လက္ခဏာတွေကတော့ စစချင်းမှာ ဖျားတာ၊ ကိုက်တဲ့နေရာမှာထုံတာ ယားတာ၊ နောက်ပြီး Hydrophobia ရေကြောက်တာ(ဆိုလိုတာက ရေသောက်ဖို့ ကြိုးစားတဲ့အခါမှာ ရေမျိူပြွန်မှာရှိတဲ့ ကြွက်သားတွေက တအားကျုံတာမျိူးကြောင့် ရေမသောက်နိုင်တာပါ) လေကြောက်တာ Aerophobia တွေလည်းဖြစ်နိုင်တယ်။ နောက်ပိုင်းကျ ပါးစပ်ကနေ သွားရည်ကျလာတာ မြင်မြင်သမျှ လှုပ်ရှားနေသည့်အရာများနှင့် သတ္တဝါများကို ရန်လိုကိုက်ဆွဲလာတာမျိူးတွေပါ ဖြစ်လာပါတယ်။ ဒီလိုတွေဖြစ်လာပြီးရင်တော့ တစ်ပတ်အတွင်းမှာတင် အသက်သေဆုံးနိုင်ပါတယ်။
အပျော့စား(Dumb Rabies)ရဲ့ လက္ခဏကတော့ အပေါ်ကဟာနဲ့ ဆန့်ကျင်ဘက်ပါ။ ကြမ်းကြမ်းရမ်းရမ်း ပုံစံတွေမရှိပါဘူး။ တဖြည်းဖြည်း အောက်ပိုင်းကနေစပြီး အပေါ်ပိုင်း နောက်ဆုံးတစ်ကိုယ်လုံးလေဖြတ်သွားသလိုမျိူး ဖြစ်ပါတယ်။ စစချင်းမှာ ခြေထောက်လှုပ်လို့ မရဘူး။ နောက်ပေါင်တွေ လှုပ်လို့မရဘူး။ နောက်အောက်ပိုင်း တစ်ခုလုံး လှုပ်လို့မရတော့ဘူး။ စဖြစ်တာကနေ လေးပတ်အတွင်း အသက်သေဆုံးနိုင်ပါတယ်။ ဒီအမျိုးအစားကကျ ခွေးရူးရောဂါဖြစ်မှန်းသိဖို့ တော်တော်ခက်ပါတယ်။
ခွေးရူးပြန်ရောဂါသည် ရောဂါလက္ခဏာပြမှ ကုသမှုခံယူပါက မည်သည့်ကုသမှုမျှ ပြုလုပ်လို့မရဘဲ သေဆုံးသည်အထိဖြစ်နိုင်ပြီး အာရုံကြောများကို အဓိကထိခိုက်စေသည့် ရောဂါဖြစ်သည်။ ဒါကြောင့်အပေါ်မှာပြောခဲ့တဲ့ တိရစ္ဆာန်တွေရဲ့အကိုက်ခံရတာ အကုတ်ခံ၇ရတာ ရှိခဲ့ပါက မပေါ့ဆဘဲ ဒဏ်ရာကိုချက်ချင်း ရေနဲ့ဆပ်ပြာနဲ့ သေချာဆေးပါ။ ပြီးရင် ဆေးခန်းသို့မဟုတ် ပြည်သူ့ဆေးရုံကို သွားပါ။ အဲ့မှာ မေးခိုင်ကာကွယ်ဆေးထိုးတာ၊ ပိုးသတ်ဆေးပေးတာဈ ဒဏ်ရာအခြေအနေပေါ် မူတည်ပြီး ခွေးရူးပြန်ကာကွယ်ဆေးတစ်မျိုး သို့မဟုတ် နှစ်မျိုးထိုးတာမျိုးတွေ လုပ်ဖို့လိုပါတယ်။
ခွေးရူးရောဂါလက္ခဏာပြပြီး အသက်ရှင်တဲ့သူဆိုလို့ ကမ္ဘာပေါ်မှာ လက်ချိုးရေလို့ လက်တစ်ဖက်တောင် မပြည့်ပါဘူး။ ဒါကြောင့် ခွေးရူးကာကွယ်ဆေးကို အကိုက်၊ အကုတ် မခံရခင်ကတည်းက ကြိုထိုးထားသင့်ပါတယ်။ တိရစ္ဆာန် ကုသသော ဆရာဝန်များ ၊ ခွေးရူးရောဂါပိုးရှိ၊ မရှိ စစ်ဆေးနေရသော ဓာတ်ခွဲခန်း ဝန်ထမ်းများ၊ ခွေးပေါသောအရပ် သို့မဟုတ် ခွေးရူးရောဂါ အဖြစ်များသော အရပ်မှာနေထိုင်သူများဆိုရင် မဖြစ်မနေ ကာကွယ်ဆေး ထိုးထားသင့်ပါတယ်။
နိဂုံးချူပ်အနေနဲ့ကတော့ Prevention Is Better Than Cure(ကာကွယ်ခြင်းဟာ ကုသခြင်းထက် ပိုကောင်းပါတယ်လို့) ဆိုတဲ့အတိုင်း ခွေးရူးရောဂါဖြစ်ပွားမှု လျော့နည်းအောင် နိုင်ငံတော်ကပါ ဝိုင်းဝန်းဆောင်ရွက်ပေးဖို့ လိုပါတယ်။ လေလွင့်ခွေးများကို ဖမ်းဆီးပြီး သင့်တော်ရာစခန်းမှာ ထိန်းသိမ်းထားတာ၊ သို့မဟုတ် သက်သာတဲ့နည်းနဲ့ သုတ်သင်ရှင်းလင်းတာ သို့မဟုတ် လေလွင့်ခွေးမျိုးပွားမှုကိုထိန်းချုပ်တာ၊ ခွေးမွေးတဲ့သူများကိုလည်း ခွေးမှတ်ပုံတင်လုပ်ခိုင်းတာမျိုးတွေကို တွင်တွင်ကျယ်ကျယ်လုပ်သင့်ပါတယ်။
နောက်ပြီး ခွေးက လူတစ်ယောက်ကိုကိုက်ပြီဆိုရင် နောက်ထပ်မကိုက်နိုင်အောင် စည်ပင် သို့မဟုတ် သက်ဆိုင်ရာဌာနကနေ အဲ့ခွေးကို ဖမ်းဆီးပြီး ၄၅ ရက်အနည်းဆုံး စောင့်ကြည့်စစ်ဆေးသင့်သည်။စောင့်ကြည်လို့ ခွေးရူးလက္ခဏာတွေ ပေါ်လာပါက သက်သာတဲ့နည်းနဲ့ ရှင်းလင်းတာမျိုးတွေ လုပ်ပေးဖို့လိုပါတယ်လို့ အကြံပြုချင်ပါတယ်။ ခွေးကိုက်ခံရတဲ့သူကလည်း သတင်းပေးဖို့လိုနိုင်ပါတယ်။
Author : Dr. 528