နှစ်စဉ် အောက်တိုဘာ ၁၃ရက်နေ့ကို “No Bra Day” အဖြစ်ကမ္ဘာနဲ့ အဝှမ်း ကျင်းပကြပါတယ် ။ဒီအထိမ်းအမှတ်နေ့ကို ၂၀၁၁ ခုနှစ်ကစပြီး လူမှုကွန်ယက် မီဒီယာများမှ စတင် ကျင်းပခဲ့ပါတယ်။ အဓိက ရည်ရွယ်ချက်ကတော့ အမျိုးသမီးထုအနေနဲ့ ရင်သားကင်ဆာ လက္ခဏာများကို သတိထားမိကာမိမိတို့ဘာသာ ရင်သားစမ်းသပ်ကြခြင်းဖြင့် စောစီးစွာ ရောဂါသိရှိရေးကို အလေးပေးတာပါ။
တကယ် စေ့စေ့စပ်စပ် ပြန်ကြည့်မယ်ဆိုရင် No Bra Day အစကကနေဒါနိုင်ငံ တိုရန်တိုမြို့ရှိ ဒေါက်တာ မစ်ချယ်လ်က အစပြုခဲ့တာပါ။ သူ့ရဲ့ မူလ BRA ရဲ့ ဆိုလိုရင်းက Breast Reconstruction Awareness ဖြစ်ဖို့ပါ။ ရင်သားကင်ဆာကြောင့် ရင်သားဖြတ်ထုတ်ပြီးရင် အလှမပျက် ပြန်လည် တည်ဆောက်ပြုပြင်နိုင်တာ လူနာများကို သိစေချင်လို့ပါလို့ ဆိုပါတယ်။
ဇီဝကတို့ အမျိုးသမီးတွေမှာ မြန်မာနိုင်ငံမှာ အဖြစ်အများဆုံးကင်ဆာကို ကြည့်မယ်ဆိုရင် ကမ္ဘာ့ကျန်းမာရေးအဖွဲ့ကြီးရဲ့ ၂၀၁၄ ထုတ်ပြန်ချက်အရ ရင်သားကင်ဆာပဲဖြစ်ပါတယ်။ ဒါကြောင့် အမျိုးသမီးထု အနေနဲ့ မပေါ့ဆသင့်ပါ။
ဇီဝကတို့ ပတ်ဝန်းကျင်မှာ ကင်ဆာဖြစ်စေတဲ့ အဆိပ်အတောက်ပစ္စည်းများစွာ ရှိနေပါတယ်။ ထိုပစ္စည်းတွေဟာ အချိန်ကြာလာတာနဲ့ အမျှ ခန္ဓာကိုယ်ထဲရှိ ဆဲလ်များကို ကင်ဆာဆဲလ် အဖြစ်ပြောင်းစေပါတယ်။ ထိုသို့ မဖြစ်ရလေအောင် ပြန်ရည်ကြောစနစ်က ဖယ်ရှားပေးပါတယ်။ အဆိုပါ ပြန်ရည်ကြောလေးတွေဟာ အင်မတန်မှ နူးညံ့ပြီး အရေပြားနဲ့ ကပ်လျက်တည်ရှိပါတယ်။
လမ်းလျှောက်ခြင်း ၊ပြေးလွှား ခုန်ပေါက်ခြင်းများဟာ ရင်သားကိုမသိမသာ လှုပ်ရှားစေတာမို့ ရင်သားကို နှိပ်နယ်ပေးသလိုဖြစ်ကာ ပြန်ရည်စီးဆင်းမှုကို ကောင်းမွန်စေပါတယ်။ ဒါပေမယ့် ပြန်ရည်ကြောများကို တုပ်နှောင်စေသလို ဖြစ်စေသော ကျုံ့နိုင်ဆန့်နိုင်သော အကျီ င်္များ ၊ဘရာစီယာထဲမှာပါတဲ့ ပံ့ပိုးပစ္စည်းများ ၊နန်းကြိုးများ ၊ချည်ခင်များ ၊ကြိုးခင်များ ၊ကိုယ်ကျပ် အတွင်းခံများနဲ့ ရေကူရှင်များဟာ ကင်ဆာဖြစ်စေတဲ့ အဆိပ်အတောက်များကို ရင်သား တစ်သျှူးဆဲလ်တွေကြား အချိန်အတန်ကြာ စုအောင်းစေပါတယ်။
ဒါကြောင့် ကင်ဆာဖြစ်နိုင်ခြေတက်တယ်လို့ ယူဆကြပါတယ်။ ထို့အပြင် underwire အောက်ခံဝိုင်ယာကြိုးပါရှိတဲ့ဘရာအမျိုးအစား ဝတ်ဆင်သူတွေနဲ့ ညဘက် အိပ်ချိန် ဘရာဝတ်ဆင်သူတို့မှာကင်ဆာ ပိုဖြစ်တယ်လို့လည်း တချို့သော သုတေသီတွေက ဆိုကြပါတယ်။ ဘာလို့လဲဆိုရင် ရင်သားဆဲလ်တွေဟာ အရမ်းကြပ်ထုတ်စွာ ၊အချိန်ကြာမြင့်စွာတုပ်နှောင်ခံရသလိုဖြစ်ကာ အောက်ဆီဂျင်ဓာတ် ကောင်းစွာမရဘဲ ဖိုင်ဘရိုးစစ်လို့ခေါ်တဲ့ အမျှင်များစုကာ ကင်ဆာဖြစ်နိုင်ချေကို ပိုမို များလာစေပါတယ်။
ရင်သားကင်ဆာနဲ့ ဘရာ ဆက်စပ်မှုကို လေ့လာထားသော နိုင်ငံရပ်ခြားမှ အထင်ကရဖြစ်တဲ့ သုတေသနများကို ဖော်ပြပေးလိုက်ပါတယ်။
-၁၉၃၀ ဝန်းကျင်မှာ ကော့ဆက် မိန်းမကိုယ်ကျပ်အကျီ င်္များနဲ့ ရင်သားကင်ဆာ ဆက်နွယ်မှု ရှိကြောင်း သုတေသန တစ်ခုက လေ့လာတွေ့ရှိခဲ့ပါတယ်။
-၁၉၇၀ ခုနှစ်မှာ အမေရိကန်နိုင်ငံ ကယ်လ်ဖိုးနီးယားပြည်နယ်က ဆရာဝန်တစ်ယောက်က ဘရာဝတ်ဆင်သူ အမျိုးသမီးတွေမှာ ရင်သားအပူချိန် များကြောင်းတွေ့ရှိခဲ့ပါတယ်။ ရင်သားအပူချိန်များရင် ကင်ဆာဖြစ်နိုင်ခြေများတယ်လို့လည်း ခန့်မှန်းတွေ့ရှိခဲ့ပါတယ်။
-၁၉၉၁ခုနှစ် ဟားဗတ် တက္ကသိုလ်မှ သုတေသီများရဲ့ လေ့လာချက်များအရ ဘရာမဝတ်တဲ့ အမျိုးသမီးတွေမှာ ဝတ်တဲ့အမျိုးသမီးတွေထက် ရင်သားကင်ဆာဖြစ်နိုင်ချေ ၆၀ ရာခိုင်နှုန်းခန့် လျော့နည်းကြောင်း လေ့လာတွေ့ရှိခဲ့ပါတယ်။
-၁၉၉၅ခုနှစ်မှာ ဆစ်ဒနီ ဆင်းဂါးနဲ့ ဆိုမာ ဂရစ်စ်မီဂျာတို့ရဲ့ လေ့လာချက်များအရဘရာဝတ်ဆင်သူ အမျိုးသမီး တစ်ဝက်လောက်ဟာ ရင်သားကင်ဖြစ်ပွားတာကိုတွေ့ရတယ်။ အဆိုပါ အမျိုးသမီးတွေဟာ ဘရာကို အချိန်ကြာမြင့်စွာ ဝတ်ဆင်ခဲ့တာကို တွေ့ရှိခဲ့ရပါတယ်။ ဒါကြောင့် ဘရာဝတ်ဆင်ချိန်များလေ ရင်သားကင်ဆာဖြစ်နိုင်ချေ များလေပါ။
ရင်သားကင်ဆာ မဖြစ်အောင် ဘာတွေ ကြိုတင် လုပ်ပေးထားနိုင်မလဲ
-ဘရာ ဝတ်ဆင်မှုရှောင်ပါ
-မရှောင်နိုင်က ရင်သားများကို ဖုံးကွယ်လွှမ်းခြုံဖို့ ချောင်ချိသော အရာများကို ရွေးချယ် ဝတ်ပါ။ ဥပမာ-ဘော်လီ အကျီ င်္၊ရှမီး
-သက်သောင့် သက်သာဖြစ်စေတဲ့ ဘရာများကို ရွေးချယ် ဝတ်ပါ။ အောက်ခံနန်းကြိုးများ မပါသော ၊ရေကူရှင်များ မပါသော ဘရာများကို ရွေးပါ။ ဘရာ ဝတ်လိုက်လို့အရေပြားမှာ အနီအစင်းကြောင်းပေါ်ရင် ချိုင့်ဝင်နေတဲ့ မြောင်းများဖြစ်မယ်ဆိုရင် ဘရာဆိုဒ်ဟာ မိမိနဲ့ မလိုက်ဖက် ၊ရင်သားကို အရမ်းတုပ်နှောင်သလို ဖြစ်စေတာမို့မဝတ်သင့်ပါ။
-ညဘက် ဘရာဝတ်အိပ်ခြင်းကို ရှောင်ပါ။
Author: ခေတ်သစ် ဇီဝက