ကိုယ်ဝန်လနုစဉ်ဆိုတာ ကိုယ်ဝန်ဆောင်ပြီး ပထမ ၃လအတွင်းကို ဆိုလိုတာပါ ။ ထို ၃လအတွင်းသွေးဆင်းတာကို ကိုယ်ဝန်လနုစဉ် သွေးဆင်းခြင်းလို့ခေါ်ပါတယ်။ မိခင်လောင်းတွေအနေနဲ့ ထိုကာလအတွင်း သွေးဆင်းရင် ဘာတွေဆောင်ပြီး ဘာတွေ သတိထားရမလဲ ၊ ဘာတွေဖြစ်တတ်သလဲဆိုတာကို ဒီဆောင်းပါးလေးမှာ ဇီဝကအနေနဲ့ အကြံပေးထားပါတယ်။
ကိုယ်ဝန်လနုစဉ် သွေးဆင်းတာကို ကိုယ်ဝန်ဆောင်အားလုံးရဲ့ ၂၀-၃၀ ရာခိုင်နှုန်းခန့် ဖြစ်တတ်ပါတယ်။ ထိုအထဲမှာ သားပျက်သားလျော ဖြစ်နိုင်ခြေက ၃၀ရာခိုင်နှုန်းခန့် ရှိပါတယ်။ ကျန် ၇၀ ရာခိုင်နှုန်းလောက်က ပုံမှန်အတိုင်း ကိုယ်ဝန်ဆက်ဆောင်နိုင်ပါလိမ့်မယ်။ ၃ရာခိုင်နှုန်းခန့်ကတော့ သားအိမ်ပြင်ပ သန္ဓေတည်ခြင်း Ectopic pregnancy နဲ့လည်း တွဲနိုင်ပါသေးတယ်။
ဘာကြောင့် ကိုယ်ဝန်လနုစဉ် သွေးဆင်းတတ်လဲ ဆိုရင်…
(၁) Implantation bleeding သန္ဓေအောင်ပြီးနောက် သန္ဓေသား သားအိမ်ကို တွယ်ကပ်ရာတွင် သွေးဆင်းခြင်း
– ကျားသုတ်ပိုးနဲ့ မမျိုးဥတို့ သားဥပြွန်မှာ ပေါင်းစပ် သန္ဓေအောင်ပြီးနောက် သန္ဓေသားသည် ၎င်းရှင်သန်ကြီးထွားဖို့ရာ သားအိမ်မှာ တွယ်ကပ်ရပါတယ်။ ထိုသို့ တွယ်ကပ်ရာမှာ သွေးအနည်းငယ် ဆင်းလာနိုင်ပါတယ် ။အများအားဖြင့် သန္ဓေအောင်ပြီး ၆ ရက်ကနေ -၁၂ ရက်လောက်မှာ ဆင်းတတ်ပါတယ် ။ ခန့်မှန်းခြေအနေနဲ့ ရာသီလာတဲ့ရက်လောက်မှာပဲ ဆင်းတတ်ပါတယ်။ ဒါကြောင့်မို့ အမှတ်မှားတတ်ပါတယ်။ သွေးဆင်းရင်လည်း နာရီပိုင်းကနေ ရက်ပိုင်းလောက်ပဲ ကြာတတ်ပါတယ်။
OnDoctor App ဒေါင်းလုဒ်ပြုလုပ်ရန် ဒီမှာနှိပ်ပါ။
(၂) ကိုယ်ဝန်ဆောင်တွင် သားအိမ်ခေါင်း ပြောင်းလဲခြင်းကြောင့် သွေးဆင်းခြင်း
– ကိုယ်ဝန်ဆောင်များတွင် သားအိမ်ခေါင်းသည် ပိုမိုနူးညံ ပျော့ပြောင်းလာပါတယ်။ ဒါ့အပြင် သားအိမ်ခေါင်းဆီ သွေးသွားလာတာလည်း များလာပါတယ်။ ဒါ့ကြောင့် အမျိုးသားနဲ့ အတူနေမိ လိင်ဆက်ဆံမိက၊ ဒါမှ မဟုတ် သားအိမ်ခေါင်း အချွဲစယူခြင်းများ လုပ်က သွေးဆင်းတတ်ပါတယ်။
(၃) ကိုယ်ဝန်ဆောင်စဉ် မိန်းမကိုယ် မွေးလမ်းကြောင်းထဲ ပိုးဝင်ခြင်းကြောင့် သွေးဆင်းခြင်း
– ကိုယ်ဝန်ဆောင်စဉ် မိန်းမကိုယ် မွေးလမ်းကြောင်းထဲ ပိုးဝင်က သွေးဆင်းနိုင်သလို အဖြူဆင်းတာ မိန်းမကိုယ်ယားတာ ရောင်ရမ်းနာတာတွေပါ ဖြစ်တတ်ပါတယ်။
အထက်ပါ ၃ချက်သည် ဖြစ်လေ့ဖြစ်ထရှိတဲ့ အကြောင်းတရားတွေပါ။ အရမ်းစိုးရိမ်စရာ မလိုပါ။ အောက်မှာ ဆက်ပြောမယ့် အချက်တွေကိုတော့ သတိထားဖို့ လိုပါတယ်။ အောက်ပါအချက်များထဲက တစ်ခုခု ဖြစ်မယ်လို့ ယူဆရင် နီးစပ်ရာ ဆေးရုံ ၊ ဆေးခန်း အမြန်ပြဖို့ မမေ့ပါနဲ့။
(၄) သားပျက်သားလျောခြင်း Miscarriage
– သားပျက်သားလျောချင်မှန်း ဘယ်လိုသိနိုင်လဲ ဆိုရင် ရာသီထိန်မယ် ၊ ဗိုက်နာမယ် ၊ သွေးဆင်းမယ် ၊ တစ်ခါတလေ အသားစတွေပါ ဆင်းလာမယ်။
(၅) သားအိမ်ပြင်ပ သန္ဓေတည်ခြင်း Ectopic Pregnancy
– ဘယ်လိုသိနိုင်သလဲဆိုရင် ရာသီထိန်မယ်(ကိုယ်ဝန်ရှိတယ်ပေါ့) ၊ ဗိုက်အရင်နာမယ် ၊ သွေးဆင်းမယ်။ ဘာကြောင့် အရေးကြီးသလဲ ဆိုရင် သားဥပြွန်မှာ သန္ဓေတည်တာမို့ အရမ်း ကြီးထွားလာချိန်မှာ ပေါက်ထွက်ကာ သွေးလန့်ခြင်း shock ရတတ်ပါတယ်။ ဘယ်သူတွေမှာ ပိုဖြစ်တတ်သလဲဆိုရင် တင်ပါးဆုံအတွင်း အင်္ဂါတွေ နာတာရှည် ရောင်ရမ်းနာဖြစ်ဖူးသူတွေ ၊ အရင်တုန်းကလည်း Ectopic pregnancy ဖြစ်ဖူးသူတွေ ၊ သားဥပြွန်ခွဲစိတ်ဖူးသူတွေ ၊ IUCD သုံးစွဲထားသူတွေပဲ ဖြစ်ပါတယ်။
(၆) စပျစ်သီးသန္ဓေ Molar pregnancy
– ဘာဖြစ်တာလဲဆိုရင် ပုံမှန်ဆိုရင် သန္ဓေသားဖြစ်ရမယ့်အစား ပုံမမှန်တစ်သျူးများ သားအိမ်ထဲမှာ ကြီးထွားလာတာပါ။ ဘယ်လိုသိနိုင် သလဲဆိုရင် ရာသီထိန်မယ် ၊ ၁၂ ပတ်ကျော်လို့ ဗိုက်စမ်းတော့သားအိမ်အမြင့်က ရှိသင့်တာထက် ပိုမြင့်နေမယ် ၊ ကလေး နှလုံးခုန်သံ မကြားရ ၊ အာထရာဆောင်းမှာ ပုံမမှန်တဲ့ တစ်သျှူးများသာတွေ့၊ သွေးထဲ ဆီးထဲမှာ Beta hCG ဆိုတဲ့ ဟော်မုန်းတွေ များနေမယ်။ ဘာကြောင့် အရေးကြီးသလဲ ဆိုရင် တစ်ချိန်မှာ ကင်ဆာဖြစ်နိုင်ချေရှိတယ်။
OnDoctor App ဒေါင်းလုဒ်ပြုလုပ်ရန် ဒီမှာနှိပ်ပါ။
အထက်ပါအချက်တွေကို သတိထားကာ ကိုယ်ဝန်နုစဉ် သွေးဆင်းရင် ဘာတွေ လုပ်ရမလဲ ၊ ရှောင်ကြဉ်ရမလဲဆိုရင်
– ကိုယ်ဝန်လနုစဉ် လိင်မဆက်ဆံပါနဲ့။ ဒါမှမဟုတ် သွေးဆင်းနေစဉ် လိင်မဆက်ဆံပါနဲ့။
– ကိုယ်ဝန်လနုစဉ် မိန်းမကိုယ်သန့်ဆေးရည်များနဲ့ မလိုအပ်ဘဲ ဆေးကြောခြင်းများ ရှောင်ပါ။ Tampoon သုံးခြင်းရှောင်ပါ။
– သွေးဆင်းနေစဉ် အမျိုးသမီးသုံး လစဉ် ပစ္စည်းကို သုံးပါ။ ပမာဏ ၊အပျစ်အခဲ ခန့်မှန်းနိုင်ဖို့ပါ။
– အလေးအပင်မခြင်းများ ရှောင်ပါ။ နားနားနေနေ နေပါ။
– အာဟာရမျှတစွာ စားပါ။
– ရေများများသောက်ပါ။
– ဆေးလိပ်၊ ဘီယာ၊ အရက်ရှောင်ပါ။
– မလိုအပ်ဘဲ ဆေးဝါးများ မသောက်ပါနဲ့။
Author : ခေတ်သစ် ဇီဝက