အသက် ၂၀ မှ ၃၀ ပတ်ဝန်းကျင် အမျိုးသားများတွင် ညအချိန်၌ စအိုတစ်ဝိုက်ယားယံခြင်း ဝေဒနာကို ခံစားရတတ်ပါသည်။ထို့အတူ အသက် (၄၀)ကျော် အမျိုးသမီးများတွင်လည်း ကိုယ်ဝန်ဆောင်ခြင်းနှင့် ခွဲစိတ်ကုသမှု ပြုလုပ်ပြီးချိန်တွင် မိန်းမကိုယ်အဝ ယားယံတတ်ပါသည်။
စအိုတစ်ဝိုက်နှင့် မိန်းမကိုယ်အဝ ယားယံခြင်း ဖြစ်စေသည့် အကြောင်းအရင်း အမျိုးမျိုးရှိသော်လည်း အကြောင်းအရာ ရှာမရဘဲ ယားနေတတ်ပါသည်။ စိတ်ပိုင်းဆိုင်ရာကိုလည်း အနှောက်အယှက်ဖြစ်တတ်၍ မပေါ့ဆသင့်ပါ။ ဂရုစိုက်ရန် လိုအပ်ပါသည်။
(၁) စအိုတစ်ဝိုက် ယားယံစေသော အကြောင်းအရင်းစအိုတစ်ဝိုက် ယားယံခြင်းသည် စအိုတစ်ဝိုက် ချွေးထွက်လွန်ကဲခြင်း မစင်စွန့်ပြီး စအိုကို စင်ကြယ်အောင် မဆေးခြင်းတို့ကြောင့် ဖြစ်ပွားလေ့ရှိပါသည်။ စအိုကို အထူးဂရုစိုက်လွန်းကာ တစ်နေ့လျှင် အကြိမ်ကြိမ်ဆေးခြင်းနှင့် ပိုးသတ်ဆေးများဖြင့် ဆေးကြောခြင်းတို့ကြောင့်လည်း ဖြစ်တတ်ပါသည်။ ဆရာဝန်၊ သူနာပြုက ပေးလေ့ရှိသော လိမ်းဆေးများကို အသုံးလွန်ခြင်းကြောင့် ဖြစ်တတ်ပါသည်။ ထို့အပြင် အချို့သောပဋိဇီဝဆေးများကြောင့်လည်း စအိုတစ်ဝိုက်ယားယံတတ်ပါသည်။ စအိုတစ်ဝိုက်ယားယံခြင်းကို တတ်ကျွမ်းနားလည်သော ဆရာဝန်များနှင့် မကုသပဲ ဆေးမြီးတို၊ စပ်ဆေးများဖြင့် ကုသခြင်းကြောင့် ပို၍ဆိုးဝါးစေပါသည်။ အချို့မှာ စအိုဝ နည်းနည်းကလေးယားလာသည်နှင့် ကုတ်ရမှ ကျေနပ်ကြပါသည်။ စအိုတစ်ဝိုက်ယားယံခြင်းကို အရသာယူကာကုတ်ခြစ်လေ့ရှိပါသည်။ ကုတ်ဖဲ့နေခြင်းကြောင့် ရောဂါဝေဒနာ လက္ခဏာများသည် ပို၍ ဆိုးဝါးလာခြင်းဖြစ်ပါသည်။
(၂) မိန်းမကိုယ်အဝ ယားယံခြင်း ဖြစ်စေသော အကြောင်းအရင်းအမျိုးသမီးများတွင် စွဲနေတတ်သော မှိုစွဲရောဂါတစ်မျိုး (candida) ကြောင့် မိန်းမကိုယ်အဝတွင် ယားယံခြင်း ခံစားရတတ်ပါသည်။ အချို့သော အမျိုးသမီးများမှာ ချွေးထွက်လွန်ကဲခြင်းနှင့် လေ့ကျင့်ခန်း ပြုလုပ်ခြင်းများကြောင့်လည်း ယားယံတတ်ပါသည်။ အလွန်ကျပ်သော အတွင်းခံ ဘောင်းဘီများကို ဝတ်ဆင်ရာမှ ဖြစ်သူများလည်း ရှိတတ်ပါသည်။ မိန်းမကိုယ်အဝ ယားယံခြင်းကြောင့် စိတ်ပူပင်သောကများ ရရှိနိုင်ပါသည်။ ကုတ်ဖဲ့ခြင်းကြောင့် အနာများဖြစ်တတ်ပါသည်။
(၃) စအိုတစ်ဝိုက်ယားယံခြင်းကို ကုသခြင်းစအိုတစ်ဝိုက် ယားယံနေသူများ အောက်ပါအတိုင်း လိုက်နာရပါမည်။
- နောက်ဖေးသွားပြီးတိုင်း (မစင်စွန့်ပစ်ပြီးတိုင်း) စအိုဝကို ရေဖြင့်ဆေးကြောရပါမည်။
- နံနက်တစ်ခါ၊ ညနေတစ်ခါ ရေနွေးဖြင့် ရေမှန်မှန်ချိုးပေး ရပါမည်။
- ညအချိန်မတော် စအိုဝယားလာပါက ရေထချိုးရပါမည်။
- တုပ်ကောင်ငယ်များရှိပါက ဆရာဝန်နှင့် တိုင်ပင်ပြီး သန်ချရပါမည်။
- အိပ်ရာနေရာအား သန့်သန့်ရှင်းရှင်း ထားရပါမည်။
- စအိုဝကို စွတ်စိုနေခြင်း မရှိစေရန် အဝတ်သန့်ဖြင့်သုတ်ပြီး ကိုယ်လိမ်းပေါင်ဒါထည့်ပေးနိုင်ပါသည်။
- စအိုကို ဒက်တော(လ်) (Detol), အေဆက်တော(လ်) (Ascptol) စသည့် ပိုးသတ်ဆေးရည်များဖြင့် ဆေးကြောခြင်းကို ရှောင်ကြဉ်ရပါမည်။
- လိုအပ်ပါက စအိုကို သံလွင်ဆီ အနည်းငယ်သုတ်လိမ်းထားပေးနိုင်ပါသည်။
- စအိုဝကို ကုတ်ဖဲ့နေခြင်းအား ရှောင်ကြဉ်ရပါမည်။
- စအိုတစ်ဝိုက်ယားယံခြင်းကို ဆရာဝန်ညွှန်ကြားထားသော ဆေးဝါးများဖြင့် လိမ်းရပါမည်။
- မသက်သာပါက ဓာတ်ရောင်ခြည်ကုသနည်းကို အသုံးပြုရပါလိမ့်မည်။
- စအိုတစ်ဝိုက်ယားယံခြင်းသည် စိတ်ကြောင့်ဖြစ်နေပါက စိတ်ရောဂါ အထူးကုဆရာဝန်ကြီးများနှင့် ကုသရပါမည်။
(၄) မိန်းမကိုယ်အဝ ယားယံခြင်းကို ကုသခြင်းမိန်းမကိုယ်အဝ ယားယံခြင်းကို အောက်ပါအတိုင်း ကုသနိုင်ပါသည်။
တင်းကျပ်သော အတွင်းခံ၊ အဝတ်အစားများကို ရှောင်ကြဉ်ရပါမည်။
မိန်းမကိုယ်အား ပိုးသတ်ဆေးမျိုးစုံဖြင့် အကြိမ်ကြိမ်ဆေးကြောခြင်းကို ရှောင်ကြဉ်ရပါမည်။
နံနက်တစ်ခါ၊ ညတစ်ခါ ရေနွေးဖြင့် ရေမှန်မှန်ချိုးရပါမည်။
ညအချိန် ချွေးထွက်ပါက ပေါင်ခြံတစ်ဝိုက်ကို သန့်ရှင်းသော အဝတ်စိုစိုဖြင့် သုတ်ပေးရပါမည်။
ဆရာဝန်ညွှန်ကြားချက်အတိုင်း လိမ်းဆေးများကို လိမ်းပေးရပါမည်။
မသက်သာပါက ဓာတ်ရောင်ခြည်ဖြင့် ကုသရန် လိုအပ်ပါသည်။
အကြံပြုချက်
ခန္ဓာကိုယ်ထဲတွင် သန်ကောင်များရှိပါက ယားယံတတ်၍ ဆရာဝန်ညွှန်ကြားချက်အတိုင်း (၆)လတစ်ကြိမ် သန်ချနိုင်ပါသည်။ မိမိသွေးနှင့် မတည့်သော အစားအစာ (ဥပမာ – ဘဲဥ၊ ကြက်ဥ၊ မြေပဲ)များကြောင့်လည်း ယားယံတတ်၍ ရှောင်ကြဉ်ရပါမည်။ ပန်းခြံထဲတွင် ပန်းများပွင့်နေချိန် ယားယံတတ်ပါက မသွားသင့်ပါ။ အိမ်မွေးတိရစ္ဆာန်များ (ဥပမာ – ခွေး၊ ကြောင်)၏ အမွှေးများကြောင့် ယားယံတတ်ပါက မမွေးသင့်ပါ။ တစ်ကိုယ်ရည် သန့်ရှင်းရေးကို ဂရုစိုက်ခြင်း၊ ချွေးထွက်လွန်ကဲမှုမရှိအောင် ပြုလုပ်ခြင်း၊ မိမိသဘောဖြင့် ဆေးဝါးများ လိမ်းခြင်း၊ သောက်သုံးမှု မပြုလုပ်ခြင်းနှင့် ဆရာဝန်ညွှန်ကြားချက်အတိုင်း ဆေးကုသမှုခံယူခြင်းများ ဆောင်ရွက်သင့်ကြောင်း အကြံပြုအပ်ပါသည်
Author: ဒေါက်တာမြင့်သန်းထွန်း, Healthcare Journal, ,vol 8,no 40 (20.10.17)