ဒီဘက်ခေတ်မှာ လူနေမှုပုံစံပြောင်းလာတာ စိတ်ဖိစီးမှုတွေများလာတာ၊ အသင့်စားအစားအသောက်တွေ များ လာတာ စတာတွေကြောင့် သွေးတိုး၊ နှလုံး၊ ဆီးချိုရောဂါတွေ အဖြစ်များလာကြပါတယ်။ ဒီအထဲကမှ ဆီးချိုဘာ ကြောင့်ဖြစ်လဲ စဉ်းစားကြည့်ကြရအောင်။
ကိုယ်ခန္ဓာမှာသကြားဓာတ်ကို ထိန်းပေးနေတာက အင်ဆူလင်ဟော်မုန်းပါ။
Pancreas လို့ခေါ်တဲ့ မုန့်ချိုအိတ်က နေထုတ်ပါတယ်။ အင်ဆူလင် လုံးဝမထွက်တာဖြစ်စေ၊ အထွက်နည်းတာဖြစ်စေ၊ ဆီးချိုဖြစ်နိုင်တယ်။ အင်ဆူ လင်လုံးဝမထွက်လို့ ဖြစ်တဲ့ ဆီးချိုရောဂါက အသက်ငယ်ငယ်မှာကတည်းက တွေ့ရတတ်တယ်။ အင်ဆူလင် ထုတ်ပေးတဲ့ ဆဲလ်တွေပျက်စီးလို့ ဖြစ်ရတာပါ။ အဲဒါမျိုးမှာ အင်ဆူလင်ပြန်တိုးပေးဖို့ လိုပါတယ်။ သောက်ဆေးနဲ့ ထိန်းပေးလို့မရပါဘူး။
နောက်တစ်မျိုးကတော့ အင်ဆူလင်ထွက်ပေမယ့် နည်းတဲ့အခါ၊ အင်ဆူလင်ကို ခံနိုင်ရည်အားများနေတာ ကြောင့် ဖြစ်တတ်ပါတယ်။ များသောအားဖြင့် အသက်၄၀ ကျော်မှ ဖြစ်တတ်ပေမယ့် ဒီထက်ငယ်တဲ့သူတွေမှာ လည်း ဖြစ်နိုင်တယ်။ ဝတဲ့သူတွေ၊ ကိုယ်လက်လှုပ်ရှားမှုနည်းတဲ့သူတွေ၊ အစားများတဲ့သူတွေ၊ အရက်သောက် တတ်တဲ့သူတွေမှာ တွေ့ရတတ်တယ်။ မျိုးရိုးရှိရင်လည်း ဆက်ဖြစ်တတ်တယ်။
ဆီးချိုဖြစ်စေတဲ့ တခြားအကြောင်းတွေလည်း ရှိပါတယ်။
- Steroid ဟော်မုန်းဆေးတွေ၊ ဆီးဆေး (Thiazide)၊ စိတ်ပိုင်းဆိုင်ရာဆေးဝါးများ၊ ART ဆေးတွေ စွဲသောက်နေရ သူများ
- Pancreas ခွဲစိတ်ထာခြင်း၊ ထိခိုက်ထားခြင်း၊ ကင်ဆာဖြစ်ခြင်းများ
- ကိုယ်ဝန်ဆောင်သည် အချို့
- ဟော်မုန်းဆိုင်ရာ တစ်ချို့ရောဂါရှိသူတွေမှာ ဖြစ်တတ်ပါတယ်။
လူတစ်ယောက် ရေအရမ်းငတ်လာတာ၊ ဆီးခဏခဏသွားနေတာ အထူးသဖြင့် ညဘက်တွေမှာ နုန်းလာတာ၊ အသားတွေယားလာတာ၊ အနာမကျက်တာ စတာတွေခံစားရရင် ဆီးချိုလည်းစစ်ကြည့်ပါ။ ဆီးချိုစစ်ကြည့်တဲ့အ ခါည (၁၀) နာရီနောက်ပိုင်း ဘာမှမစားဘဲ နောက်တစ်နေ့ မနက်အစောကြီး စစ်တာလည်းရှိပါတယ်။ ဒါမှမဟုတ် အစာစားပြီး နှစ်နာရီအကြာမှာ စစ်တာလည်းရှိတယ်။ လိုအပ်ရင် လွန်ခဲ့တဲ့သုံးလအတွင်းက သကြားဓာတ်ကိုပြ တဲ့ Hb A1C စစ်ရပါတယ်။ လူနာခံစားရတာတွေ၊ သွေးစစ်တဲ့အဖြေတွေအပေါ် မူတည်ပြီး ဆီးချိုရှိမရှိ သိနိုင်ပါ တယ်။
ဆီးချိုရှိနေရင်တော့ အနေအထိုင်၊ အစားအသောက်ပုံစံပြင်တာ၊ လေ့ကျင့်ခန်းလုပ်တာ၊ ဆေးသောက်တာ၊ ဆေးထိုးတာ စသဖြင့်လုပ်ဖို့ လိုပါတယ်။ ဆီးချိုရောဂါ မပျောက်ပါ။ တောက်လျှောက်ထိန်းနေရတာပါ။ သက် ဆိုင်ရာ ဆရာဝန်တွေနဲ့လည်း ပုံမှန်ရက်ချိန်းပြပြီး တိုင်ပင်နေဖို့လိုပါတယ်။
Author – Dr. CST